പ്രശസ്ത സംവിധായകൻ അൽഫോൻസ് പുത്രൻ നിർമ്മാതാവാകുന്ന വിവരം നേരത്തെ തന്നെ നമ്മൾ അറിഞ്ഞതാണ്. അദ്ദേഹം നിർമ്മിക്കുന്ന ചിത്രത്തിന്റെ ചിത്രീകരണം തുടങ്ങിയ വിവരവും നമ്മുക്ക് മുന്നിൽ എത്തിയിരുന്നു. ഇപ്പോഴിതാ ആ ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തിരിക്കുകയാണ്. തോബാമ എന്ന് പേരിട്ടിരിക്കുന്ന ചിത്രത്തിൽ സിജു വിൽസൺ, കൃഷ്ണ ശങ്കർ, ഷറഫുദീൻ എന്നിവരാണ് പ്രധാന വേഷങ്ങളിൽ എത്തിയിരിക്കുന്നത്. നവാഗതനായ മുഹ്സിൻ കാസിം ആണ് ഈ ചിത്രം സംവിധാനം ചെയ്തിരിക്കുന്നത്. സുകുമാരൻ തെക്കേപ്പാട്ട് ആണ് ഈ ചിത്രത്തിന്റെ നിർമ്മാണത്തിൽ അൽഫോൻസ് പുത്രനുമായി സഹകരിച്ചിരിക്കുന്നതു. ടി വി അശ്വതി , മൊഹ്സിൻ കാസിം എന്നിവർ ചേർന്ന് രചിച്ചിരിക്കുന്നു ഈ ചിത്രത്തിന് ദൃശ്യങ്ങൾ ഒരുക്കിയിരിക്കുന്നത് സുനോജ് വേലായുധൻ ആണ്.
രാജേഷ് മുരുഗേശൻ സംഗീത സംവിധാനം നിർവഹിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് ഷിനോസ് റഹ്മാൻ ആണ്. പ്രേമം , ഒപ്പം എന്നീ ചിത്രങ്ങൾക്ക് സൗണ്ട് ഡിസൈൻ ചെയ്ത വിഷ്ണു ഗോവിന്ദ്, ശ്രീ ശങ്കർ എന്നിവരാണ് ഈ ചിത്രത്തിന് സൗണ്ട് ഡിസൈൻ ചെയ്തിരിക്കുന്നത്. ശബരീഷ് വർമ്മ വരികൾ എഴുതിയിരിക്കുന്ന ഈ ചിത്രം ഈ വർഷത്തെ സമ്മർ റിലീസ് ആയി തീയേറ്ററുകളിൽ എത്തും. പ്രേമത്തിന് ശേഷം അൽഫോൻസ് പുത്രന്റേതായി ഇതുവരെ സിനിമകൾ ഒന്നും തീയേറ്ററുകളിൽ എത്തിയിട്ടില്ല. അൽഫോൺസ് അടുത്തതായി ചെയ്യാൻ പോകുന്നത് മലയാളത്തിലും തമിഴിലുമായി ഒരു ദ്വിഭാഷാ ചിത്രം ആണെന്നും കാളിദാസ് ജയറാം ആയിരിക്കും അതിൽ നായകൻ എന്നുമൊക്കെയുള്ള വാർത്തകൾ വന്നിരുന്നു. അതിനെ കുറിച്ചുള്ള കൂടുതൽ റിപ്പോർട്ടുകൾ ലഭ്യമല്ല. മോഹൻലാലിനെ നായകനാക്കി ഒരു ചിത്രവും അദ്ദേഹം പ്ലാൻ ചെയ്യുന്നുണ്ട് എന്നും റിപ്പോർട്ടുകൾ വന്നിരുന്നു. സിജു വിൽസൺ, കൃഷ്ണ ശന്കർ, ഷറഫുദീൻ എന്നിവർ പ്രണവ് മോഹൻലാൽ നായകനായ ബ്ലോക്ക്ബസ്റ്റർ ചിത്രം ആദിയിലും അഭിനയിച്ചിരുന്നു.
ലോക സിനിയുടെ തന്നെ അഭിമാനമായി മാറിയ ചിത്രമാണ് കാന്താര. ചിത്രത്തിന്റെ രണ്ടാം പതിപ്പിനായി കാത്തിരുന്ന ആരാധകർക്കായി സിനിമയുടെ റിലീസിംഗ് ഡേറ്റ്…
ഒരു ഗംഭീര ത്രില്ലർ ചിത്രത്തിന്റെ സൂചനകൾ നൽകികൊണ്ട് ബേബി ഗേൾ ചിത്രത്തിന്റെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. മാജിക്…
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
This website uses cookies.