സൗത്ത് ഇന്ത്യൻ സിനിമ ലോകം ഏറെ പ്രതീക്ഷയോടെ കാത്തിരിക്കുന്ന കെ.വി ആനന്ദ് ചിത്രമാണ് ‘സൂര്യ37’. സൂര്യ, മോഹൻലാൽ, അല്ലു സിരിഷ് തുടങ്ങിയവർ ആദ്യമായി ഒന്നിക്കുന്ന ചിത്രം കൂടിയാണിത്. ‘വനമകൻ’, ‘കടയ് കുട്ടി സിങ്കം’ എന്നീ സിനിമകളിലെ നായികയായ സയേഷയാണ് കെ.വി ആനന്ദ് ചിത്രത്തിലെ നായികയായിയെത്തുന്നത്. അയൺ, മാട്രൻ എന്നീ ചിത്രങ്ങൾക്ക് ശേഷം സൂര്യ- കെ.വി ആനന്ദ് വീണ്ടും ഒന്നിക്കുമ്പോൾ തമിഴ് സിനിമ പ്രേമികളും ഏറെ ആവേശത്തിലാണ്. മോഹൻലാൽ ചിത്രം ‘തേന്മാവിൻ കൊമ്പത്ത്’ എന്ന ചിത്രത്തിൽ ഛായാഗ്രാഹകനായിരുന്നു കെ.വി ആനന്ദ്, എന്നാൽ വർഷങ്ങൾക്ക് ശേഷം വീണ്ടും ആ കൂട്ടുകെട്ട് ഒന്നിക്കുമ്പോൾ ഈ പ്രാവശ്യം മോഹൻലാൽ സിനിമയുടെ സംവിധായകനായാണ് അദ്ദേഹം വരുന്നത്. 2.0 എന്ന ബ്രഹ്മാണ്ഡ ചിത്രത്തിന് ശേഷം ലൈക്കാ പ്രൊഡക്ഷൻസ് നിർമ്മിക്കുന്ന ചിത്രം കൂടിയാണിത്.
കെ.വി ആനന്ദ് ചിത്രം ഇന്നലെ ലണ്ടനിൽ ഷൂട്ടിംഗ് ആരംഭിച്ചു. പൂജ ഉച്ചയോടെ പൂർത്തിയാക്കുകയും ആദ്യ ഷെഡ്യുൾ ലണ്ടനിൽ ആരംഭിക്കുകയും ചെയ്തു. മോഹൻലാൽ ജൂൺ 30ന് ടീമിൽ ജോയിൻ ചെയ്യും. മോഹൻലാൽ വില്ലൻ വേഷത്തിലായിരിക്കും പ്രത്യക്ഷപ്പെടുക എന്ന വാർത്തകൾ പരന്നിരുന്നു, എന്നാൽ ഇപ്പോൾ ലഭിക്കുന്ന വിവരങ്ങൾ അനുസരിച്ചു സൂര്യ- മോഹൻലാൽ എന്നിവരുടെ ബന്ധങ്ങളുടെ അടിസ്ഥാനമാക്കിയാണ് കഥ മുന്നോട്ട് പോകുന്നതെന്ന് മോഹൻലാൽ അടുത്തിടെ ഒരു ഇന്റർവ്യൂയിൽ പറയുകയുണ്ടായി. സൂര്യ- സയേഷ കോംബിനേഷൻ രംഗങ്ങളാണ് ഇപ്പോൾ ചിത്രീകരിക്കുന്നത്. സൂര്യ 4 ലുക്കിൽ ചിത്രത്തിൽ പ്രത്യക്ഷപ്പെടും എന്നാണ് റിപ്പോർട്ടുകൾ സൂചിപ്പിക്കുന്നത്. 20 രാജ്യങ്ങളിൽ സിനിമയുടെ ചിത്രീകരണം നടക്കും എന്നാണ് അറിയാൻ സാധിച്ചത്. ബോളിവുഡിൽ നിന്ന് ബൊമൻ ഹിറാണി ആദ്യമായി അഭിനയിക്കുന്ന തമിഴ് ചിത്രം കൂടിയാണ് ‘സൂര്യ37’. സമുത്രകനിയും ചിത്രത്തിൽ പ്രധാന വേഷത്തിലെത്തുന്നുണ്ട്. കെ. വി ആനന്ദ് ചിത്രത്തിന് വേണ്ടി സംഗീതം ഒരുക്കുന്നത് ഹാരിസ് ജയരാജാണ്. സൂര്യയുടെ കരിയറിലെ തന്നെ ഏറ്റവും വലിയ ബഡ്ജറ്റിലായിരിക്കും ചിത്രം ഒരുങ്ങുക. ലൈക്കാ പ്രൊഡഷന്റെ ബാനറിൽ അടുത്ത വർഷം പൊങ്കലിന് ചിത്രം പ്രദർശനത്തിനെത്തും.
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
This website uses cookies.