മാനഗരം എന്ന തന്റെ ആദ്യ ചിത്രത്തിലൂടെ തന്നെ മികച്ച സംവിധായകൻ എന്ന പേര് സ്വന്തമാക്കിയ ആളാണ് ലോകേഷ് കനകരാജ്. ഇപ്പോഴിതാ കാർത്തിയെ നായകനാക്കി അദ്ദേഹം ഒരുക്കിയ കൈതി എന്ന ചിത്രം ഗംഭീര പ്രതികരണമാണ് നേടുന്നത്. സൂപ്പർ വിജയത്തിലേക്ക് കുതിക്കുന്ന ഈ ചിത്രം ഒരു സംവിധായകൻ എന്ന നിലയിലും രചയിതാവ് എന്ന നിലയിലും ലോകേഷ് കനകരാജിന്റെ കരിയറിലെ ഒരു പൊൻതൂവൽ തന്നെയാണ്. കാർത്തിയുടെ ഗംഭീര പ്രകടനവും ഈ ചിത്രത്തിന് ഗുണം ചെയ്തിട്ടുണ്ട്. ഇതിനു ഒരു രണ്ടാം ഭാഗം ഉണ്ടെന്നും അദ്ദേഹം പ്രേക്ഷകരെ അറിയിച്ചു കഴിഞ്ഞു. അതിന്റെ രണ്ടാം ഭാഗത്തിന് വെറും മുപ്പതു ദിവസം ആണ് ലോകേഷ് ഡേറ്റ് ചോദിച്ചത് എന്ന് കാർത്തിയും വെളിപ്പെടുത്തിയിരുന്നു.
ഇപ്പോൾ ദളപതി വിജയ്യെ നായകനാക്കി തന്റെ മൂന്നാമത്തെ ചിത്രം ഒരുക്കുന്ന ലോകേഷിന്റെ അടുത്ത ചിത്രത്തിലെ നായകൻ സൂര്യ ആണ്. വിജയ് ചിത്രം കഴിഞ്ഞ് സൂര്യ ചിത്രം ആയിരിക്കും എന്നും അത് കഴിഞ്ഞാണ് കൈതിക്കു ഒരു രണ്ടാം ഭാഗം ഒരുങ്ങു എന്നും സംവിധായകൻ അറിയിച്ചതായി ആണ് റിപ്പോർട്ടുകൾ പറയുന്നത്. ലോകേഷ് കനകരാജ്- സൂര്യ ചിത്രം ഒരു സൂപ്പർ ഹീറോ ആശയം പശ്ചാത്തലമാക്കിയുള്ള ചിത്രം ആവും എന്നും സ്ഥിതീകരിക്കാത്ത റിപ്പോർട്ടുകൾ ഉണ്ട്. ഏതായാലും ഒഫീഷ്യൽ ആയി ഈ സിനിമയുടെ പ്രഖ്യാപനം വരാൻ കാത്തിരിക്കുകയാണ് സൂര്യ ആരാധകർ. സുധ കൊങ്കര സംവിധാനം ചെയ്ത സൂരരായ് പോട്രൂ എന്ന ചിത്രമാണ് സൂര്യയുടെ അടുത്ത റിലീസ്.
വിജയ് നായകനായ ലോകേഷിന്റെ പുതിയ ചിത്രത്തിൽ വിജയ് സേതുപതിയും അഭിനയിക്കുന്നുണ്ട്. ലോകേഷ് തന്നെ രചിച്ച ഈ ചിത്രം സ്ഥിരം വിജയ് സിനിമകളുടെ ശൈലിയിൽ അല്ലാത്ത ഒരു ഗ്യാങ്സ്റ്റർ ത്രില്ലർ ആണെന്നാണ് സൂചന. ഏതായാലും ലോകേഷ് കനകരാജ് എന്ന പ്രതിഭയുടെ അടുത്ത ചിത്രം വെള്ളിത്തിരയിൽ കാണാൻ സിനിമാ പ്രേമികൾ ഇപ്പോഴേ കാത്തിരിപ്പിലാണ്.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.