[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

കണ്ട് മറക്കാനാവാത്ത ദൃശ്യങ്ങൾ സമ്മാനിച്ച് തേനി ഈശ്വർ; നൻപകൽ നേരത്ത് മയക്കത്തിലെ കാഴ്ചകൾക്കൊപ്പം സഞ്ചരിച്ച് പ്രേക്ഷകരും

മലയാളത്തിന്റെ മഹാനടൻ മമ്മൂട്ടി നായകനായ നൻപകൽ നേരത്ത മയക്കമാണ് ഇപ്പോൾ മലയാളി സിനിമ പ്രേക്ഷകരുടെ ചർച്ചാ വിഷയം. ലിജോ ജോസ് പെല്ലിശ്ശേരി എന്ന ജീനിയസ് സംവിധായകന്റെ മേക്കിങ് മികവും, എസ് ഹരീഷ് എന്ന രചയിതാവിന്റെ തിരക്കഥയും മമ്മൂട്ടി എന്ന അഭിനയ പ്രതിഭയുടെ പ്രകടന മികവുമെല്ലാം പ്രേക്ഷകർ ഇപ്പോൾ ചർച്ച ചെയ്യുകയാണ്. പ്രേക്ഷകരും നിരൂപകരും മാസ്റ്റർപീസ് എന്ന് വിശേഷിപ്പിക്കുന്ന ഈ ചിത്രത്തെ ആ തലത്തിലേക്ക് ഉയർത്തിയതിൽ നിർണ്ണായക പങ്ക് വഹിച്ച മറ്റൊരാളാണ് ഈ ചിത്രത്തിന് ക്യാമറ ചലിപ്പിച്ച തേനി ഈശ്വർ. പഴനിയിലെ ഒരു തമിഴ് ഗ്രാമത്തിന്റെ ഭംഗിയും അവിടുത്തെ കാഴ്ചകളും അദ്ദേഹം ഒപ്പിയെടുത്തിരിക്കുന്നത് അതിമനോഹരമായാണ്. ലിജോ ജോസ് പെല്ലിശ്ശേരി എന്ന മാന്ത്രികന്റെ സങ്കൽപ്പത്തിലെ ഫ്രെയിമുകൾക്ക് തേനി ഈശ്വർ കണ്ണുകളായി മാറിയപ്പോൾ പ്രേക്ഷകർക്ക് ലഭിച്ചത് ഒരിക്കലും മറക്കാൻ സാധിക്കാത്ത ദൃശ്യങ്ങളാണ്.

സിനിമ കഴിഞ്ഞു പുറത്തിറങ്ങുമ്പോഴും നമ്മുക്കൊപ്പം പോരുന്ന ആ ദൃശ്യങ്ങൾ, നമ്മൾ സ്‌ക്രീനിൽ കണ്ടതിലും കൂടുതൽ കഥകൾ പറയുന്നുണ്ട്. പ്രേക്ഷകരുടെ മനസ്സുകളെ സുന്ദരത്തിന്റെ ഗ്രാമത്തിൽ തളച്ചിടുന്ന ദൃശ്യങ്ങളാണ് തേനി ഈശ്വർ സമ്മാനിച്ചിരിക്കുന്നത്. കഥക്കുള്ളിൽ ഒളിഞ്ഞിരിക്കുന്ന ഇതളുകളെ പ്രേക്ഷകർക്ക് തങ്ങളുടെ ഭാവനക്കൊപ്പം അടർത്തിയെടുക്കാൻ സാധിക്കുന്നതും, അതിന് അവരെ പ്രേരിപ്പിക്കുന്നതും ഈ ദൃശ്യങ്ങളാണ്. ഇതിൽ ഉപയോഗിച്ചിരിക്കുന്ന ഷോട്ടുകൾക്ക് അപാരമായ ആഴവും ഭംഗിയും നല്കാൻ ലിജോ ജോസ് പെല്ലിശ്ശേരിക്ക് കഴിഞ്ഞതിന് കാരണവും തേനി ഈശ്വർ എന്ന ഛായാഗ്രാഹകന്റെ പ്രതിഭയുടെ ധാരാളിത്തം കൊണ്ടാണെന്ന് സംശയമില്ലാതെ തന്നെ പറയാം. ചിത്രത്തിലെ അഭിനേതാക്കളുടെ സൂക്ഷ്മ ചലനങ്ങൾ പോലും ഒപ്പിയെടുക്കുമ്പോഴും കഥയുടേയും കഥാപരിസരത്തിന്റെയും ആത്മാവും അതിനൊപ്പം സന്നിവേശിപ്പിക്കാൻ സംവിധായകന് സാധിച്ചതിന് ഒരു കാരണം തേനി ഈശ്വർ എന്ന ഛായാഗ്രാഹകന്റെ മികവാണ്. മമ്മൂട്ടിക്കും ലിജോക്കും ഒപ്പം നൻപകൽ നേരത്ത് മയക്കം ചരിത്രത്തിൽ അടയാളപ്പെടുത്തുന്നത് തേനി ഈശ്വർ എന്ന ഛായാഗ്രാഹകന്റെ പ്രതിഭ കൂടിയാണ്. ഒരു ഉച്ച മയക്കത്തിലേക്ക് പ്രേക്ഷകരുടെ മനസ്സുകളെ കൂടെ നയിച്ചതും ഒരു മായാ ലോകത്തെന്ന പോലെ മാന്ത്രികമായ ദൃശ്യങ്ങളിൽ കൂടി അവരെ സഞ്ചരിപ്പിച്ചതും ഈ പ്രതിഭയുടെ കൂടെ മികവാണെന്നത് അടിവരയിട്ടു പറയേണ്ട വസ്തുതയാണ്.

webdesk

Recent Posts

അഭിനയത്തിൽ വിപ്ലവം സൃഷ്ടിക്കുന്ന മോഹനലാലത്തം

സോഷ്യൽ മീഡിയയിൽ തരംഗമായി മോഹൻലാൽ അഭിനയിച്ച പുതിയ പരസ്യം. ഇന്ത്യൻ പരസ്യ സംവിധാന രംഗത്തെ അതികായനും "തുടരും" സിനിമയിലെ ജോർജ്…

1 week ago

നടി ശ്രിന്ദ സംവിധായികയാവുന്നു; നിർമ്മാണം അൻവർ റഷീദ്

പ്രശസ്ത മലയാള നടി ശ്രിന്ദ സംവിധായികയായി അരങ്ങേറ്റം കുറിക്കുന്നു. സൗബിൻ ഷാഹിർ ആണ് ശ്രിന്ദ ഒരുക്കുന്ന ആദ്യ ചിത്രത്തിലെ നായകൻ…

1 week ago

മോഹൻലാലിനും സൂര്യക്കുമൊപ്പം ശ്രദ്ധ കപൂർ?

രോമാഞ്ചം, ആവേശം എന്നീ ചിത്രങ്ങളിലൂടെ ശ്രദ്ധ നേടിയ ജിത്തു മാധവൻ, തമിഴിൽ സൂര്യ- മോഹൻലാൽ ടീമിനെ പ്രധാന വേഷങ്ങളിൽ അവതരിപ്പിക്കുന്ന ചിത്രം ഒരുക്കുന്നു…

1 week ago

ചൂരൽമല ഉരുൾപൊട്ടൽ ദുരന്തം സിനിമയാകുന്നു; സംവിധാനം ആഷിഖ് അബു?

കേരളത്തെ നടുക്കിയ 2024 ലെ  ചൂരൽമല ഉരുൾപൊട്ടൽ ദുരന്തം ആസ്പദമാക്കി ഒരു സിനിമ ഒരുങ്ങുന്നു എന്ന് വാർത്തകൾ. ഈ ദുരന്തത്തിന്റെ പശ്‌ചാത്തലത്തിൽ കഥ…

1 week ago

ഇന്ത്യൻ ഫോർമുല വൺ റേസർ നരെയ്ൻ കാർത്തികേയന്റെ ബയോപിക് ഒരുക്കാൻ മഹേഷ് നാരായണൻ

ഇന്ത്യയിൽ നിന്നല്ല ആദ്യത്തെ ഫോർമുല വൺ റേസിങ്ങിൽ പങ്കെടുത്തു ശ്രദ്ധേയനായ നരെയ്ൻ കാർത്തികേയന്റെ ജീവിതം സിനിമയാകുന്നു എന്ന് വാർത്തകൾ. പ്രശസ്ത…

1 week ago

‘ലവ് അണ്ടർ കൺസ്ട്രക്ഷൻ’ സംവിധായകൻ ഇനി മോഹൻലാലിനൊപ്പം ?

സൂപ്പർ ഹിറ്റായ മലയാളം വെബ് സീരിസ് 'ലവ് അണ്ടർ കൺസ്ട്രക്ഷൻ' ഒരുക്കിയ സംവിധായകൻ വിഷ്ണു ജി രാഘവ് ഇനി മോഹൻലാൽ…

1 week ago

This website uses cookies.