[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ബന്ധം പിരിഞ്ഞാല്‍ അയാള്‍ കൊല്ലുമെന്നും മുഖത്ത് ആസിഡ് ഒഴിക്കുമെന്നും ഭീഷണിപ്പെടുത്തുന്നു; ലൈവിൽ പൊട്ടിക്കരഞ്ഞ് നടി അഞ്ജലി അമീർ

പ്രശസ്ത നടി ആയ അഞ്ജലി അമീറിന്റെ ഫേസ്ബുക് ലൈവ് വീഡിയോ ആണ് ഇപ്പോൾ സോഷ്യൽ മീഡിയയിൽ ചർച്ചാ വിഷയം ആയിരിക്കുന്നത്. ലിവിംഗ് ടുഗദര്‍ പങ്കാളിയില്‍ നിന്ന് തനിക്ക് വധഭീഷണിയുണ്ടെന്ന് വെളിപ്പെടുത്തികൊണ്ടാണ് ഈ നടി ഇപ്പോൾ രംഗത്ത് വന്നിരിക്കുന്നത്. പൊട്ടിക്കരഞ്ഞു കൊണ്ടാണ് അഞ്ജലി അമീറിന്റെ ഫേസ്ബുക് ലൈവ് വീഡിയോ എന്നതാണ് കാര്യത്തിന്റെ ഗൗരവം കൂട്ടുന്നത്. ബന്ധം പിരിഞ്ഞാല്‍ അയാള്‍ കൊല്ലുമെന്നും മുഖത്ത് ആസിഡ് ഒഴിക്കുമെന്നും ഭീഷണിപ്പെടുത്തുന്നെന്നു പറഞ്ഞ അഞ്ജലി അമീർ താനിപ്പോൾ ആത്മഹത്യയുടെ വക്കിലാണെന്നും ലൈവ് വീഡിയോയിൽ ഏവരോടുമായി പറയുന്നു.

കുറച്ച് നാള്‍ മുമ്പ് താനൊരു പോസ്റ്റ് പങ്കുവെച്ചിരുന്നു എന്നും ഒരാള്‍ തന്നെ വല്ലാതെ വിഷമിപ്പിക്കുന്നു എന്ന കാര്യം അതിൽ പറഞ്ഞിരുന്നു എന്നും അഞ്ജലി അമീർ പറയുന്നു. അയാൾ ഈ നടിയെ മാനസികമായും ശാരീരികമായും ഉപദ്രവിക്കാന്‍ ശ്രമിക്കുന്നതായും അവർ പറഞ്ഞിരുന്നു. തനിക്കു ഒരു തരത്തിലും ഇഷ്ടമില്ലാത്ത വ്യക്തിയുമായി പല സാഹചര്യങ്ങള്‍ കൊണ്ട് ലിവിംഗ് ടുഗദെറില്‍ ഏര്‍പ്പെടേണ്ടി വന്നിരുന്നു എന്നും തനിക്കു ഒട്ടും താല്‍പര്യമില്ലാതെയാണ് ആ ബന്ധം കൊണ്ടുപോയത് എന്നുമാണ് അഞ്ജലി അമീർ പറയുന്നത്.അയാള്‍ തന്നെ ചതിക്കാന്‍ പോയ സാഹചര്യത്തിലാണ് അങ്ങനെയൊരു പോസ്റ്റ് താൻ സോഷ്യൽ മീഡിയയിൽ ഇട്ടതു എന്നും അഞ്ജലി വെളിപ്പെടുത്തി. എന്നാൽ ഇപ്പോൾ താൻ ഈ ബന്ധത്തില്‍ നിന്നും വേര്‍പിരിഞ്ഞാല്‍ തന്നെ കൊല്ലുമെന്നും മുഖത്ത് ആസിഡ് ഒഴിക്കുമെന്നും ഭീഷണിപ്പെടുത്തുകയാണ് അയാൾ എന്നാണ് അഞ്ജലി പറയുന്നത്.

താൻ ഈ ലോകത്ത് ഇപ്പോൾ ഏറ്റവും വെറുക്കുന്നതും അയാളെയാണ് എന്ന് പറഞ്ഞ അഞ്ജലി അമീർ പോലീസിൽ പരാതി കൊടുക്കുകയും ചെയ്തിട്ടുണ്ട്. ഇതുവരെ 4 ലക്ഷം രൂപ അയാൾ തനിക്കു തരാനുണ്ട് എന്നും പറഞ്ഞ അഞ്ജലി, മാനസികമായി അടുപ്പമില്ലെങ്കില്‍ പോലും തങ്ങൾ ഒരുമിച്ചാണ് താമസിക്കുന്നത് എന്നും പറഞ്ഞിരുന്നു. കോളജില്‍ തന്നെ അയാൾ കൊണ്ടാക്കാന്‍ വരുമായിരുന്നു എന്നും അവിടെ വന്നാല്‍ പോലും താൻ എവിടെപ്പോകുവാണെന്ന് തിരഞ്ഞു നടക്കും എന്ന കാര്യവും അഞ്ജലി വെളിപ്പെടുത്തിയിരുന്നു. കഴിഞ്ഞ ഒന്നരവര്‍ഷമായി അയാള്‍ ഒരു ജോലിക്കു പോലും പോകുന്നില്ല എന്ന് പറഞ്ഞ അഞ്ജലി തനിക്കു ചോദിക്കാനും പറയാനും ആരുമില്ല എന്ന ധൈര്യമാണ് അയാളെ കൊണ്ട് ഇതൊക്കെ ചെയ്യിക്കുന്നത് എന്നും സൂചിപ്പിച്ചു. ആത്മഹത്യയുടെ വക്കിലാണ് താൻ എന്നും ജീവിതം മതിയായി എന്നുമാണ് ഈ നടി ഇപ്പോൾ പറയുന്നത്. വേറൊരു നിവൃത്തി ഇല്ലാത്തതു കൊണ്ടാണ് ഇങ്ങനെയൊരു ലൈവില്‍ വന്നത് എന്നും അഞ്ജലി അമീര്‍ വീഡിയോയില്‍ വിശദീകരിക്കുന്നു. കോഴിക്കോട് സ്വദേശി ആണ് അഞ്ജലി ആരോപണം ഉന്നയിച്ച യുവാവു എന്നറിയുന്നു.

webdesk

Recent Posts

അഭിനയത്തികവിന്റെ മമ്മൂട്ടി മാജിക് വീണ്ടും; കളങ്കാവൽ ട്രെയ്‌ലർ പുറത്ത്, ചിത്രം നവംബർ 27 ന്

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്‌ലർ പുറത്ത്. നവംബർ 27…

6 days ago

ഹനാന്‍ ഷാ പാടിയ റൊമാന്റിക് സോങ്; ‘പൊങ്കാല’യിലെ പള്ളത്തിമീന്‍ പോലെ പാട്ട് പുറത്തിറങ്ങി.

മലയാളികളുടെ ഹൃദയം കീഴടക്കിയ ഹനാന്‍ ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര്‍ ആവേശത്തോടെ കാത്തിരിക്കുന്ന ആക്ഷന്‍ ചിത്രമാണ്…

1 week ago

പൊങ്കാല’ യുടെ ഗംഭീര ഓഡിയോ ലോഞ്ച് ദുബായിൽ വെച്ച് നടന്നു.

ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…

1 week ago

ഓപ്പറേഷന്‍ സിന്ദൂര്‍ സിനിമയാകുന്നു, നായകന്‍ മോഹന്‍ലാല്‍

മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…

1 week ago

കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്

ആക്‌‌ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…

1 week ago

ലിജോ ജോസ് പെല്ലിശ്ശേരി ബോളിവുഡിലേക്ക്; സംഗീതം എ ആര്‍ റഹ്മാന്‍

പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…

3 weeks ago

This website uses cookies.