ബ്ലോക്ക്ബസ്റ്റർ ഹിറ്റടിക്കാൻ സുരേഷ് ഗോപി- ജോഷി ടീം വീണ്ടും

ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ ഹിറ്റായ പാപ്പൻ എന്ന ചിത്രത്തിലാണ് ഇരുവരും അവസാനം ഒന്നിച്ചത്. അതിനു മുൻപ് ക്രിസ്റ്റൻ ബ്രദേഴ്‌സ്, ട്വന്റി ട്വന്റി, പത്രം, ലേലം, വാഴുന്നോർ എന്നീ വൻ ഹിറ്റുകളിലും ഇവർ ഒന്നിച്ചിരുന്നു.

ഒരു പോലീസ് ഇൻവെസ്റ്റിഗേഷൻ ചിത്രവുമായാവും ജോഷി – സുരേഷ് ഗോപി ടീം ഇപ്പോൾ ഒന്നിക്കുന്നതെന്നാണ് സൂചന. അടുത്ത വർഷം ചിത്രീകരണം ആരംഭിക്കാൻ പ്ലാൻ ചെയ്യുന്ന ഈ ചിത്രത്തിന്റെ കൂടുതൽ വിവരങ്ങൾ വൈകാതെ തന്നെ പ്രഖ്യാപിക്കും. നവാഗതനായ മാത്യൂസ് തോമസ് ഒരുക്കുന്ന ഒറ്റക്കൊമ്പൻ എന്ന ചിത്രമാണ് സുരേഷ് ഗോപി ഇപ്പോൾ ചെയ്യുന്നത്. അത് പൂർത്തിയാക്കിയതിന് ശേഷമാണ് സുരേഷ് ഗോപി ഈ ജോഷി ചിത്രത്തിൽ ജോയിൻ ചെയ്യൂ.

ചെമ്പൻ വിനോദിന്റെ തിരക്കഥയിൽ മോഹൻലാൽ നായകനായ റമ്പാൻ എന്ന ചിത്രം ജോഷി പ്രഖ്യാപിച്ചിരുന്നു എങ്കിലും, ചില സാങ്കേതിക കാരണങ്ങളാൽ ആ ചിത്രം മാറ്റി വെക്കുകയായിരുന്നു. പ്രവീൺ നാരായണൻ തിരക്കഥ രചിച്ച് സംവിധാനം ചെയ്ത ജെ എസ് കെ എന്ന ചിത്രമാണ് സുരേഷ് ഗോപിയുടെ അടുത്ത റിലീസ്. ഈ ചിത്രം നവംബറിൽ റിലീസ് ചെയ്യാനാണ് പ്ലാൻ. സനൽ വി ദേവൻ സംവിധാനം ചെയ്ത വരാഹം എന്ന ചിത്രവും സുരേഷ് ഗോപി പൂർത്തിയാക്കിയിട്ടുണ്ട്.