ആവേശ തിരമാലയൊരുക്കാൻ ‘ സ്വാതന്ത്ര്യം അർദ്ധരാത്രിയിൽ ‘ ട്രൈലെർ നാളെ എത്തുന്നു..!

നവാഗതനായ ടിനു പാപ്പച്ചൻ ഒരുക്കിയ ആക്ഷൻ ത്രില്ലർ ആയ സ്വാതന്ത്ര്യം അർദ്ധരാത്രിയിൽ എന്ന ചിത്രം ഇപ്പോൾ തന്നെ പ്രേക്ഷകർ ഈ സീസണിൽ ഏറ്റവുമധികം കാത്തിരിക്കുന്ന ചിത്രങ്ങളിൽ ഒന്നാണ്. അങ്കമാലി ഡയറീസ് ഫെയിം ആന്റണി വർഗീസ് നായകനായി എത്തുന്ന ഈ ചിത്രത്തിൽ വിനായകൻ, ചെമ്പൻ വിനോദ് ജോസ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഈ ചിത്രത്തിന്റെ ഓരോ പോസ്റ്ററുകളും സോഷ്യൽ മീഡിയയിൽ വളരെയധികം ശ്രദ്ധ നേടിയെടുക്കുകയും ചെയ്തിരുന്നു. പുറത്തു വരുന്ന ഓരോ പോസ്റ്ററുകളും ചിത്രത്തെ കുറിച്ചുള്ള പ്രതീക്ഷകൾ വർധിപ്പിക്കുകയാണ് എന്ന് മാത്രമല്ല സിനിമാ പ്രേമികളെ ആവേശം കൊള്ളിക്കുകയുമാണ്. ഇപ്പോഴിതാ ആ ആവേശം ഒന്ന് കൂടി വർധിപ്പിക്കാൻ ഈ ചിത്രത്തിന്റെ ട്രൈലെർ എത്താൻ പോവുകയാണ്. നാളെയാണ് ഈ ചിത്രത്തിന്റെ ട്രൈലെർ റിലീസ് ചെയുക.

സൂര്യ സിനിമയുടെ ബാനറിൽ ബി സി ജോഷിയും സംവിധായകരായ ബി ഉണ്ണികൃഷ്ണൻ, ലിജോ ജോസ് പെല്ലിശ്ശേരി, നടനും തിരക്കഥാകൃത്തുമായ ചെമ്പൻ വിനോദ് എന്നിവരും ചേർന്ന് നിർമ്മിച്ചിരിക്കുന്ന ഈ ചിത്രം മാർച്ച് മാസം അവസാനം തീയേറ്ററുകളിൽ എത്തും. ബി ഉണ്ണികൃഷ്ണന്റെ ആർ ഡി ഇല്ല്യൂമിനേഷൻ ആണ് ഈ ചിത്രം കേരളത്തിൽ പ്രദർശനത്തിനെത്തിക്കുന്നത്. ഗിരീഷ് ഗംഗാധരൻ ദൃശ്യങ്ങൾ ഒരുക്കിയ ഈ ചിത്രത്തിന് വേണ്ടി ഗാനങ്ങൾ ഒരുക്കിയിരിക്കുന്നത് ജേക്സ് ബിജോയ് ആണ്. ഷമീർ മുഹമ്മദ് എഡിറ്റിംഗും ദീപക് അലക്സാണ്ടർ പശ്ചാത്തല സംഗീതവും ഒരുക്കിയിരിക്കുന്ന ഈ ചിത്രത്തിന് തിരക്കഥ ഒരുക്കിയിരിക്കുന്നത് ദിലീപ് കുര്യൻ ആണ്.

ലിജോ ജോസ് പെല്ലിശേരിയുടെ സംവിധാന സഹായി ആയിരുന്നു ഈ ചിത്രത്തിന്റെ സംവിധായകനായ ടിനു പാപ്പച്ചൻ. ഏതായാലും വലിയ പ്രതീക്ഷകളോടെയും ആവേശത്തോടെയുമാണ് പ്രേക്ഷകർ ഈ ചിത്രത്തെ കാത്തിരിക്കുന്നത്.