മോഹൻലാൽ നായകനായ മരക്കാർ അറബിക്കടലിന്റെ സിംഹം എന്ന ചിത്രം വരുന്ന ഡിസംബർ രണ്ടിന് ലോകം മുഴുവൻ എത്തുകയാണ്. മലയാളത്തിലെ ഏറ്റവും വലിയ ചിത്രമായ മരക്കാർ, അഞ്ചു ഭാഷകളിൽ ആയി മലയാളത്തിലെ ഏറ്റവും വലിയ റിലീസുമാണ് നേടുന്നത്. പ്രിയദർശൻ സംവിധാനം ചെയ്തു ആന്റണി പെരുമ്പാവൂർ നിർമ്മിച്ച ഈ ചിത്രത്തിൽ മോഹൻലാലിന്റെ മകൻ പ്രണവ് മോഹൻലാലും അഭിനയിച്ചിട്ടുണ്ട്. മോഹൻലാൽ അവതരിപ്പിച്ച മരക്കാർ എന്ന കഥാപാത്രത്തിന്റെ യൗവ്വനകാലമാണ് പ്രണവ് അവതരിപ്പിക്കുന്നത്. ഇപ്പോഴിതാ മരക്കാർ എന്ന ചിത്രത്തിന്റെ ചെന്നൈയിലെ പ്രിവ്യൂ കണ്ട, പ്രണവിന്റെ അമ്മയും മോഹൻലാലിൻറെ ഭാര്യയുമായ സുചിത്ര മോഹൻലാൽ പറയുന്ന വാക്കുകൾ ശ്രദ്ധേയമാണ്. ഗൃഹലക്ഷ്മി മാഗസിന്റെ പുതിയ ലക്കത്തിൽ ആണ് മകനെ കുറിച്ച് ഈ അമ്മ കുറിച്ച വാക്കുകൾ വന്നിരിക്കുന്നത്. മരക്കാർ എന്ന ചിത്രത്തിൽ പ്രണവ് നന്നായി അഭിനയിച്ചിട്ടുണ്ട് എന്നും, ചിലപ്പോൾ മരക്കാർ അവനെ കൂടുതൽ ഉയരങ്ങളിൽ എത്തിക്കുമായിരിക്കും എന്നുമാണ് ഈ അമ്മ പ്രതീക്ഷിക്കുന്നത്.
മകന്റെ മികച്ച പ്രകടനം തന്റെ കണ്ണ് നിറച്ചു എന്നും ഭാര്യ എന്ന നിലയിലും അമ്മ എന്ന നിലയിലും ഒരു സിനിമാസ്വാദക എന്ന നിലയിലും തന്റെ കണ്ണുകൾ നനയിച്ചു മരക്കാർ എന്നും സുചിത്ര വെളിപ്പെടുത്തി. മുഴുവൻ സമയവും സിനിമയിൽ അഭിനയിച്ചു ജീവിക്കാൻ സാധ്യമല്ല എന്ന് അപ്പു എന്ന പ്രണവ് തങ്ങളോട് പറഞ്ഞിട്ടുണ്ട് എന്നും, തന്റെ യാത്രകളും വായനയും എല്ലാം നിലനിർത്തിക്കൊണ്ട് മാത്രമേ അഭിനയം അവനൊരു കരിയറാക്കി എടുക്കു എന്നും സുചിത്ര മോഹൻലാൽ പറഞ്ഞു. ഏറ്റവും ലളിതമായി, ആരാലും അറിയപ്പെടാതെ ജീവിക്കാൻ ആണ് അപ്പു എന്നും ആഗ്രഹിച്ചത് എന്നും പ്രശസ്തനാവുന്നതിനേക്കാൾ അജ്ഞാതനാകുന്നതാണ് അപ്പുവിന് കൂടുതൽ ഇഷ്ടമെന്നും സുചിത്ര വെളിപ്പെടുത്തുന്നു. സിനിമ മാത്രമാണ് നിന്റെ വഴി എന്ന് തങ്ങൾ അവനോടു പറഞ്ഞിട്ടില്ല എന്നും സുചിത്ര കുറിക്കുന്നു. മരക്കാരിലെ, അപ്പു അഭിനയിച്ച ഒരു രംഗം കണ്ടപ്പോൾ അപ്പുവിന് തന്നെ എത്രമാത്രം ഇഷ്ടമാണെന്നു കൂടി തനിക്കു ബോധ്യമായി എന്നും പറഞ്ഞാണ് സുചിത്ര തന്റെ വാക്കുകൾ അവസാനിപ്പിക്കുന്നത്.
പാന് ഇന്ത്യന് ബ്ലോക്ക് ബസ്റ്ററായ മാര്ക്കോയ്ക്ക് ശേഷം ഉണ്ണിമുകുന്ദന് നായകനാവുന്ന 'ഗെറ്റ് സെറ്റ് ബേബി'യുടെ റിലീസ് തിയതി പുറത്തു വിട്ടു.…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്ത എമ്പുരാൻ ടീസർ ഇപ്പോൾ സോഷ്യൽ മീഡിയയെ ആവേശം കൊണ്ട്…
മലയാളത്തിലെ എക്കാലത്തെയും ക്ലാസിക് ചിത്രങ്ങളിലൊന്നായ ഒരു വടക്കൻ വീരഗാഥയുടെ പുതിയ പതിപ്പിന്റെ ട്രൈലെർ ലോഞ്ച് അമ്മയുടെ ഓഫീസിൽ നടന്നു. മോഹൻലാൽ…
മലയാളത്തിന്റെ മഹാനടൻ മമ്മൂട്ടിയെ നായകനാക്കി എംടി-ഹരിഹരന് കൂട്ടുകെട്ടിലൊരുങ്ങിയ ക്ലാസിക് ചിത്രമായ ഒരു വടക്കന് വീരഗാഥ വീണ്ടും റിലീസിന് എത്തുന്നു. 2025…
നിങ്ങളുടെ സൗഹൃദത്തിലേക്ക് ഇന്നുമുതൽ പുതിയ ഒരു ബെസ്റ്റി കടന്നു വരുന്നു എന്ന പരസ്യ വാചകവുമായി എത്തിയ ചിത്രമാണ് 'ബെസ്റ്റി'. ഷാനു…
പ്രേക്ഷകർ ആകാംക്ഷയോടെ കാത്തിരിക്കുന്ന 'ബെസ്റ്റി'യുടെ ട്രെയിലർ എത്തി. ഒരു കംപ്ലീറ്റ് ഫാമിലി എന്റർടൈനർ ആണ് സിനിമയെന്നാണ് ട്രെയിലർ നൽകുന്ന സൂചന.…
This website uses cookies.