തമിഴിലെ യുവ താരം കാർത്തി, മലയാളത്തിന്റെ സ്വന്തം നരേൻ എന്നിവർ പ്രധാന വേഷങ്ങളിൽ എത്തിയ പുതിയ തമിഴ് ചിത്രമാണ് കൈദി. മാനഗരം എന്ന സൂപ്പർ ഹിറ്റ് ഒരുക്കി അരങ്ങേറ്റം കുറിച്ച ലോകേഷ് കനകരാജ് അണിയിച്ചൊരുക്കിയ ആക്ഷൻ ത്രില്ലറാണ് ഈ ചിത്രം. തമിഴ്നാട്ടിലെ മയക്കുമരുന്ന്, ഗുണ്ടാ മാഫിയകളും പോലീസും തമ്മിലുള്ള പോരാട്ടത്തിന്റെ കഥ വളറെ ഗംഭീരമായി, നമ്മൾ ഇതുവരെ കാണാത്ത രീതിയിൽ ആണ് സംവിധായകൻ അണിയിച്ചൊരുക്കിയത്. പാട്ടുകളും നായികയും ഇല്ലാത്ത ഈ ചിത്രം മുഴുവനായി രാത്രിയിൽ ആണ് ഷൂട്ട് ചെയ്തിരിക്കുന്നത്. ഇപ്പോൾ ഗംഭീര അഭിപ്രായം നേടി ബ്ലോക്ക്ബസ്റ്റർ വിജയത്തിലേക്കാണ് കൈദി കുതിക്കുന്നത്. സംവിധായകൻ ലോകേഷ് തന്നെയാണ് ഈ ചിത്രം രചിച്ചിരിക്കുന്നത്.
ഈ ചിത്രത്തിന് തമിഴ് നാട്ടിലും കേരളത്തിലും ഒരേപോലെ ഗംഭീര പ്രതികരണങ്ങൾ ലഭിക്കുമ്പോൾ, ഈ സിനിമയെപറ്റിയുള്ള ആദ്യ പ്രതികരണം വന്നത് കേരളത്തിൽ നിന്നാണ് എന്ന് പറയുകയാണ് ഇതിലെ വളരെ നിർണ്ണായകമായ പോലീസ് കഥാപാത്രം അവതരിപ്പിച്ച നരേൻ. നരെയ്ന്റെ വാക്കുകൾ ഇങ്ങനെ, “സിനിമ ഇറങ്ങി ആദ്യ പ്രതികരണം വന്നത് കേരളത്തിൽ നിന്നാണ്, നരേൻ ഭായ് സിനിമ സൂപ്പർ ഹിറ്റാണ് എന്നാണ് എന്നെ ഒരു സുഹൃത്ത് വിളിച്ച് പറഞ്ഞത്.”. ഇത് കേട്ട ഉടനെ തന്നെ താൻ അത് നടൻ കാർത്തിയെ വിളിച്ചു പറഞ്ഞു എന്നും നരെയ്ൻ പറയുന്നു. കേരളത്തിൽ നിന്നുള്ള പ്രേക്ഷകരുടെ പ്രതികരണങ്ങൾക്ക് തമിഴ് നാട്ടിൽ വലിയ വിലയാണെന്നും, മലയാളി പ്രേക്ഷകരുടെ ജഡ്ജ്മെന്റുകൾ തെറ്റാറില്ലെന്നാണ് തമിഴ് സിനിമാ പ്രവർത്തകർ പറയാറുള്ളതെന്നും നരേൻ വെളിപ്പെടുത്തുന്നു.
ഇന്ന് കൊച്ചിയിൽ ഈ ചിത്രത്തിന്റെ വിജയാഘോഷത്തിൽ പങ്കെടുത്ത് സംസാരിക്കുമ്പോൾ ആണ് നരെയ്ൻ ഈ കാര്യം ഏവരുമായും പങ്കു വെച്ചത്. ഡ്രീം വാരിയർ പിക്ചേഴ്സിന്റെ ബാനറിൽ പ്രകാശ്ബാബു, പ്രഭു, വിവേക് എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന് ദൃശ്യങ്ങൾ ഒരുക്കിയത് സത്യൻ സൂര്യനും സംഗീതം ഒരുക്കിയത് സാം സി എസും ആണ്. ഫിലോമിൻ രാജ് ആണ് കൈദി എഡിറ്റ് ചെയ്തിരിക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.