സുരേഷ് ഗോപിയുടെ പുതിയ കിടിലൻ ചിത്രം; ഏത് സിനിമയിലെ ലുക്ക് എന്ന് തിരഞ്ഞു ആരാധകർ..!

മലയാളത്തിന്റെ ആക്ഷൻ സൂപ്പർ സ്റ്റാർ സുരേഷ് ഗോപി ഇപ്പോൾ തിരഞ്ഞെടുപ്പ് പ്രചാരണത്തിന്റെ ചൂടിലാണ്. തൃശ്ശൂർ നിയമസഭാ മണ്ഡലത്തിൽ നിന്ന് ബി ജെ പി സ്ഥാനാർഥി ആയാണ് സുരേഷ് ഗോപി ഈ തവണ മത്സരിക്കുന്നത്. കഴിഞ്ഞ ദിവസം തിരഞ്ഞെടുപ്പ് പ്രചാരണത്തിന്റെ ഭാഗമായി റിപ്പോർട്ടർ ചാനലിൽ നികേഷ് കുമാറിന് അദ്ദേഹം കൊടുത്ത അഭിമുഖവും അതിൽ അദ്ദേഹം പറഞ്ഞ കാര്യങ്ങളും ഇപ്പോൾ സോഷ്യൽ മീഡിയയിൽ വൈറലാണ്. അതിനു പുറമെ ഇപ്പോഴിതാ സുരേഷ് ഗോപിയുടെ കിടിലൻ ലുക്കിലുള്ള ഒരു ചിത്രം കൂടി സോഷ്യൽ മീഡിയയുടെ ശ്രദ്ധ നേടിയെടുക്കുകയാണ്. ഈ ചിത്രം കണ്ട ആരാധകരും സിനിമാ പ്രേമികളും ഈ ഗെറ്റപ് ഏത് സിനിമക്ക് വേണ്ടിയാണ് എന്നു തിരക്കുകയാണ്. എന്നാൽ അദ്ദേഹത്തിന്റെ ഈ പുതിയ ഗെറ്റപ്പ് ഒരു പരസ്യ ചിത്രീകരണത്തിനു വേണ്ടിയാണ്.

സൈജു എ വി എന്ന ഗ്രാഫിക് ഡിസൈനർ ആണ് ഈ ചിത്രം തന്റെ ഫേസ്ബുക്ക് പേജിലൂടെ പങ്കു വെച്ചിരിക്കുന്നത്. ഈ ചിത്രം പങ്കു വെച്ചു കൊണ്ട് സൈജു കുറിച്ചിരിക്കുന്നത്, ഞങ്ങളുടെ പുതിയ ad film 5 നോട് ഇഞ്ചോടിഞ്ച് with നമ്മുടെ സ്വന്തം സുരേഷ്ഗോപി സേട്ടനോടൊപ്പം .എന്നാണ്. ജോഷി ഒരുക്കുന്ന പാപ്പൻ എന്ന മാസ്സ് ചിത്രത്തിലാണ് സുരേഷ് ഗോപി ഇപ്പോൾ അഭിനയിക്കുന്നത്. ഇതിനു ശേഷം ഒറ്റക്കൊമ്പൻ എന്ന മാസ്സ് ആക്ഷൻ ചിത്രവും തീർക്കാൻ പോകുന്ന സുരേഷ് ഗോപിയുടെ അടുത്ത റിലീസ് നിതിൻ രഞ്ജി പണിക്കർ സംവിധാനം ചെയ്ത കാവൽ ആണ്. ഇത് കൂടാതെയും മൂന്നോ നാലോ ചിത്രങ്ങൾ അദ്ദേഹം കമ്മിറ്റ് ചെയ്തിട്ടുണ്ട് എന്നാണ് റിപ്പോർട്ടുകൾ പറയുന്നത്.