തമിഴ് സിനിമകൾക്ക് വൻ സ്വീകാരിത ലഭിക്കുന്ന സംസ്ഥാനങ്ങളിൽ ഒന്നാണ് കേരളം, സൗത്ത് ഇന്ത്യയിലെ ഇളയദളപതി എന്നറിയപ്പെടുന്ന വ്യക്തിയാണ് വിജയ്. തമിഴ് നാട്ടിലും കേരളത്തിലുമായി വലിയ തോതിൽ ആരാധകരുള്ള താരത്തിന്റെ ഓരോ ചിത്രങ്ങൾക്കും വൻ വരവേൽപ്പാണ് ലഭിക്കുന്നത്. കഴിഞ്ഞ വർഷം ദീപാവലിക്ക് പുറത്തിറങ്ങിയ മെർസലാണ് അദ്ദേഹം അവസാനമായി അഭിനയിച്ച ചിത്രം. അറ്റ്ലീ സംവിധാനം ചെയ്ത ചിത്രം റെക്കോർഡുകൾ ഭേദിച്ച് ചിത്രം വലിയ വിജയം കരസ്ഥമാക്കി. സൗത്ത് ഇന്ത്യയിലെ സിനിമ പ്രേമികൾ ഉറ്റു നോക്കുന്ന വിജയ് ചിത്രമാണ് ‘ദളപതി 62’. കത്തി, തുപ്പാക്കി എന്നീ സൂപ്പർഹിറ്റുകൾക്ക് ശേഷം എ.ആർ മുരുഗദോസ് – വിജയ് കൂട്ടുകെട്ടിൽ വരുന്ന മൂന്നാമത്തെ ചിത്രമാണിത്. ഭൈരവക്ക് ശേഷം കീർത്തി സുരേഷ് വിജയുടെ നായികയായി എത്തുന്ന ചിത്രം കൂടിയാണ് ‘ദളപതി62’
സോഷ്യൽ മീഡിയയിൽ ‘ദളപതി 62’ ലെ ലൊക്കേഷൻ സ്റ്റിലാണ് ഇപ്പോൾ സമൂഹ മാധ്യമങ്ങളിൽ തരംഗമായിക്കൊണ്ടിരിക്കുന്നത് . ഒരു ഹാസ്യ രംഗത്തിന്റെ അന്തരീക്ഷമാണ് പോസ്റ്ററിലൂടെ പ്രേക്ഷകർക്ക് സമ്മാനിക്കുന്നത്. ചിത്രത്തിന്റെ പ്രതീക്ഷ വർദ്ധിപ്പിക്കാനും ഫാമിലി ഓഡിയൻസിനെ ആകർഷിക്കാനും ഈ പോസ്റ്ററിന് സാധിച്ചു എന്ന് തന്നെ പറയണം. ദളപതി 62ൽ വിജയ് ഡബിൾ റോളെന്നും സൂചനയുണ്ട്. വിജയുടെ കരിയറിലെ തന്നെ ഏറ്റവും ചലഞ്ചിങ് റോൾ ആയിരിക്കുമെന്നും മുരുഗദോസ് ഈ അടുത്ത് ഒരു ഇന്റർവ്യൂയിൽ പറയുകയുണ്ടായി. വരലക്ഷമി ശരത് കുമാർ, യോഗി ബാബു, പ്രേം കുമാർ തുടങ്ങിയവർ ചിത്രത്തിൽ പ്രധാന വേഷം കൈകാര്യം ചെയ്യുന്നുണ്ട്. തിരക്കഥ രചിച്ചിരിക്കുന്നത് മുരുഗദോസും ജയമോഹനും ചേർന്നാണ്. ദളപതി62 ന് വേണ്ടി സംഗീതം ഒരുക്കുന്നത് എ.ആർ റഹ്മാനാണ് അതുപോലെ ഛായാഗ്രഹണം നിർവഹിക്കുന്നത് മലയാളികളുടെ സ്വന്തം ഗിരീഷ് ഗംഗാധരനാണ്. എഡിറ്റിങ് വർക്കുകൾ ശ്രീകാർ പ്രസാദാണ് കൈകാര്യം ചെയ്തിരിക്കുന്നത്. സൺ പിക്ചേഴ്സാണ് വിജയ് ചിത്രം നിർമ്മിക്കുന്നത്. വിജയുടെ പിറന്നാൾ ദിവസമായ ജൂൺ 22ന് ചിത്രത്തിന്റെ ടൈറ്റിൽ അടക്കം ഫസ്റ്റ് ലുക്ക് പോസ്റ്റർ റീലീസ് ആവുമെന്നാണ് സൂചന.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.