മേക്കിങ്ങിൽ പൃഥ്വിരാജ് മലയാളത്തിന്റെ ഷങ്കറോ; സോഷ്യൽ മീഡിയയിൽ ചർച്ചകൾ ചൂട് പിടിക്കുന്നു…!

ചെറിയ ചിത്രങ്ങളും റിയലിസ്റ്റിക് ആയ ചിത്രങ്ങളും കാണാനും അതിൽ അഭിനയിക്കാനും തനിക്കു ഇഷ്ടമാണെങ്കിലും ഒരു സംവിധായകൻ എന്ന നിലയിൽ വലിയ ക്യാൻവാസിൽ ഉള്ള തിയേറ്റർ എക്സ്പീരിയൻസ് പ്രേക്ഷകന് നല്കാൻ ആണ് തനിക്കു കൂടുതൽ താല്പര്യം എന്ന് പൃഥ്വിരാജ് ഈ അടുത്തിടെ ഒരു അഭിമുഖത്തിൽ പറഞ്ഞിരുന്നു. ഇപ്പോഴിതാ സോഷ്യൽ മീഡിയയിൽ ചൂട് പിടിക്കുന്ന ഒരു ചർച്ച മേക്കിങ്ങിൽ മലയാള സിനിമയുടെ ഷങ്കർ ആയി മാറുമോ പൃഥ്വിരാജ് എന്നതാണ്. ലൂസിഫർ എന്ന പൃഥ്വിരാജ് ഒരുക്കിയ മോഹൻലാൽ ചിത്രത്തിന്റെ ട്രൈലെർ ആണ് ഈ ചർച്ചകൾക്ക് ആധാരം. ഗംഭീര ഹിറ്റ് ആയി മാറിയ ഈ ട്രെയിലറിലെ ഷോട്സ് അത്ര ബ്രില്യന്റ് ആണെന്നാണ് ഏവരും ഒരേ സ്വരത്തിൽ അഭിപ്രായപ്പെടുന്നത്.

വളരെ വലിയ ക്യാൻവാസിലും മാസ്സ് അപ്പീലിലും ആണ് ഈ ചിത്രം ഒരുക്കിയിരിക്കുന്നത് എന്ന് ട്രൈലെർ നമ്മുക്ക് മനസ്സിലാക്കി തരുന്നു. ഒട്ടേറെ ലൊക്കേഷനുകളിൽ ഷൂട്ട് ചെയ്ത ഈ ചിത്രം അതിന്റെ സാങ്കേതിക പൂർണ്ണതയും ട്രൈലെർ വിഷ്വൽസിലൂടെ കാണിച്ചു തരുന്നുണ്ട്. ഏതായാലും ഈ വരുന്ന മാർച്ച് 28 നു ലൂസിഫർ മലയാളത്തിലെ എക്കാലത്തെയും ഏറ്റവും വലിയ റിലീസ് ആയി എത്തുകയാണ്. ആ ദിവസം പ്രേക്ഷകർ പൃഥ്വിരാജ് എന്ന സംവിധായകന് മാർക്കിടും എന്നുറപ്പാണ്. പൃഥ്വിരാജ് എന്ന സംവിധായകന്റെ ബ്രില്യൻസിനെ പറ്റി താര ചക്രവർത്തി മോഹൻലാൽ അടക്കം പറഞ്ഞു കഴിഞ്ഞു എങ്കിലും ലൂസിഫർ എന്ന ചിത്രത്തിന്റെ പ്രകടനം ആണ് ഏവരും കാത്തിരിക്കുന്നത്. മുരളി ഗോപി രചിച്ച ഈ മാസ്സ് ചിത്രം നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്.