ദുൽഖർ സൽമാൻ ചിത്രത്തെ അഭിനന്ദിച്ച് രജനികാന്ത്

തമിഴ് സിനിമ ലോകത്ത് ഈ വർഷം ഒട്ടും പ്രതീക്ഷ ഇല്ലാതെ കടന്നു വരുകയും പിന്നീട് വലിയ വിജയം കൈവരിച്ച് ചിത്രമാണ് കണ്ണും കണ്ണും കൊള്ളയടിത്താൽ. ദുൽഖർ സൽമാൻ, ഋതു വർമ്മ കേന്ദ്ര കഥാപാത്രങ്ങളായി അഭിനയിച്ച ഈ ചിത്രം സംവിധാനം ചെയ്‌തിരിക്കുന്നത് ദേസിങ് പെരിയസ്വാമിയാണ്. അടുത്തിടെ സംവിധായകൻ ദേസിങ് പെരിയസ്വാമിയെ സൂപ്പർസ്റ്റാർ രജനികാന്ത് വിളിക്കുകയുണ്ടായി. ദുൽഖർ ചിത്രമായ കണ്ണും കണ്ണും കൊള്ളയടിത്താൽ രജനികാന്ത് കാണാൻ ഇടയാവുകയും തനിക്ക് ഏറെ ഇഷ്ടപ്പെട്ടു എന്നും അഭിനന്ദനം അറിയിക്കാൻ വേണ്ടിയാണ് സംവിധായകനെ താരം നേരിട്ട് ഫോണിലൂടെ വിളിച്ചത്. ഇരുവരുടെ ഫോൺ സംഭാഷണം ലീക്ക് ആവുകയും ഇപ്പോൾ സമൂഹ മാധ്യമങ്ങളിൽ തരംഗം സൃഷ്ട്ടിക്കുകയാണ്.

ഫോൺ സംഭാഷണത്തിൽ രജനികാന്ത് സംവിധായകൻ ദേസിങ് പെരിയസ്വാമിയെ പ്രശംസകൾ കൊണ്ട് മൂടുകയായിരുന്നു. താങ്കളുടെ വർക്ക് വളരെ ഇഷ്ടപ്പെട്ടുവെന്നും തനിക്ക് വേണ്ടി ഒരു രസകരമായ കഥയുമായി മുന്നോട്ട് വരുവാൻ രജനികാന്ത് തന്നെ ആവശ്യപ്പെടുകയുണ്ടായി. സംവിധായകൻ പെരിയസ്വാമി രജനികാന്തിന്റെ വലിയ ഒരു ആരാധകൻ കൂടിയാണ്. പല അഭിമുഖങ്ങളിൽ രജിനികാന്തിനോടുള്ള ഇഷ്ടത്തെ കുറിച്ചു അദ്ദേഹം സൂചിപ്പിച്ചിട്ടുണ്ട്. സൂപ്പർസ്റ്റാർ തന്നെ വിളിച്ച വിവരം സംവിധായകൻ ട്വിറ്ററിലൂടെ പങ്കുവെക്കുകയുണ്ടായി.

കുറെ ട്വിസ്റ്റുകൾ അടങ്ങുന്ന ഒരു ക്ലീൻ എന്റർട്ടയിനറാണ് കണ്ണും കണ്ണും കൊള്ളയടിത്താൽ. രക്ഷൻ, നിരഞ്ജനി, ഗൗതം മേനോൻ തുടങ്ങിയവർ ചിത്രത്തിൽ പ്രധാന വേഷങ്ങൾ കൈകാര്യം ചെയ്തിരുന്നു. നെറ്റ്ഫ്ലിക്സ് ചിത്രത്തിന്റെ സ്ട്രീമിംഗ് റൈറ്റ്സ് സ്വന്തമാക്കുകയും ചെയ്തിരുന്നു.