പ്രശസ്ത സംവിധായകനും രചയിതാവുമായ ഹനീഫ് അദനി ഇനി നിർമ്മാതാവ് കൂടിയാവുകയാണ്. ദി ഗ്രേറ്റ് ഫാദർ എന്ന മമ്മൂട്ടി ചിത്രം രചിച്ചു സംവിധാനം ചെയ്തു കൊണ്ട് അരങ്ങേറ്റം കുറിച്ച ഹനീഫ് പിന്നീട് ചെയ്തത് മമ്മൂട്ടിയെ നായകനാക്കി ഷാജി പാടൂർ സംവിധാനം ചെയ്ത അബ്രഹാമിന്റെ സന്തതികൾ എന്ന ചിത്രമാണ്. ആ ചിത്രത്തിന്റെ തിരക്കഥ രചിച്ചത് അദ്ദേഹമാണ്. ഈ രണ്ടു ചിത്രങ്ങളും മികച്ച വിജയമാണ് ബോക്സ് ഓഫീസിൽ നേടിയെടുത്തത്. അതിനു ശേഷം നിവിൻ പോളിയെ നായകനാക്കി ഹനീഫ് അദനി രചിച്ചു സംവിധാനം ചെയ്ത ചിത്രമാണ് മിഖായേൽ. എന്നാൽ ഈ ചിത്രത്തിന് വലിയ സ്വീകാര്യത ലഭിച്ചില്ല. ഇപ്പോഴിതാ ഒരു രചയിതാവെന്ന നിലയിൽ തന്റെ നാലാമത്തെ ചിത്രവുമായി എത്തുകയാണ് ഹനീഫ് അദനി. ദേവ് ഫക്കീർ എന്ന് പേരിട്ടിരിക്കുന്ന ഈ ചിത്രത്തിലെ നായക വേഷം ചെയ്യുന്നത് ആന്റണി വർഗീസ് ആണ്. അങ്കമാലി ഡയറീസ്, സ്വാതന്ത്ര്യം അർദ്ധരാത്രിയിൽ, ജെല്ലിക്കെട്ട് എന്നീ ചിത്രങ്ങളിലൂടെ പ്രശസ്തനായ ആന്റണി വർഗീസ് അഭിനയിച്ചു ഇനി റിലീസ് ചെയ്യാനുള്ള ചിത്രങ്ങൾ ആനപ്പറമ്പിലെ വേൾഡ് കപ്പ്, അജഗജാന്തരം എന്നിവയാണ്. ദേവ് ഫക്കീർ എന്ന ചിത്രത്തിന്റെ നിർമ്മാണവും നിർവഹിച്ചു കൊണ്ട് നിർമ്മാതാവായും അരങ്ങേറ്റം കുറിക്കുകയാണ് ഹനീഫ് അദനി.
നവാഗത സംവിധായകനായ സാക് ഹാരിസ് സംവിധാനം ചെയ്യുന്ന ഈ ചിത്രത്തിൽ ഹനീഫ് അദനിയുടെ പ്രൊഡക്ഷൻ പങ്കാളി ആയി ബാദുഷയുമുണ്ട്. ഈ ചിത്രത്തിന്റെ പ്രൊഡക്ഷൻ ഡിസൈനർ കൂടിയാണ് ബാദുഷ. ഷമീർ മുഹമ്മദ് എഡിറ്റിംഗ് നിർവഹിക്കുന്ന ഈ ചിത്രത്തിന് സംഗീതമൊരുക്കുന്നത് ഗോപി സുന്ദറാണ്. ഏതായാലും ഹനീഫ് അദനി പ്രൊഡക്ഷൻസിന്റെ ബാനറിൽ ആദ്യമായി വരുന്ന ഈ ചിത്രവും മുൻ ഹനീഫ് അദനി ചിത്രങ്ങളെ പോലെ തന്നെ ആക്ഷനും സസ്പെൻസും ആവേശവുമെല്ലാം നിറഞ്ഞ ഒരു ത്രില്ലർ ആയിരിക്കുമെന്നാണ് പ്രേക്ഷകരുടെ പ്രതീക്ഷ. മമ്മൂട്ടിയെ നായകനാക്കി വിനോദ് വിജയൻ സംവിധാനം ചെയ്യാൻ പോകുന്ന അമീർ എന്നൊരു ചിത്രം ഹനീഫ് അദനി രചിക്കുമെന്നും നേരത്തെ പ്രഖ്യാപിച്ചിരുന്നു.
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
This website uses cookies.