പ്രിയദർശന്റെ മോഹൻലാൽ ചിത്രമായ മരക്കാർ: അറബിക്കടലിന്റെ സിംഹം വരുന്ന നവംബറിൽ ഷൂട്ടിങ് ആരംഭിക്കുമെന്ന് ഉറപ്പായി കഴിഞ്ഞു. നൂറു കോടി രൂപ മുതൽമുടക്കിൽ നിർമ്മിക്കുന്ന ഈ ചിത്രം മലയാളത്തിലെ ഏറ്റവും വലിയ പ്രൊജക്റ്റ് ആണെന്നും നമ്മുക്ക് അറിയാം. ഈ ചിത്രത്തിൽ വലിയ താര നിര അണിനിരക്കുമെന്നും, തമിഴ്, തെലുങ്കു, ഹിന്ദി ഭാഷകളിലെ വമ്പന്മാർ അടക്കം ഈ ചിത്രത്തിന്റെ ഭാഗമായി വരുമെന്നും സംവിധായകൻ പ്രിയദർശൻ വാർത്താ സമ്മേളനത്തിൽ പറഞ്ഞിരുന്നു. പ്രിയദർശൻ പറഞ്ഞത് പോലെ തന്നെ ഞെട്ടിക്കുന്ന താരനിരയാണ് ഈ ചിത്രത്തിൽ അണിനിരക്കാൻ പോകുന്നതെന്ന വാർത്തയാണ് ഇപ്പോൾ വന്നു കൊണ്ടിരിക്കുന്നത്. ഇന്ന് പുറത്തു വന്ന റിപ്പോർട്ടുകൾ പ്രകാരം തെലുങ്കു സൂപ്പർ താരം നാഗാർജുനയും ബോളിവുഡിലെ പ്രശസ്ത താരം സുനിൽ ഷെട്ടിയും ഈ ചിത്രത്തിന്റെ താര നിരയുടെ ഭാഗമാകും.
പ്രിയദർശനുമായി വളരെ വലിയ സൗഹൃദം പുലർത്തുന്നവരാണ് ഇവർ രണ്ടു പേരും. പ്രിയദർശന്റെ ഹിന്ദി ചിത്രങ്ങളിൽ അഭിനയിച്ചിട്ടുള്ള സുനിൽ ഷെട്ടി പ്രിയദർശൻ – മോഹൻലാൽ കൂട്ടുകെട്ടിൽ ഒരുങ്ങിയ സൂപ്പർ ഹിറ്റ് മലയാള ചിത്രമായ കാക്കകുയിലിലും അതിഥി വേഷത്തിൽ എത്തിയിട്ടുണ്ട്. പ്രിയദർശൻ തെലുങ്കിൽ സംവിധാനം ചെയ്ത നിർണ്ണയം എന്ന ചിത്രത്തിലെ നായകൻ ആയിരുന്നു നാഗാർജുന. പ്രിയന്റെ തന്നെ മോഹൻലാൽ ചിത്രമായ വന്ദനത്തിന്റെ തെലുങ്ക് റീമേക് ആയിരുന്നു ആ ചിത്രം. ഏതായാലും തെലുങ്കു മാർക്കറ്റിൽ മരക്കാർ പിടിമുറുക്കും എന്നുറപ്പായി കഴിഞ്ഞു. മോഹൻലാലിനും തെലുങ്കിൽ ഇപ്പോൾ ഗംഭീര മാർക്കറ്റ് ആണുള്ളത്. സാബു സിറിൽ പ്രൊജക്റ്റ് ഡിസൈനർ ആയും തിരു ക്യാമറാമാൻ ആയും ഈ ചിത്രത്തിൽ ജോലി ചെയ്യും.
അനൗദ്യോഗികമായ ചില റിപ്പോർട്ടുകൾ പറയുന്നത്. തമിഴിൽ നിന്ന് സൂര്യ അല്ലെങ്കിൽ വിജയ് സേതുപതി ഈ ചിത്രത്തിന്റെ ഭാഗം ആകുമെന്നാണ്. വിക്രമിന്റെ പേരും ചില കോണുകളിൽ നിന്ന് ഉയർന്നു കേൾക്കുന്നുണ്ട്. ഏതായാലും പ്രേക്ഷകരെ ഞെട്ടിക്കുന്ന ഒരുപാട് പ്രഖ്യാപനങ്ങൾ ഈ ചിത്രത്തെ കുറിച്ച് വരാനിരിക്കുന്നതേയുള്ളൂ എന്നാണ് സൂചന.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.