നീണ്ട ഇരുപത്തിയഞ്ചു വർഷങ്ങൾക്ക് ശേഷം സൂപ്പർ സ്റ്റാർ സുരേഷ് ഗോപി താരസംഘടനയായ അമ്മയുടെ ഒരു പരിപാടിയിൽ പങ്കെടുത്തത് ഇന്നലെയാണ്. ലോക തൊഴിലാളി ദിനത്തോടനുബന്ധിച്, അമ്മ സംഘടിപ്പിച്ച ആരോഗ്യ പരിശോധനാ ക്യാമ്പും അംഗങ്ങളുടെ ഒത്തുചേരലും ചേർന്ന ‘ഉണര്വ്വ്’ എന്ന പരിപാടിയുടെ മുഖ്യാതിഥിയായിട്ടാണ് സുരേഷ് ഗോപി എത്തിയത്. കലൂരിൽ വെച്ചായിരുന്നു ആ ചടങ്ങു നടന്നത്. വർഷങ്ങൾക്ക് ശേഷം അമ്മയിലേക്ക് തിരിച്ചെത്തിയ സുരേഷ് ഗോപിയെ പൊന്നാടയണിയിച്ചാണ് സ്വീകരിച്ചത്. എന്നാൽ അതിനു ശേഷം നടന്ന ഒരു പരിപാടിയുടെ സംഘാടകരെ ഞെട്ടിച്ചു കൊണ്ടായിരുന്നു സുരേഷ് ഗോപി ഇന്നലെ വാർത്തകളിലിടം പിടിച്ചത്. കൊച്ചി നഗരത്തിലെ ഗതാഗതകുരുക്കിൽ നിന്നും രക്ഷപെടാൻ തന്റെ കാർ ഉപേക്ഷിച്ച് ഓട്ടോയിൽ ആണ് അദ്ദേഹം എത്തിച്ചേർന്നത്. ഇന്നലെ നടന്ന വി.എച്ച്.പി. സ്വാഭിമാൻ നിധി പരിപാടിയുടെ കൂടി ഉദ്ഘാടകനായിരുന്നു സുരേഷ് ഗോപി. അമ്മ സംഘടനയുടെ പരിപാടിയിൽ പങ്കെടുത്തതിനു ശേഷം അദ്ദേഹം പുറത്തു വന്നതോടെ അദ്ദേഹത്തെ മാധ്യമങ്ങൾ വളഞ്ഞു.
ആ സമയത്താണ് ഗതാഗത കുരുക്കും വർധിച്ചത്. ആദ്യം തന്റെ കാർ എടുത്താണ് ഇറങ്ങിയതെങ്കിലും സമയത്തിന് എത്താൻ കഴിയില്ല എന്നുറപ്പായതോടെ, അതൊഴിവാക്കാൻ അദ്ദേഹം ഓട്ടോറിക്ഷയിൽ കയറി പോവുകയായിരുന്നു. കാറിലെത്തുന്ന സൂപ്പർ താരത്തെ സ്വീകരിക്കാൻ നിന്ന സംഘാടകരെയും അതുപോലെ അദ്ദേഹത്തെ കാത്തു നിന്നവരെയും അക്ഷരാർത്ഥത്തിൽ അമ്പരപ്പിച്ച് കൊണ്ടാണ് അദ്ദേഹം അവിടെ ഓട്ടോറിക്ഷയിൽ ചെന്നിറങ്ങിയത്. ഏകദേശം അര മണിക്കൂർ കൊണ്ടാണ് അദ്ദേഹം ഓട്ടോറിക്ഷയിൽ തന്റെ ലക്ഷ്യ സ്ഥാനത്തെത്തിയത്. ജോഷി ഒരുക്കിയ പാപ്പൻ എന്ന ചിത്രമാണ് സുരേഷ് ഗോപി നായകനായി ഉടൻ റിലീസ് ചെയ്യാനുള്ളത്. അതിനു ശേഷം നവാഗതനായ മാത്യൂസ് തോമസ് ഒരുക്കുന്ന ഒറ്റക്കൊമ്പൻ എന്ന ചിത്രമാണ് എത്തുക.
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.