സൂര്യ നായകനാവുന്ന അടുത്ത ചിത്രം ഉടൻ ആരംഭിക്കുന്നു…

തമിഴിലും മലയാളത്തിലും വളരെ അധികം ആരാധകരുള്ള നടനാണ്‌ സുര്യ. അപാരമായ നടനവും നൃത്തവുമാണ് സൂര്യയെ മറ്റുള്ള നടന്മാരില്‍ നിന്ന് മാറ്റി നിര്‍ത്തുന്നത്. വാരണം ആയിരം, അയന്‍ അങ്ങനെ ഒട്ടനവധി ഹിറ്റ്‌ ചിത്രങ്ങള്‍ സൂര്യയുടെ കരിയറില്‍ ഉണ്ടായിട്ടുണ്ട്, മാത്രമല്ല ഇവയില്‍ പലതും തമിഴില്‍ തന്നെ പുതിയ പരീക്ഷണങ്ങള്‍ ആയിരുന്നു. സൂര്യയുടെ അടുത്ത റിലീസായ താനാ സെറെന്ത കൂട്ടം എന്ന ചിത്രത്തിന്റെ അവസാന ഘട്ട മിനുക്കുപണികൾ നടക്കുകയാണ്. ഇതുകൂടാതെ സൂര്യ നിര്‍മ്മിക്കുന്ന കാർത്തിയും അനുപമ പരമേശ്വരനും കേന്ദ്ര കഥാപാത്രങ്ങളാവുന്ന ചിത്രവും ഉടൻ ആരംഭിക്കും.

പക്ഷെ ഇപ്പോൾ ആരാധകരെ പുളകം കൊള്ളിക്കുന്ന മറ്റൊരു വാർത്ത സൂര്യയുടെ 36ാമത് ചിത്രം ഒരുങ്ങുന്നു എന്നതാണ്. ചിത്രം സംവിധാനം ചെയ്യുന്നത് തമിഴിലെ തന്നെ ഹിറ്റ് സംവിധായകനായ സെൽവരാഘവനാണ്. കാതൽ കൊണ്ടെയ്ൻ എന്ന ഹിറ്റ് ചിത്രത്തിലൂടെയാണ് സെൽവരാഘവൻ സംവിധാന രംഗത്തേക്ക് വന്നത്. ശേഷം ആയിരത്തിൽ ഒരുവൻ, മയക്കം എന്നാ എന്നിങ്ങനെ ഒട്ടനവധി നല്ല ചിത്രങ്ങളും ചെയ്തു. ഇത്രെയും കഴിവുള്ള ഒരു സംവിധായകനും നടനും ഒന്നിക്കുമ്പോൾ പ്രേക്ഷകർക്ക് ആകാംക്ഷ കൂടുകയാണ്.

അടുത്ത ജനുവരിയോടെ ചിത്രത്തിന്റെ ഷൂട്ടിംഗ് ആരംഭിക്കുമെന്നാണ് ഇപ്പോ അറിയാൻ സാധിക്കുന്നത്. കാർത്തി നായകനാവുന്ന ചിത്രമായ തീരൻ അധികാരം ഒൻറ് എന്ന ചിത്രത്തിൽ ഇപ്പോ അഭിനയിച്ചുകൊണ്ടിരിക്കുന്ന രാകുൽ പ്രീത് സിംഗ് ആണ് ചിത്രത്തിലെ മറ്റൊരു പ്രധാന കഥാപാത്രം എന്ന് പറയപ്പെടുന്നു. ചിത്രം അടുത്ത വർഷം ദീപാവലി റിലീസായി തീയേറ്ററുകളിൽ എത്തും.