ദേശിയ പുരസ്‌കാരം നേടിയ പത്തേമാരിക്ക് ശേഷം സലിം അഹമ്മദ് സംവിധാനം ചെയ്യുന്ന ചിത്രത്തിൽ നായകൻ ടോവിനോ…

മമ്മൂട്ടിയെ നായകനാക്കി സലിം അഹമ്മദ് സംവിധാനം ചെയ്ത ചിത്രമാണ് ‘പത്തേമാരി’. നല്ല കഥാമൂല്യമുള്ള ഈ ചിത്രം മികച്ച സിനിമക്കുള്ള ദേശീയ പുരസ്‌കാരം വരെ സ്വന്തമാക്കി. ആദാമിന്റെ മകൻ അബു, കുഞ്ഞനന്തന്റെ കട എന്നീ ചിത്രങ്ങൾക്ക് ശേഷം സലിം അഹമ്മദ് സംവിധാനം ചെയ്ത ചിത്രമായിരുന്നു ‘പത്തേമാരി’. അദ്ദേഹത്തിന്റെ അടുത്ത ചിത്രത്തിന് വേണ്ടി സിനിമ പ്രേമികൾ കുറെനാൾ കാത്തിരിക്കുകയുണ്ടായി എന്നാൽ കാത്തിരിപ്പിന് വിരാമമെന്നപ്പോലെ നാലാമത്തെ ചിത്രം അദ്ദേഹം കഴിഞ്ഞ കൊല്ലം അന്നൗൻസ് ചെയ്യുകയുണ്ടായി. ദുൽഖർ സൽമാനെ നായകനാക്കി സലിം അഹമ്മദ് സംവിധാനം ചെയ്യാൻ ഒരുങ്ങിയ ചിത്രത്തിന് ‘ആൻഡ് ദി ഓസ്കാർ ഗോസ് ടു’ എന്നായിരുന്നു ടൈറ്റിൽ നൽകിയത്, എന്നാൽ പല കാരണങ്ങൾ കൊണ്ട് അവസാന നിമിഷം ദുൽഖർ പിന്മാറുകയും നറുക്ക് വീണിരിക്കുന്നത് ടോവിനോ തോമസിനുമാണ്.

ഒരു സംവിധായകനായി തീരണം എന്ന മോഹമായി നടക്കുന്ന യുവാവിന്റെ കഥ പറയുന്ന ഈ ചിത്രത്തിൽ ടോവിനോയാണ് കേന്ദ്ര കഥാപാത്രത്തെ അവതരിപ്പിക്കുന്നത്. ടോവിനോ ആദ്യമായിട്ടായിരിക്കും ഒരു സംവിധായകന്റെ വേഷം സിനിമയിൽ അഭിനയിക്കുന്നത്. ഇതൊരു റിയൽ സ്റ്റോറി അല്ലെന്നും മലയാള സിനിമയിൽ കഷ്ടപ്പെടുന്ന ഓരോ നവാഗത സംവിധായകരുടെ പച്ചയായ ജീവിതമാണെന്ന് അടുത്തിടെ ഒരു ഇന്റർവ്യൂയിൽ സലിം അഹമ്മദ് പറയുകയുണ്ടായി. അനു സിത്താരയാണ് നായികയായി വേഷമിടുന്നത്, എന്നാൽ ചിത്രത്തിൽ വേറെയൊരു നായികയും ഉണ്ടാവും എന്നാണ് അടുത്ത റിപ്പോർട്ടുകൾ സൂചിപ്പിക്കുന്നത്. സിദ്ദിഖ്, സലിം കുമാർ, സുരാജ് വെഞ്ഞാറമൂട് തുടങ്ങിയവർ ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നുണ്ട്. ഈ വർഷം സെപ്റ്റംബറിൽ ഷൂട്ടിംഗ് ആരംഭിക്കുന്ന ചിത്രം ലോസ് എഞ്ചൽസ്, കാനഡ, ചെന്നൈ, കൊച്ചി എന്നീ സ്ഥലങ്ങളിലായിരിക്കും പ്രധാനമായും ചിത്രീകരിക്കുക.