ഏകദേശം പത്തു വർഷം മുൻപ് മലയാളത്തിൽ റിലീസ് ചെയ്ത ചിത്രമായിരുന്നു ചട്ടമ്പിനാട്. മമ്മൂട്ടിയെ നായകനാക്കി, ബെന്നി പി നായരമ്പലത്തിന്റെ രചനയിൽ ഷാഫി സംവിധാനം ചെയ്ത ഈ ചിത്രത്തിലെ വളരെ രസകരമായ ഒരു കഥാപാത്രം ആയിരുന്നു സുരാജ് വെഞ്ഞാറമൂട് അവതരിപ്പിച്ച ദശമൂലം ദാമു എന്ന കോമഡി ഗുണ്ട. ആ ചിത്രം ഇറങ്ങി വർഷങ്ങൾക്കു ശേഷം ദശമൂലം ദാമു സോഷ്യൽ മീഡിയയിലെ ട്രോളന്മാരുടെ ഇഷ്ട കഥാപാത്രം ആയി മാറി. ഒട്ടേറെ ഗംഭീര ട്രോളുകൾ ദശമൂലം ദാമുവിനെ ഉപയോഗിച്ച് അവർ ഉണ്ടാക്കിയതോടെ ആ സിനിമയേക്കാളും പോപ്പുലർ ആയി മാറി ദശമൂലം ദാമു എന്ന കഥാപാത്രം. മലയാള സിനിമയിൽ തന്നെ ഏറ്റവും കൂടുതൽ ഫാൻസ് ഉള്ള ഹാസ്യ കഥാപാത്രങ്ങളിൽ ഒന്നായി ദശമൂലം ദാമു മാറി.
ഇപ്പോഴിതാ ദശമൂലം ദാമുവിനെ കേന്ദ്ര കഥാപാത്രം ആക്കി ഒരു സിനിമ തന്നെ ഒരുങ്ങാൻ പോവുകയാണ് എന്ന് വെളിപ്പെടുത്തുകയാണ് സുരാജ് വെഞ്ഞാറമൂട്. തിരക്കഥാകൃത്തായ ബെന്നി പി നായരമ്പലവും സംവിധായകന് ഷാഫിയും ചേര്ന്ന് ഈ ചിത്രത്തിന്റെ തിരക്കഥ തയ്യാറാക്കിക്കൊണ്ടിരിക്കുയാണ് എന്നും മലയാള സിനിമാ പ്രേമികൾ ഏറെ പ്രതീക്ഷ വെക്കും എന്നുള്ളത് കൊണ്ട് തന്നെ അത്രമാത്രം ശ്രദ്ധിച്ചാണ് അവർ അത് ഒരുക്കുന്നത് എന്നും സുരാജ് പറയുന്നു. എല്ലാം നന്നായി വരികയാണെങ്കിൽ ആ ചിത്രവുമായി തങ്ങൾ മുന്നോട്ടു പോകും എന്നും സുരാജ് പറഞ്ഞു. പഞ്ചാബി ഹൗസിലെ ഹരിശ്രീ അശോകൻ അവതരിപ്പിച്ച രമണൻ, പുലിവാൽ കല്യാണത്തിൽ സലിം കുമാർ അവതരിപ്പിച്ച മണവാളൻ എന്നിവയാണ് ദശമൂലം ദാമുവിനെ പോലെ സോഷ്യൽ മീഡിയയിലെ ട്രോളന്മാർ ആഘോഷിച്ച മലയാള സിനിമയിലെ ഹാസ്യ കഥാപാത്രങ്ങളിൽ ചിലതു.
ഇപ്പോൾ സുരാജ് നായകനായി എത്തിയ വികൃതി എന്ന ചിത്രം മികച്ച പ്രേക്ഷക- നിരൂപക പ്രശംസ സ്വന്തമാക്കി വിജയം നേടി മുന്നേറുകയാണ്. ഗംഭീര പ്രകടനമാണ് സുരാജ് ഈ ചിത്രത്തിൽ നടത്തിയിരിക്കുന്നത്. ഒട്ടേറെ ചിത്രങ്ങളിൽ നായകനായും അഭിനയിക്കുന്ന സുരാജിന്റെ അടുത്ത പ്രധാന റിലീസ് സൗബിൻ ഷാഹിർ നായകനായി എത്തുന്ന ആൻഡ്രോയിഡ് കുഞ്ഞപ്പൻ ആണ്. അടുത്ത മാസം ഈ ചിത്രം റിലീസ് ചെയ്യും എന്നാണ് സൂചന.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.