ദളപതിയുടെ മെഴുകു പ്രതിക കന്യാകുമാരി മ്യൂസിയത്തിൽ ; ആവേശത്തോടെ സ്വീകരിച്ചു ആരാധകർ

ഇന്ന് സൂപ്പർ സ്റ്റാർ രജനികാന്ത് കഴിഞ്ഞാൽ തമിഴിലെ ഏറ്റവും വലിയ താരം ആരെന്ന ചോദ്യത്തിന് ദളപതി വിജയ് എന്ന ഒരുത്തരം മാത്രമേ ഉള്ളു. അത്ര വലിയ ജനപ്രീതിയും താരമൂല്യവും ആണ് ഈ നടൻ ഇപ്പോൾ നേടിയെടുത്തിരിക്കുന്നതു. പുതിയ റിലീസ് ആയ ആറ്റ്ലി ചിത്രം ബിഗിൽ 300 കോടി ക്ലബിൽ കൂടി എത്തിയതോടെ രജനീകാന്തിന് ഒപ്പം വരെ ദളപതി വിജയ് എന്ന പേരിനെ പ്രതിഷ്ഠിച്ചു തുടങ്ങി ആരാധകർ. കേരളത്തിലും ഏറ്റവും കൂടുതൽ ആരാധകർ ഉള്ള തമിഴ് നടൻ ആണ് വിജയ്. ഇപ്പോഴിതാ കന്യാകുമാരി മ്യൂസിയത്തിൽ ദളപതി വിജയ്‌യുടെ പുതിയ മെഴുകു പ്രതിമ സ്ഥാപിച്ചിരിക്കുകയാണ്.

അവിടെയെത്തുന്ന ആളുകൾ ഏറെ ആവേശത്തോടെയാണ് ഈ പ്രതിമക്ക് ഒപ്പം വരെ നിന്ന് സെൽഫികൾ എടുക്കുന്നത്. വലിയ തിരക്കാണ് ദളപതിയുടെ മെഴുകു പ്രതിമ കാണാൻ അവിടെ അനുഭവപ്പെടുന്നത്. ആരാധകരുടെ ഈ ആവേശം നമ്മുക്ക് കാണിച്ചു തരുന്നത് ഈ നടനോടുള്ള എല്ലാ വിഭാഗത്തിലും പെട്ട ആളുകളുടെ സ്നേഹം തന്നെയാണ്. സ്ത്രീകളും കുട്ടികളും യുവാക്കളും എല്ലാം വിജയ് എന്ന താരത്തെ ഒരുപാട് ഇഷ്ട്ടപെടുന്നു എന്നതറിന്റെ തെളിവ് കൂടിയാണ് ഈ മെഴുകു പ്രതിമക്ക് ചുറ്റും കൂടുന്ന ജനക്കൂട്ടം കാണിച്ചു തരുന്നത്.

ഇപ്പോൾ ലോകേഷ് കനകരാജ് സംവിധാനം ചെയുന്ന പുതിയ ചിത്രത്തിൽ അഭിനയിക്കുകയാണ് വിജയ്. ഈ ചിത്രത്തിലെ വിജയ്‌യുടെ ലുക്ക് നേരത്തെ പുറത്തു വന്നിരുന്നു. സാധാരണ വിജയ് ചിത്രങ്ങളെ പോലെ അല്ലാത്ത ഒരു ചിത്രമായിരിക്കും ലോകേഷ് കനകരാജ് ഒരുക്കുന്ന ദളപതി 64 എന്നാണ് സൂചന. ഏതായാലും ആരാധകർ ഏറെ ആവേശത്തോടെ ആണ് ഈ ചിത്രം കാത്തിരിക്കുന്നത്. അടുത്ത വർഷം ഏപ്രിൽ മാസത്തിൽ ആണ് വിജയ്- ലോകേഷ് ചിത്രം റിലീസിന് എത്തുന്നത്.