ദുൽഖർ സൽമാനെ നായകനാക്കി സെക്കന്റ് ഷോ എന്ന ചിത്രമൊരുക്കി കൊണ്ടാണ് ശ്രീനാഥ് രാജേന്ദ്രൻ മലയാള സിനിമയിൽ അരങ്ങേറ്റം കുറിച്ചത്. അതിനു ശേഷം മോഹൻലാൽ, സണ്ണി വെയ്ൻ, ഭരത്, ടോവിനോ തോമസ് എന്നിവർ അഭിനയിച്ച കൂതറ എന്ന ചിത്രവും അദ്ദേഹം ഒരുക്കി. ഇപ്പോഴിതാ ശ്രീനാഥ് രാജേന്ദ്രൻ ഒരുക്കിയ മൂന്നാമത്തെ ചിത്രമായ കുറുപ്പ് റിലീസ് ചെയ്തിരിക്കുകയാണ്. ദുൽഖർ സൽമാൻ നായകനായ ഈ ചിത്രം നിർമ്മിച്ചിരിക്കുന്നതും അദ്ദേഹം തന്നെയാണ്. ആദ്യ ദിനം മുതൽ മികച്ച പ്രേക്ഷക പ്രതികരണവും ബോക്സ് ഓഫീസ് കളക്ഷനും നേടിയ ഈ ചിത്രത്തിന്റെ ക്ളൈമാക്സ് കണ്ട പ്രേക്ഷകരിൽ പലരും ഇതിനൊരും രണ്ടാം ഭാഗത്തിനുള്ള സാധ്യത ഇല്ലേ എന്നുള്ള അഭിപ്രായവും പ്രകടിപ്പിച്ചിരുന്നു. പിടികിട്ടാപുള്ളിയായ കുറുപ്പിന്റെ ജീവിത കഥ പറഞ്ഞ ഈ ചിത്രത്തിന് എങ്ങനെയാണു ഒരു രണ്ടാം ഭാഗം ഒരുക്കുക എന്നും ആരാധകർ സംശയം പ്രകടിപ്പിച്ചിരുന്നു. കാരണം, കുറുപ്പിന് എന്ത് സംഭവിച്ചു എന്ന് ഇപ്പോഴും ആർക്കും ഒരറിവുമില്ല.
എന്നാൽ ഈ ചിത്രത്തിന് ഒരു രണ്ടാം ഭാഗം ഉണ്ടാകും എന്ന വെളിപ്പെടുത്തലുമായി മുന്നോട്ടു വന്നിരിക്കുകയാണ് ഇപ്പോൾ സംവിധായകനായ ശ്രീനാഥ് രാജേന്ദ്രൻ. അല്പം സമയം എടുത്താലും ഒരു രണ്ടാം ഭാഗം ഈ ചിത്രത്തിന് ഉണ്ടാകും എന്ന് അദ്ദേഹം വെളിപ്പെടുത്തിയത് തന്റെ പുതിയ ഇൻസ്റ്റാഗ്രാം ലൈവിലാണ്. കെ എസ് അരവിന്ദ്, ഡാനിയൽ സായൂജ് നായർ എന്നിവർ ചേർന്ന് രചിച്ച കുറുപ്പിൽ ഇന്ദ്രജിത് സുകുമാരൻ, ഷൈൻ ടോം ചാക്കോ, ടോവിനോ തോമസ്, സണ്ണി വെയ്ൻ എന്നിവരുമഭിനയിച്ചിട്ടുണ്ട്. നിമിഷ് രവി ഛായാഗ്രഹണം നിർവഹിച്ച ഈ ചിത്രത്തിന് സംഗീതം ഒരുക്കിയത് സുഷിൻ ശ്യാം ആണ്. വിവേക് ഹർഷൻ ആണ് കുറുപ്പിന്റെ എഡിറ്റർ.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
This website uses cookies.