വേൾഡ് വൈഡ് റിലീസിംഗിന് ഒരുങ്ങി സൂര്യയുടെ താനേ സേർന്ത കൂട്ടം

സൂര്യ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമായ താനേ സെർന്ത കൂട്ടത്തിന്റെ റിലീസ് ഡേറ്റ് അണിയറ പ്രവർത്തകർ പുറത്തു വിട്ടു. സൂര്യ നായകനായി എത്തുന്ന ചിത്രം സംവിധാനം ചെയ്യുന്നത് വിഘ്‌നേഷ് ശിവൻ ആണ്.വിജയ് സേതുപതി നായകനായി എത്തിയ വിജയ ചിത്രം ഞാനും റൗഡി താൻ എന്ന ചിത്രത്തിന് ശേഷം വിഘ്‌നേഷ് ശിവൻ സംവിധാനം ചെയ്യുന്ന ചിത്രമാണ് താനേ സെർന്ത കൂട്ടം. ചിത്രത്തിന്റെ റിലീസിംഗ് തിയതി പ്രഖ്യാപിച്ചു കൊണ്ടുള്ള പോസ്റ്റർ കഴിഞ്ഞ ദിവസം അണിയറപ്രവർത്തകർ പുറത്ത് വിട്ടിരുന്നു.

നവംബറിൽ ചിത്രത്തിന്റെ ടീസറും ഒക്ടോബറിൽ ചിത്രത്തിന്റെ ട്രെയിലറും ഫുൾ ഓഡിയോവും പുറത്തിറക്കും. അതിന് ശേഷം ജനുവരിയിൽ പൊങ്കലിനാണ് ചിത്രം ലോകമൊട്ടാകെ റിലീസ് ചെയ്യുക.

സ്റ്റുഡിയോ ഗ്രീനിന്റെ ബാനറിൽ ഗനവേൽ രാജ ആണ് ചിത്രം നിർമിക്കുന്നത്. സൂര്യയോടൊപ്പം രമ്യ കൃഷ്ണൻ, RJ ബാലാജി, കീർത്തി സുരേഷ് എന്നിവരും ചിത്രത്തിൽ ശ്രദ്ധേയമായ വേഷം കൈകാര്യം ചെയ്യുന്നുണ്ട്. അനിരുദ്ധ് ആണ് സംഗീതം നിർവഹിക്കുന്നത്.