എന്റെ ഫോട്ടോയും ബാനറുകളും നശിപ്പിച്ചോളു പക്ഷെ ആരാധകരുടെ മേൽ കൈ വെക്കരുത്; വൈറൽ ആയി ദളപതി വിജയുടെ വാക്കുകൾ..!

രണ്ടു ദിവസം മുൻപാണ് ദളപതി വിജയ് നായകനായ ബിഗിൽ എന്ന ചിത്രത്തിന്റെ ഓഡിയോ ലോഞ്ച് ചെന്നൈയിൽ വെച്ച് നടന്നത്. തെരി, മെർസൽ എന്നീ സൂപ്പർ ഹിറ്റുകൾക്കു ശേഷം ആറ്റ്ലി – വിജയ് ടീം ഒന്നിക്കുന്ന ഈ ചിത്രം ഈ വർഷം ദീപാവലി റിലീസ് ആയി തീയേറ്ററുകളിൽ എത്തും. ഈ ചിത്രത്തിന് വേണ്ടി എ ആർ റഹ്മാൻ ഈണം നൽകിയ ഗാനങ്ങൾ ഇപ്പോൾ തന്നെ വലിയ ഹിറ്റുകൾ ആയി കഴിഞ്ഞു. ഇതിന്റെ ഓഡിയോ ലോഞ്ച് ഫങ്ക്ഷനിൽ വെച്ച് ദളപതി വിജയ് പറഞ്ഞ വാക്കുകൾ ആണ് ഇപ്പോൾ സോഷ്യൽ മീഡിയ ഏറ്റെടുക്കുന്നത്. തന്റെ ആരാധകരോട് ഉള്ള അദ്ദേഹത്തിന്റെ സ്നേഹം വെളിവാക്കുന്ന വാക്കുകൾ ആയിരുന്നു അത്. തന്നോട് ദേഷ്യമോ വെറുപ്പോ ഉള്ളവർക്ക് തന്റെ പോസ്റ്റർ കീറുകയോ ബാനറുകൾ നശിപ്പിക്കുകയോ ചെയ്യാം എന്നും അതിനു തനിക്കു യാതൊരു പരാതിയും ഇല്ലെന്നും വിജയ് പറയുന്നു.

എന്നാൽ തന്നോടുള്ള ദേഷ്യം വെച്ച് തന്റെ ആരാധകരുടെ മേൽ കൈ വെക്കരുത് എന്നാണ് അദ്ദേഹം പറയുന്നത്. അദ്ദേഹത്തിന്റെ ഈ വാക്കുകൾ ഇപ്പോൾ ആരാധകരും സിനിമാ പ്രേമികളും ഒരുപോലെ ഏറ്റെടുക്കുകയാണ്. തന്റെ ഓരോ ചിത്രങ്ങളുടെ ഓഡിയോ ലോഞ്ച് വേളയിലും വിജയ് നടത്തുന്ന പ്രസംഗം അത്ര വലിയ രീതിയിൽ ആണ് ആരാധകർക്കിടയിൽ വൈറൽ ആവുന്നത്. തന്റെ സിനിമകൾക്ക് പുറമെ വ്യത്യസ്ത വിഷയങ്ങളെ കുറിച്ച് അദ്ദേഹം പറയുന്ന വാക്കുകൾക്ക് വലിയ വിലയാണ് ഏവരും കൊടുക്കുന്നത്. അതുപോലെ തന്നെ തന്റെ ആരാധകരെ എന്നും നെഞ്ചോടു ചേർക്കുന്ന താരവും കൂടിയാണ് വിജയ്.