പറവയ്ക്കു ശേഷം സൗബിൻ ഷാഹീര്‍ സംവിധാനം ചെയ്യുന്ന പുതിയ ചിത്രത്തിൽ മെഗാസ്റ്റാർ മമ്മൂട്ടി

മലയാള സിനിമക്ക് കിട്ടിയ പൊൻതൂവലാണ് സൗബിൻ ഷാഹിർ. വളരെ കഷ്ടപ്പെട്ടാണ് അദ്ദേഹം മലയാള സിനിമയുടെ ഭാഗമായത്. ജൂനിർ ആർടിസ്റ്റായി വന്നു പിന്നീട് പല സംവിധായകരുടെ അസിസ്റ്റന്റായും വർക്ക് ചെയ്തു. കുറെയേറെ വർഷങ്ങൾക്ക് ശേഷമാണ്നടനായി സ്‌ക്രീനിൽ എത്തുന്നത് . രാജീവ് രവി സംവിധാനം ചെയ്ത ഫഹദ് ഫാസിലിനെ നായകനായ അന്നയും റസൂലും എന്ന സിനിമയിലൂടെയായിരുന്നു സൗബിന്‍ ഷാഹിര്‍ ആദ്യമായി അഭിനയിച്ചത്

എന്നാൽ ഇന്ന് സൗബിൻ ഷാഹിർ അറിയപ്പെടുന്ന ഒരു സംവിധായകൻ കൂടിയാണ്. സൗബിന്‍ ഷാഹീര്‍ സംവിധാനം ചെയ്ത കന്നിചിത്രമായിരുന്നു പറവ. സിനിമയ്ക്ക് വേണ്ടി കഥയൊരുക്കിയതും സൗബിന്‍ തന്നെയായിരുന്നു. പറവ എന്ന ഒറ്റ ചിത്രം കൊണ്ട് കേരള ബോക്സ് ഓഫിസ് സൗബിൻ കീഴടക്കി . ആദ്യ ചിത്രത്തിൽ തന്നെ വിസ്മയം തീർത്ത സൗബിന്റെ അടുത്ത ചിത്രത്തിനായാണ് എല്ലാവരും ഉറ്റു നോക്കുന്നത്.

സൗബിന്റെ രണ്ടാമത്തെ ചിത്രം സാക്ഷാൽ മമ്മൂട്ടിയുടെ ഓപ്പമായിരിക്കും എന്നാണ് റിപ്പോർട്ടുകൾ പറയുന്നത്. അതുപോലെ മലയാളത്തിലെ ഒരു യുവ നടനും മമ്മൂട്ടിയുടെ ഒപ്പം പ്രധാന വേഷം കൈകാര്യം ചെയ്യാൻ ഉണ്ടാവുമെന്നും കേൾക്കുന്നുണ്ട്. ചിത്രത്തിന്റെ ഷൂട്ടിംഗ് ഈ വർഷം തന്നെ ആരംഭിക്കുമെന്ന് സൂചനയുണ്ട് .സൗബിൻ ചിത്രത്തെ കുറിച്ചു മമ്മൂട്ടി വൈകാതെ ഔദ്യോഗികമായി സ്ഥിതികരണം നൽകും എന്നാണ് അറിയാൻ സാധിച്ചത്.

മമ്മൂട്ടിയുടെ ജൂൺ പകുതിയോടെ റീലീസിനായി ഒരുങ്ങുന്ന ചിത്രമാണ് ആരാധകർ ഏറെ ആകാംഷയോടെ കാത്തിരിക്കുന്ന അബ്രഹാമിന്റെ സന്തതികൾ .അതിന് ശേഷം കുട്ടനാടൻ ബ്ലോഗും അണിയറയിൽ ഒരുങ്ങുന്നുണ്ട്.