[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

മലയാള സിനിമയെ ലോക നിലവാരത്തിലേക്ക് ഉയർത്താൻ ഈ ബ്രഹ്മാണ്ഡ ചിത്രങ്ങൾ

കഴിഞ്ഞ വർഷം മോഹൻലാൽ നായകനായ പുലിമുരുകൻ നേടിയ ബ്രഹ്മാണ്ഡ വിജയം മലയാള സിനിമാ പ്രവർത്തകരെയും മാറി ചിന്തിക്കാൻ പ്രേരിപ്പിച്ചു തുടങ്ങി എന്നുറപ്പാണ്. 25 കോടി മുടക്കി 150 കോടിയിലധികം രൂപ ബോക്സ് ഓഫീസിൽ നിന്ന് വാരിയ പുലി മുരുകൻ മലയാള സിനിമയ്ക്കു മുന്നിൽ തുറന്നിട്ടത്‌ ഒരു വാതിലായിരുന്നു. കാരണം,മലയാള സിനിമയുടെ വളരുന്ന മാർക്കറ്റും, പുത്തൻ വിപണന തന്ത്രങ്ങളുമെല്ലാം ഒരു ഗ്ലോബൽ ഓഡിയന്സിന്റെ മുന്നിലേക്കാണ് ഇപ്പോൾ മലയാള സിനിമയെ എത്തിക്കുന്നത്.

ഭാഷകളുടെ അതിർവരമ്പുകൾ ഭേദിച്ച് കൊണ്ട് മലയാള സിനിമ ഇന്ന് വളരുമ്പോൾ മലയാളത്തെ ലോക നിലവാരത്തിലേക്കുയർത്തുന്ന ഒരുപിടി ചിത്രങ്ങൾ അണിയറയിൽ ഒരുങ്ങുകയാണ്.

അതിൽ ഏറ്റവും വലിയ ചിത്രവുമായി എത്തുന്നതും മോഹൻലാൽ തന്നെയാണ്. എംടി വാസുദേവൻ നായരുടെ രണ്ടാമൂഴത്തെ ആസ്പദമാക്കി വിഎ ശ്രീകുമാർ മേനോൻ സംവിധാനം ചെയ്യാൻ ഒരുങ്ങുന്ന മഹാഭാരതം ആണ് ആ ചിത്രം.

1000 കോടി രൂപ മുതൽ മുടക്കിൽ രണ്ടു ഭാഗങ്ങൾ ആയി കഥ പറയാൻ പോകുന്ന ഈ ചിത്രം ഭീമന്റെ കാഴ്ചപ്പാടിലൂടെ മഹാഭാരത കഥയെ നോക്കി കാണുന്നു. അടുത്ത വര്‍ഷം ചിത്രീകരണം ആരംഭിക്കുന്ന ഈ ചിത്രം 2020ൽ ലോകമെമ്പാടും ഒട്ടനവധി ഭാഷകളിൽ പ്രദർശനത്തിന് എത്തും.

രണ്ടാമതായി മലയാളത്തിൽ ഒരുങ്ങുന്ന ബ്രഹ്മാണ്ഡ ചിത്രത്തിലെ നായകൻ യുവ സൂപ്പർ താരം പ്രിത്വിരാജ് സുകുമാരൻ ആണ്. ആർഎസ് വിമൽ സംവിധാനം ചെയ്യാൻ പോകുന്ന കർണ്ണൻ എന്ന ഈ ചിത്രത്തിന്‍റെ ചിത്രീകരണവും അടുത്ത വർഷം ആദ്യം തുടങ്ങും.

300 കോടി രൂപ ബഡ്ജറ്റിൽ ആണ് ലോക നിലവാരത്തിൽ ഈ ചിത്രം ഒരുങ്ങാൻ പോകുന്നത്. മഹാഭാരതത്തിലെ തന്നെ കർണ്ണൻ എന്ന കഥാപാത്രത്തിന് പ്രാധാന്യം കൊടുത്തുള്ള കഥയാണ് ഈ ചിത്രം പറയാൻ പോകുന്നത്.

പ്രിത്വിരാജിനെ തന്നെ നായകനാക്കി സ്യമന്തകം എന്ന ബ്രഹ്മാണ്ഡ ചിത്രവും ഒരുങ്ങുന്നുണ്ട്. ഹരിഹരൻ സംവിധാനം ചെയ്യുന്ന ഈ ചിത്രത്തിൽ ശ്രീകൃഷ്ണന്റെ കഥാപാത്രത്തെയാണ് പ്രിത്വിരാജ് അവതരിപ്പിക്കുക. പ്രിത്വിരാജ് നായകനായി വിജി തമ്പി ഒരുക്കാൻ തയ്യാറെടുക്കുന്ന വേലുത്തമ്പി ദളവ എന്ന ചിത്രവും വലിയ ബഡ്ജറ്റിൽ ഒരുങ്ങുന്ന ചിത്രമാണ്. ഇത് കൂടാതെ ബ്ലെസി സംവിധാനം ചെയ്യുന്ന ആട് ജീവിതവും വമ്പൻ പ്രൊജക്റ്റ് ആയി പ്രിത്വിരാജിന് വേണ്ടി ഒരുങ്ങും.

മഹാഭാരതം കൂടാതെ വമ്പൻ പ്രൊജക്റ്റ് ആയി മോഹൻലാൽ നായകനായി ഒരുങ്ങുന്ന മറ്റൊരു ചിത്രം വിഎ ശ്രീകുമാർ മേനോന്റെ തന്നെ ഒടിയൻ ആണ്. 1950 മുതലുള്ള കാലഘട്ടം പുനഃസൃഷ്ടിയ്ക്കുന്ന ഈ ചിത്രം ഒരു ഫാന്റസി ത്രില്ലർ ആണ്.

മെഗാസ്റ്റാര്‍ മമ്മൂട്ടിയെ നായകനാക്കിയും രണ്ടു ബിഗ് ബജറ്റ് ബ്രഹ്മാണ്ഡ ചിത്രങ്ങൾ ഒരുങ്ങുന്നുണ്ട് എന്നാണ് സൂചനകൾ. മധുപാൽ സംവിധാനം ചെയ്യുന്ന കർണ്ണനും ശങ്കർ രാമകൃഷ്ണൻ ഒരുക്കാൻ പ്ലാൻ ചെയ്യുന്ന കുഞ്ഞാലി മരക്കാരുമാണ് ആ ചിത്രങ്ങൾ. പക്ഷെ ഇത് വരെ ഈ ചിത്രങ്ങൾ ഔദ്യോഗികമായി പ്രഖ്യാപിക്കപ്പെട്ടിട്ടില്ല. രണ്ടും ചിത്രങ്ങൾക്കും കുറഞ്ഞത് 50 കോടി രൂപയെങ്കിലും മുടക്കു മുതൽ വരും എന്നാണ് പ്രതീക്ഷിക്കപ്പെടുന്നത്.

ഇവർക്കൊപ്പം യുവതാരങ്ങളായ ദുൽകർ സൽമാനും നിവിൻ പോളിയുമെല്ലാം വമ്പൻ ചിത്രങ്ങളുമായി മലയാള സിനിമയെ മറ്റൊരു തലത്തിലേക്ക് ഉയർത്താനുള്ള തയ്യാറെടുപ്പിലാണ്.

webdesk

Recent Posts

ഷെയിൻ നിഗത്തിൻ്റെ സിനിമ സൂപ്പർഹിറ്റാവുന്നതിൽ അസ്വസ്ഥത ആർക്കാണ്? സോഷ്യൽ മീഡിയ പോസ്റ്റുമായി നിർമാതാവ് സന്തോഷ് ടി കുരുവിള

ഉണ്ണി ശിവലിംഗം സംവിധാനം ചെയ്ത, ഷെയിൻ നിഗത്തിൻ്റെ ഇരുപത്തിയഞ്ചാമത് ചിത്രമായ 'ബൾട്ടി' നിറഞ്ഞ സദ്ദസുകളിൽ പ്രദർശനം തുടരുകയാണ്. സൈലൻ്റായി വന്ന്…

6 days ago

മമ്മൂട്ടി – മോഹൻലാൽ – മഹേഷ് നാരായണൻ – ആൻ്റോ ജോസഫ് ചിത്രം “പാട്രിയറ്റ്” ടൈറ്റിൽ ടീസർ പുറത്ത്

മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രത്തിന്റെ ടൈറ്റിൽ ടീസർ പുറത്ത്.…

1 week ago

കുടുംബസമേതം കാണാൻ പറ്റിയ ‘അവിഹിതം’ എത്തുന്നു ഒക്ടോബർ 10ന്..

സെന്ന ഹെഗ്ഡെയുടെ സംവിധാനത്തിൽ ഒരുങ്ങുന്ന ‘അവിഹിതം’ ചിത്രത്തിന്റെ സെൻസറിങ് പൂർത്തിയായി. ഒക്ടോബർ പത്തിന് പ്രദർശനത്തിനൊരുങ്ങുന്നു സിനിമയ്ക്ക് U/A സർട്ടിഫിക്കറ്റ് ആണ്…

1 week ago

കിഷ്കിന്ധ കാണ്ഡത്തിനു ശേഷം ദിൻജിത് അയ്യത്താനും ബാഹുൽ രമേശും വീണ്ടും ഒന്നിക്കുന്നു, നായകൻ സന്ദീപ് പ്രദീപ്.

പ്രേക്ഷകരെ ആകാംഷയുടെ മുൾമുനയിൽ നിർത്തിയ ബ്ലോക്ക് ബസ്റ്റർ ചിത്രം കിഷ്കിന്ധ കാണ്ഡത്തിനു ശേഷം തിരക്കഥാകൃത്ത് ബാഹുൽ രമേശും സംവിധായകൻ ദിൻജിത്…

1 week ago

ചാത്തനോ മാടനോ അതോ മറുതയോ; ആകാംഷയുണർത്തി ‘നെല്ലിക്കാംപൊയിൽ നൈറ്റ് റൈഡേഴ്സ്’ പ്രോമോ സീൻ..

മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്‌സ്' എന്ന റൊമാൻ്റിക്…

1 week ago

റെട്രോ വൈബിൽ തകർത്താടി ഷറഫുദീനും അനുപമ പരമേശ്വരനും; പെറ്റ് ഡിറ്റക്ടീവിലെ “തരളിത യാമം” ഗാനം പുറത്ത്..

ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിലെ "തരളിത യാമം"എന്ന പുതിയ…

1 week ago

This website uses cookies.