ഉദ്വേഗഭരിതമായ അന്വേഷണങ്ങളുടെ യാത്ര ഇന്ന് തുടങ്ങുന്നു; അന്വേഷിപ്പിൻ കണ്ടെത്തും തീയേറ്റർ ലിസ്റ്റ് ഇതാ

യുവതാരം ടോവിനോ തോമസ് നായകനായി എത്തുന്ന ഏറ്റവും പുതിയ ചിത്രമായ അന്വേഷിപ്പിൻ കണ്ടെത്തും ഇന്ന് മുതൽ പ്രേക്ഷകരുടെ മുന്നിൽ. ആഗോള റിലീസായി എത്തുന്ന ഈ ഇൻവെസ്റ്റിഗേഷൻ ത്രില്ലർ ചിത്രത്തിന് കേരളത്തിലും വമ്പൻ റിലീസാണ് ലഭിച്ചിരിക്കുന്നത്. ചിത്രത്തിന്റെ തീയേറ്റർ ലിസ്റ്റ് ഇവിടെ ചേർക്കുന്നു. ആനന്ദ് നാരായണൻ എന്ന പേരുള്ള ഒരു പോലീസ് സബ് ഇൻസ്‌പെക്ടർ ആയാണ് ടോവിനോ ഈ ചിത്രത്തിൽ പ്രത്യക്ഷപ്പെടുന്നത്. ആദ്യാവസാനം പ്രേക്ഷകരെ ആകാംഷയുടെ മുൾമുനയിൽ നിർത്തുന്ന ഒരു ഗംഭീര കുറ്റാന്വേഷണ ചിത്രമായിരിക്കും ഇതെന്നുള്ള സൂചനയാണ് ഇതിന്റെ ട്രൈലെർ, ടീസർ എന്നിവ നമ്മുക്കു തന്നത്. വളരെ റിയലിസ്റ്റിക് ആയാണ് ഈ ചിത്രം ഒരുക്കിയിരിക്കുന്നതെന്നും സൂചനയുണ്ട്. നവാഗതനായ ഡാർവിൻ കുര്യാക്കോസ് സംവിധാനം ചെയ്തിരിക്കുന്ന ഈ ചിത്രം രണ്ട് കാലഘട്ടങ്ങളിലൂടെ സഞ്ചരിച്ചാണ് കഥ പറയുന്നതെന്നും ട്രൈലെർ, ടീസർ എന്നിവ സൂചിപ്പിക്കുന്നു.

തീയേറ്റർ ഓഫ് ഡ്രീംസിന്റെ ബാനറിൽ ഡോൾവിൻ കുര്യാക്കോസ്, ജിനു വി എബ്രഹാം എന്നിവർ ചേർന്ന് നിർമ്മിച്ചിരിക്കുന്ന ഈ ബിഗ് ബഡ്ജറ്റ് ചിത്രം, പ്രശസ്ത തിരക്കഥാകൃത്തും സംവിധായകനുമായ ജിനു എബ്രഹാമാണ് രചിച്ചിരിക്കുന്നത്. സിദ്ദിഖ്, ഇന്ദ്രൻസ്, ബാബുരാജ്, ഹരിശ്രീ അശോകൻ, ഷമ്മി തിലകൻ, പ്രമോദ് വെളിയനാട്, വിനീത് തട്ടിൽ, രാഹുൽ രാജഗോപാൽ, രമ്യ സുവി എന്നിവരും വേഷമിട്ടിരിക്കുന്ന ഈ ചിത്രത്തിന് സംഗീതവും പശ്‌ചാത്തല സംഗീതവും ഒരുക്കിയത് പ്രശസ്ത തെന്നിന്ത്യൻ സംഗീത സംവിധായകനായ സന്തോഷ് നാരായണനാണ്. ഗൗതം ശങ്കർ കാമറ ചലിപ്പിച്ചിരിക്കുന്ന ഈ ചിത്രത്തിലൂടെ രണ്ട് പുതുമുഖ നായികമാരും മലയാളത്തിലെത്തുന്നുണ്ട്. വിക്രം മെഹ്‍റ, സിദ്ധാർഥ് ആനന്ദ് കുമാർ എന്നിവരും നിർമ്മാണ പങ്കാളികളായി എത്തിയിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് സൈജു ശ്രീധരനാണ്.