ലോകേഷ് കനകരാജ് ഒരുക്കിയ കൈതി, വിക്രം എന്നീ ചിത്രങ്ങളിലൂടെ അദ്ദേഹം ഉണ്ടാക്കിയെടുത്ത ലോകേഷ് സിനിമാറ്റിക് യൂണിവേഴ്സിലെ രണ്ടു സൂപ്പർ ഹിറ്റ് കഥാപാത്രങ്ങളാണ് കാർത്തി അവതരിപ്പിച്ച ദില്ലിയും സൂര്യ അവതരിപ്പിച്ച റോളെക്സും. ഈ രണ്ടു കഥാപാത്രങ്ങളും പ്രേക്ഷകരുടെ ഇടയിൽ തരംഗമായി മാറി. ഇനി ലോകേഷ് സിനിമാറ്റിക് യൂണിവേഴ്സിൽ വരാൻ പോകുന്ന കൈതി 2, വിക്രം 3 എന്നീ ചിത്രങ്ങളിൽ ഈ രണ്ടു കഥാപാത്രങ്ങളും കണ്ടു മുട്ടുമെന്ന പ്രതീക്ഷയിലാണ് ആരാധകരും സിനിമാ പ്രേമികളും. ഏതായാലും സിനിമയ്ക്കു മുൻപ് തന്നെ ഇപ്പോൾ ദില്ലിയും റോളെക്സും ഒരു വേദിയിൽ ഒരുമിച്ചെത്തിയതിന്റെ വീഡിയോയാണ് സോഷ്യൽ മീഡിയയിൽ വൈറലാവുന്നത്. മുത്തയ്യ സംവിധാനം ചെയ്ത് കാർത്തി നായകനാകുന്ന വിരുമാൻ എന്ന ചിത്രത്തിൻറെ ഓഡിയോ ലോഞ്ച് ചെന്നൈയിൽ നടന്നപ്പോൾ അതിൽ മുഖ്യാതിഥിയായി വന്നത് സൂര്യയാണ്.
അപ്പോഴാണ് സഹോദരന്മാർ രണ്ടു പേരും ഒരുമിച്ചു വേദിയിലെത്തിയത്. ഇവർ ഒരുമിച്ചു വന്നതോടെ ഓഡിറ്റോറിയം മുഴുവൻ റോളക്സ്, ദില്ലി വിളികളാൽ നിറഞ്ഞു. ആരാധകരുടെ ആവശ്യപ്രകാരം കുറച്ചു നേരം റോളക്സായും ദില്ലിയായുമാണ് സൂര്യയും കാർത്തിയും സംസാരിച്ചത്. അതിനു ശേഷം ദില്ലി റോളക്സിനെ എന്താണ് ചെയ്തത് എന്ന് കാലം പറയട്ടെ എന്നും സൂര്യ കൂട്ടിച്ചേർത്തു. 2ഡി എന്റർടെയ്ൻമെന്റിന്റെ ബാനറിൽ സൂര്യയും ജ്യോതികയും ചേർന്ന് നിർമിച്ച വിരുമാൻ എന്ന ചിത്രത്തിലെ നായികാ വേഷം ചെയ്യുന്നത് അദിതി ശങ്കറാണ്. ഗ്രാമീണ പശ്ചാത്തലത്തിലുള്ള കഥയാണ് ഈ ചിത്രം പറയുന്നത്. യുവൻ ശങ്കർ രാജ സംഗീതമൊരുക്കിയ ഈ ചിത്രത്തിൽ രാജ് കിരൺ, പ്രകാശ് രാജ്, സൂരി എന്നിവരും അഭിനയിച്ചിട്ടുണ്ട്. ഓഗസ്റ്റ് പന്ത്രണ്ടിനാണ് ഈ ചിത്രം റിലീസ് ചെയ്യുന്നത്.
വീഡിയോ കടപ്പാട്: Thi Cinemas
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.