കംപ്ലീറ്റ് ആക്ടർ മോഹൻലാലിനെ നായകനാക്കി ബി ഉണ്ണികൃഷ്ണൻ ഒരുക്കാൻ പോകുന്ന പുതിയ ചിത്രത്തിലൂടെ പ്രശസ്ത തെന്നിന്ത്യൻ നായിക ശ്രദ്ധ ശ്രീനാഥ് വീണ്ടും മലയാളത്തിൽ എത്തുകയാണ്. കുറച്ചു വർഷങ്ങൾക്കു മുൻപ് ആസിഫ് അലി നായകനായ കോഹിനൂർ എന്ന ചിത്രത്തിലൂടെ മലയാളത്തിൽ എത്തിയ ഈ നടി അതിനു ശേഷം കന്നഡ, തമിഴ് ചിത്രങ്ങളിലൂടെ തെന്നിന്ത്യയിൽ വലിയ ശ്രദ്ധയാണ് നേടിയെടുത്തത്. വിക്രം വേദ എന്ന ചിത്രത്തിലെ പ്രകടനം ഈ നടിക്ക് ഇന്ത്യ മുഴുവനും വലിയ ശ്രദ്ധ നേടിക്കൊടുത്തിരുന്നു. അഭിനയ മികവും സൗന്ദര്യവും കൊണ്ട് ഇന്ന് തെന്നിന്ത്യൻ സിനിമാ പ്രേമികളുടെ പ്രീയപ്പെട്ട അഭിനേത്രിയാണ് ശ്രദ്ധ ശ്രീനാഥ്. മാടമ്പി, ഗ്രാൻഡ് മാസ്റ്റർ, മിസ്റ്റർ ഫ്രോഡ്, വില്ലൻ എന്നീ ചിത്രങ്ങൾക്ക് ശേഷം ബി ഉണ്ണികൃഷ്ണൻ- മോഹൻലാൽ കൂട്ടുകെട്ടിൽ ഒരുങ്ങാൻ പോകുന്ന ഈ അഞ്ചാമത്തെ ചിത്രത്തിന് തിരക്കഥ ഒരുക്കുന്നത് ഉദയ കൃഷ്ണയാണ്. രാഹുൽ രാജ് സംഗീത സംവിധാനം നിർവഹിക്കുന്ന ഈ ചിത്രം എഡിറ്റ് ചെയ്യാൻ പോകുന്നത് ഷമീർ മുഹമ്മദും ഇതിനു ക്യാമറ ചലിപ്പിക്കുക ജോമോൻ ടി ജോണും ആണെന്നാണ് സൂചന.
ഒഫീഷ്യലായി പ്രഖ്യാപിച്ചിട്ടില്ല എങ്കിലും ആറാട്ടു എന്നാണ് ഈ ചിത്രത്തിന്റെ പേരെന്നും സൂചനയുണ്ട്. ഒരു റെവെന്യു ഡിവിഷണൽ ഓഫീസർ ആയാണ് ശ്രദ്ധ ഈ ചിത്രത്തിൽ അഭിനയിക്കുക. ഒരു പക്കാ മാസ്സ് എന്റെർറ്റൈനെർ ആയി ഒരുക്കാൻ പോകുന്ന ഈ ചിത്രത്തിന്റെ ബജറ്റ് പതിനെട്ടു കോടി രൂപ ആണെന്നും ഒരു ഗ്രാമത്തിന്റെ പശ്ചാത്തലത്തിലാണ് ഈ ചിത്രം ഒരുങ്ങുന്നത് എന്നും ബി ഉണ്ണികൃഷ്ണൻ പറയുന്നു. എല്ലാവിധ കോവിഡ് പ്രോട്ടോക്കോളും പാലിച്ചു കൊണ്ട് നവംബർ അവസാനത്തോടെ ഈ ചിത്രം ആരംഭിക്കാനാണ് പ്ലാൻ ചെയ്തിരിക്കുന്നത്. മോഹൻലാലിനൊപ്പം ഒരു വലിയ താരനിര തന്നെ ഈ ചിത്രത്തിൽ അണിനിരക്കും. മോഹൻലാലിനെ പോലെ ഒരു ഇതിഹാസത്തിനൊപ്പം സ്ക്രീൻ പങ്കിടാൻ സാധിക്കുക എന്നത് തന്നെ ജീവിതത്തിലെ ഏറ്റവും വലിയ ഭാഗ്യം ആണെന്നും മോഹൻലാൽ സർ ഉള്ളത് കൊണ്ട് കൂടിയാണ് ഭാഷ ഒരു പ്രശ്നമായിരുന്നിട്ടു കൂടി മലയാള ചിത്രം ചെയ്യാൻ തീരുമാനിച്ചത് എന്നും ശ്രദ്ധ ശ്രീനാഥ് പറയുന്നു. ഉണ്ണികൃഷ്ണൻ പറഞ്ഞ കഥ ഗംഭീരമാണെന്നും അവർ കൂട്ടിച്ചേർത്തു.
പ്രശസ്ത മലയാള നടി കവിയൂര് പൊന്നമ്മ ആശുപത്രിയിൽ. അതീവ ഗുരുതരാവസ്ഥയില് ആണ് നടി ആശുപത്രിയിൽ തുടരുന്നതെന്നാണ് വാർത്തകൾ വരുന്നത്. വാര്ധക്യ…
പ്രശസ്ത ഓസ്ട്രേലിയൻ ക്രിക്കറ്റ് താരം ഡേവിഡ് വാർണർ ഇന്ത്യക്കാർക്കും ഏറെ പ്രിയങ്കരനാണ്. തന്റെ സോഷ്യൽ മീഡിയ പേജിലൂടെ ഇന്ത്യൻ ഗാനങ്ങൾക്കും…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. അമൽ നീരദ്…
മലയാള സിനിമ കണ്ട എക്കാലത്തേയും ഏറ്റവും മികച്ച അഭിനേത്രി എന്ന് കരുതപ്പെടുന്ന നടിയാണ് ഉർവശി. മോഹൻലാൽ, മമ്മൂട്ടി എന്നിവർക്ക് ശേഷം…
ദിൻജിത് അയ്യത്താൻ സംവിധാനം ചെയ്ത ആസിഫ് അലി ചിത്രമായ കിഷ്കിന്ധാ കാണ്ഡം ബോക്സ് ഓഫീസിലെ മിന്നും പ്രകടനം തുടരുകയാണ്. ജിസ്…
ടോവിനോ തോമസിന്റെ കരിയറിലെ ഏറ്റവും മികച്ച ബോക്സ് ഓഫീസ് ഹിറ്റും ഏറ്റവും മികച്ച പെർഫോമൻസുമായി അജയന്റെ രണ്ടാം മോഷണം മുന്നേറുകയാണ്.…
This website uses cookies.