മെഗാസ്റ്റാർ മമ്മൂട്ടി നായകനായ പേരൻപ് എന്ന തമിഴ് ചിത്രം ഇന്നലെ ഗോവ ഫിലിം ഫെസ്റ്റിവലിൽ പ്രദർശിപ്പിച്ചു. റാം സംവിധാനം ചെയ്ത ഈ ചിത്രത്തിന് ഗംഭീര അഭിപ്രായമാണ് ചിത്രം കണ്ട പ്രേക്ഷകരിൽ നിന്നും ഡെലഗേറ്റുകളിൽ നിന്നും ലഭിക്കുന്നത്. മമ്മൂട്ടിയുടേയും സാധനയുടെയും അവിസ്മരണീയ പ്രകടനമാണ് ഈ ചിത്രത്തിന്റെ ഏറ്റവും വലിയ ഹൈലൈറ്റ്. ചിത്രത്തിലെ കേന്ദ്ര കഥാപാത്രങ്ങളിലൊന്നായ അമുദൻ എന്ന അച്ഛന്റെ വേഷം ചെയ്ത മമ്മൂട്ടിക്ക് വമ്പൻ പ്രശംസയാണ് ലഭിക്കുന്നത്. ചിത്രം കാണുന്നവരുടെ എല്ലാം മനസ്സ് നിറക്കുന്ന പ്രകടനമാണ് ഈ ചിത്രത്തിൽ മമ്മൂട്ടി കാഴ്ച വെച്ചിരിക്കുന്നത് എന്നാണ് ഏവരും അഭിപ്രായപ്പെടുന്നത്. ഈ ചിത്രത്തിൽ മമ്മൂട്ടിയെ കാസ്റ്റ് ചെയ്തതിനു ഒരു മലയാളി നന്ദി പറഞ്ഞപ്പോൾ മമ്മൂട്ടി മലയാളത്തിന്റെ മാത്രമല്ല തമിഴിന്റേതു കൂടിയാണ് എന്നാണ് ഒരു ഡെലഗേറ്റ് പറഞ്ഞത്.
മമ്മൂട്ടിയുടെ സിനിമ ജീവിതത്തിലെ ഏറ്റവും മികച്ച കഥാപാത്രങ്ങളുടെ ഒപ്പം ഇനി മുതൽ അമുദൻ എന്ന വേഷവും ചേർത്ത് വെക്കാം എന്ന് അവർ പറയുന്നു. മമ്മൂട്ടിയുടെ മകൾ ആയി അഭിനയിച്ച സാധന വെങ്കടേഷ് എന്ന പെൺകുട്ടിയുടെയും അസാധാരണ പ്രകടനം ഈ ചിത്രത്തിന്റെ മാറ്റു കൂട്ടി. മികച്ച ബാലതാരത്തിനുള്ള ദേശീയ പുരസ്കാരം നേടിയ നടിയാണ് സാധന. സ്പാസ്റ്റിക് പാരാലിസിസ് എന്ന രോഗം ബാധിച്ച കുട്ടിയെ ആണ് പേരൻപ് എന്ന ഈ ചിത്രത്തിൽ സാധന അവതരിപ്പിച്ചിരിക്കുന്നത്. പ്രേക്ഷകരുടെയും ഡെലഗേറ്റുകളുടെയും അഭ്യർത്ഥന പ്രകാരം നാളെ ഈ ചിത്രം ഒരിക്കൽ കൂടി ചലച്ചിത്ര മേളയിൽ പ്രദർശിപ്പിക്കും. അധികം വൈകാതെ തന്നെ ഈ ചിത്രം തീയേറ്ററുകളിൽ എത്തുമെന്നാണ് അണിയറ പ്രവർത്തകർ സൂചിപ്പിക്കുന്നത്. അഞ്ജലി, സുരാജ് വെഞ്ഞാറമൂട്, സിദ്ദിഖ് എന്നിവരും ഈ ചിത്രത്തിൽ അഭിനയിച്ചിട്ടുണ്ട്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.