[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

സൗഹൃദം, പിന്നെ പകയ്ക്ക് പിന്നിലെ സസ്പെൻസ്; ‘തീർപ്പ്’ ഗൾഫിലെത്തിക്കാൻ സ്റ്റാർസ് ഹോളീഡേ ഫിലിംസ്

പൃഥ്വിരാജ്, ഇന്ദ്രജിത്ത്, സൈജു കുറുപ്പ്, വിജയ് ബാബു വൈവിധ്യവേഷങ്ങളിലൂടെ മലയാള സിനിമയിൽ മികച്ച അഭിനേതാക്കളായി ഇടംപിടിച്ച താരങ്ങൾ അണിനിരക്കുന്ന ‘തീർപ്പ്’ ഈ മാസം പ്രദർശനത്തിന് എത്തുകയാണ്. കമ്മാരസംഭവം എന്ന ചിത്രത്തിന് ശേഷം രതീഷ് അമ്പാട്ട് സംവിധാനം ചെയ്യുന്ന തീർപ്പ് ഒരു കംപ്ലീറ്റ് ത്രില്ലർ രൂപത്തിലാണ് അവതരിപ്പിക്കുന്നത്. ഇപ്പോഴിതാ ഓണത്തിന് മുന്നോടിയായി കേരളത്തിൽ പ്രദർശനത്തിനെത്തുന്ന മലയാള ചിത്രം ജിസിസി കേന്ദ്രങ്ങളിലും ആദ്യ ദിനം തന്നെ റിലീസ് ചെയ്യുമെന്നതാണ് പുതിയ വാർത്ത.

കേരളത്തിലെ റിലീസ് തീയതിയിൽ തന്നെ യുഎഇ, ഖത്തർ, ബഹ്റൈൻ, മസ്കറ്റ് തുടങ്ങി എല്ലാ പ്രമുഖ ജിസിസി കേന്ദ്രങ്ങളിലും തീർപ്പ് പ്രദർശനത്തിനെത്തുന്നു. പ്രമുഖ ഓവർസീസ് ഡിസ്ട്രിബൂഷൻ കമ്പനിയായ സ്റ്റാർസ് ഹോളീഡേ ഫിലിംസാണ് ചിത്രത്തിന്റെ ഗൾഫ് റിലീസ് ഏറ്റെടുത്തിരിക്കുന്നത്. സിനിമയുടെ ജിസിസി റിലീസിനെ പറ്റി പൃഥ്വിരാജ് തന്നെയാണ് സമൂഹമാധ്യമങ്ങളിലൂടെ അറിയിച്ചത്. തീർപ്പിന്റെ ജിസിസി തിയേറ്റർ വിതരണാവകാശം സ്റ്റാർസ് ഹോളിഡേ ഗ്രൂപ്പ് സ്വന്തമാക്കിയെന്നും, ടിക്കറ്റ് ബുക്കിങ് ആരംഭിച്ചതായും താരം ഫേസ്ബുക്ക് പോസ്റ്റിൽ കുറിച്ചിട്ടുണ്ട്. ഓഗസ്റ്റ് 25ന് ചിത്രം ലോകമെമ്പാടുമുള്ള തിയേറ്ററുകളിൽ പുറത്തിറങ്ങുമെന്നും പൃഥ്വിരാജ് അറിയിച്ചു.

അബ്ദുള്ള, പരമേശ്വരൻ, കല്യാൺ, രാംകുമാർ എന്നീ നാല് സുഹൃത്തുക്കളുടെ കൂടിച്ചേരലുകളും അവർക്കിടയിൽ ഉണ്ടാകുന്ന ബാല്യകാലത്തെ ചില പ്രശ്നങ്ങളും ഒരു ത്രില്ലർ മൂഡിൽ ചിത്രം പറയുന്നു. സിദ്ദിഖ്, ഇഷാ തല്‍വാര്‍, അലന്‍സിയര്‍, ലുക്മാന്‍ തുടങ്ങിയവരും തീർപ്പിൽ അണിനിരക്കുന്നുണ്ട്. ചിത്രത്തിന്റെ തിരക്കഥ രചിച്ചിരിക്കുന്നത് മുരളി ഗോപിയാണ് എന്നതാണ് മറ്റൊരു ആകർഷക ഘടകം. ഗോപി സുന്ദർ തീർപ്പിന്റെ പശ്ചാത്തല സംഗീതം ഒരുക്കിയിരിക്കുന്നു.

കെ.എസ് സുനിൽ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ ദീപു ജോസഫ് ആണ്. ഫ്രൈഡേ ഫിലിം ഹൗസിന്റെ ബാനറിൽ വിജയ് ബാബുവും മുരളി ഗോപി, രതീഷ് അമ്പാട്ട് എന്നിവരും ചേർന്നാണ് തീർപ്പ് നിർമിച്ചിരിക്കുന്നത്.

Anju

Recent Posts

രാജേഷ് മാധവന്റെ സംവിധാനത്തിൽ ഒരുങ്ങിയ “പെണ്ണും പൊറാട്ടും” IFFIയിലും IFFKയിലും പ്രദർശിപ്പിക്കും.

പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…

3 days ago

അഭിനയത്തികവിന്റെ മമ്മൂട്ടി മാജിക് വീണ്ടും; കളങ്കാവൽ ട്രെയ്‌ലർ പുറത്ത്, ചിത്രം നവംബർ 27 ന്

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്‌ലർ പുറത്ത്. നവംബർ 27…

2 weeks ago

ഹനാന്‍ ഷാ പാടിയ റൊമാന്റിക് സോങ്; ‘പൊങ്കാല’യിലെ പള്ളത്തിമീന്‍ പോലെ പാട്ട് പുറത്തിറങ്ങി.

മലയാളികളുടെ ഹൃദയം കീഴടക്കിയ ഹനാന്‍ ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര്‍ ആവേശത്തോടെ കാത്തിരിക്കുന്ന ആക്ഷന്‍ ചിത്രമാണ്…

3 weeks ago

പൊങ്കാല’ യുടെ ഗംഭീര ഓഡിയോ ലോഞ്ച് ദുബായിൽ വെച്ച് നടന്നു.

ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…

3 weeks ago

ഓപ്പറേഷന്‍ സിന്ദൂര്‍ സിനിമയാകുന്നു, നായകന്‍ മോഹന്‍ലാല്‍

മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…

3 weeks ago

കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്

ആക്‌‌ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…

3 weeks ago

This website uses cookies.