ദുൽഖർ ഫാൻ ഫ്രം നൈജീരിയ….

ഇന്നലെ പുറത്തിറങ്ങിയ സുഡാനി ഫ്രം നൈജീരിയ വളരെ മികച്ച അഭിപ്രായം കരസ്ഥമാക്കി മുന്നേറുകയാണ്. ചിത്രത്തിൽ സൗബിനോടൊപ്പം സുപ്രധാന വേഷത്തിലെത്തുന്നത് നൈജീരിയാക്കാരനായ സാമുവൽ അബിയോള ആണ്. നൈജീരിയയിൽ നിന്നുമുള്ള സിനിമ അഭിനേതാവാണ് സാമുവൽ അബിയോള ചിത്രത്തിൽ വിദേശത്ത് നിന്ന് കാൽപന്ത് കളിക്കാരനായി വരുന്ന സുടു എന്നു വിളിക്കുന്ന സുഡാനിക്കായി സംവിധായകൻ സക്കറിയ നടത്തിയ അന്വേഷണം ചെന്നെത്തിയത് സാമൂവലിലേക്കാണ്.

ആഫ്രിക്കൻ ചിത്രങ്ങളിൽ അഭിനയിക്കുമ്പോഴും വളരെ ഇന്ത്യൻ സിനിമകളോട് സാമുവൽ താലപര്യം പുലർത്തിയിരുന്നു. ഷാരൂഖ് ഖാൻ, ഇർഫാൻ ഖാൻ തുടങ്ങിയവരുടെ ചിത്രങ്ങൾ കണ്ടിട്ടുണ്ടെന്നും മലയാളത്തിലെ പ്രിയനടൻ ദുൽഖർ ആണെന്നും സാമുവൽ വെളിപ്പെടുത്തി. ദുൽഖർ സൽമാൻ ചിത്രമായ നീലാകാശം പച്ചക്കടൽ ചുവന്ന ഭൂമി, കലി എന്നിവയുടെ ട്രെയിലറുകൾ വഴിയാണ് ദുൽഖർ നെ അറിഞ്ഞതും പിന്നീട് അദ്ദേഹത്തിന്റെ സിനിമകളോടും അദ്ദേഹത്തോടും ആരാധന തോന്നിയതും സാമുവൽ പറഞ്ഞു. ഹോളീവുഡ് നടനായ ഡി കാപ്രിയോ യുടെ കടുത്ത ആരാധകൻ കൂടിയാണ് സാമുവൽ. സൗബിൻ വളരെ കുസൃതികൾ നിറഞ്ഞ ഒരു വ്യക്തിയാണെന്നും ചിത്രത്തിലെ എല്ലാവരും എനിക്ക് നല്ല പിന്തുണ നൽകിയെന്നും സാമുവൽ പറയുകയുണ്ടായി. കഴിഞ്ഞ ദിവസം പുറത്തിറങ്ങിയ ചിത്രം മികച്ച അഭിപ്രായങ്ങൾ നേടി മുന്നേറുകയാണ്..