തമിഴിനൊപ്പം തെലുങ്ക് താരവും; മമ്മൂട്ടിയുടെ ടർബോ ഒരുങ്ങുന്നത് പാൻ ഇന്ത്യൻ കാൻവാസിൽ.
മെഗാസ്റ്റാർ മമ്മൂട്ടി ഇപ്പോൾ നായകനായി അഭിനയിക്കുന്ന ചിത്രമാണ് വൈശാഖ് ഒരുക്കുന്ന ടർബോ. പോക്കിരി രാജ, മധുര രാജ എന്നീ ചിത്രങ്ങൾക്ക് ശേഷം വൈശാഖ് – മമ്മൂട്ടി ടീം ഒന്നിക്കുന്ന ഈ ആക്ഷൻ കോമഡി ചിത്രം രചിച്ചിരിക്കുന്നത് സൂപ്പർ ഹിറ്റ് സംവിധായകനും രചയിതാവുമായ മിഥുൻ മാനുവൽ തോമസ് ആണ്. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെ നിർമ്മിക്കുന്ന ഈ ചിത്രം അവരുടെ ഇതുവരെയുള്ള ഏറ്റവും വലിയ പ്രൊഡക്ഷൻ കൂടിയാണ്. ഒക്ടോബർ അവസാന വാരം കോയമ്പത്തൂരിൽ ചിത്രീകരണം ആരംഭിച്ച ടർബോയുടെ താരനിരയെ കുറിച്ചുള്ള വാർത്തകളാണ് സോഷ്യൽ മീഡിയയിൽ നിറയുന്നത്. യുവ താരം സണ്ണി വെയ്ൻ, തമിഴ് നടൻ അർജുൻ ദാസ് എന്നിവർ ഈ ചിത്രത്തിൽ അഭിനയിക്കുന്നുണ്ടെന്ന് വാർത്തകൾ വന്നിരുന്നു. പാച്ചുവും അത്ഭുത വിളക്കും ഫെയിം അഞ്ജന ജയപ്രകാശ്, പ്രശസ്ത മലയാള യുവനടി നിരഞ്ജന അനൂപ് എന്നിവരും ഇതിന്റെ താരനിരയിലുണ്ട്. ഇപ്പോഴിതാ തെലുങ്ക് സൂപ്പർ താരം സുനിലും ഈ ചിത്രത്തിന്റെ താരനിരയിലുണ്ടെന്ന് ഒഫീഷ്യലായി തന്നെ പ്രഖ്യാപിച്ചിരിക്കുകയാണ് ടർബോ ടീം.
തെലുങ്കിൽ ഹാസ്യ വേഷങ്ങളിലും നായക വേഷങ്ങളിലും അതുപോലെ വില്ലൻ വേഷങ്ങളിലും ഒരുപോലെ കയ്യടി നേടാറുള്ള സുനിൽ, ഈ അടുത്തിടെ രജനികാന്ത് നായകനായ ബ്ലോക്ക്ബസ്റ്റർ തമിഴ് ചിത്രമായ ജയിലറിലും, വിശാൽ- എസ് ജെ സൂര്യ ടീമിന്റെ ബ്ലോക്ക്ബസ്റ്റർ ചിത്രമായ മാർക്ക് ആന്റണിയിലും മികച്ച വേഷങ്ങൾ ചെയ്ത് കയ്യടി നേടിയിരുന്നു. ഏതായാലും മമ്മൂട്ടി നായകനായ ടർബോയിലൂടെ തന്റെ മലയാള അരങ്ങേറ്റവും കുറിക്കുകയാണ് സുനിൽ. വിഷ്ണു ശർമ ക്യാമറ ചലിപ്പിക്കുന്ന ടർബോക്ക് സംഗീതമൊരുക്കുന്നത് ജസ്റ്റിൻ വർഗീസ്, എഡിറ്റ് ചെയ്യുന്നത് ഷമീർ മുഹമ്മദ്, ആക്ഷൻ രംഗങ്ങൾ ഒരുക്കുന്നത് ഫീനിക്സ് പ്രഭു എന്നിവരാണ്.
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.