മമ്മൂട്ടിയും ദുൽഖറും ഒന്നിക്കുന്ന ചിത്രം എന്റെ സ്വപ്നം എന്ന് നിർമ്മാതാവ്….!!

മലയാളത്തിൽ ഒരുപിടി മികച്ച സിനിമകൾ നിർമ്മിച്ച ആളാണ് ഷെബിൻ ബക്കർ. ഈ അടുത്തിടെ റിലീസ് ചെയ്തു സൂപ്പർ ഹിറ്റായി മാറിയ തണ്ണീർ മത്തൻ ദിനങ്ങൾ എന്ന ചിത്രമുൾപ്പെടെ ആറു ചിത്രങ്ങൾ ഷെബിൻ ബക്കർ നിർമ്മിച്ചു കഴിഞ്ഞു. മുല്ല എന്ന ലാൽ ജോസ്- ദിലീപ് ചിത്രം നിർമ്മിച്ചു മലയാളത്തിൽ എത്തിയ ഈ നിർമ്മാതാവ് പിന്നീട് പുള്ളിപ്പുലിയും ആട്ടിൻകുട്ടിയും എന്ന ലാൽ ജോസ്- കുഞ്ചാക്കോ ബോബൻ ചിത്രം, ചാർളി എന്ന ദുൽഖർ ചിത്രം, ടേക്ക് ഓഫ്, തട്ടിൻപുറത്തു അച്യുതൻ, ഇപ്പോൾ തണ്ണീർ മത്തൻ ദിനങ്ങൾ എന്നിവയുടെ നിർമ്മാതാവായി. എന്നാൽ ഈ നിർമ്മാതാവിന്റെ ഒരു സ്വപ്ന ചിത്രം എന്ന് പറയുന്നത് മമ്മൂട്ടിയും മകൻ ദുൽഖർ സൽമാനും ഒന്നിക്കുന്ന ഒരു ചിത്രമാണ്.

മെഗാ സ്റ്റാർ മമ്മൂട്ടിയേയും യുവ നിരയിലെ താരമായ ദുൽഖറിനേയും ഒന്നിപ്പിക്കാൻ ഇതിനു മുൻപും പലരും ശ്രമിച്ചിട്ടുണ്ട് എങ്കിലും മികച്ച തിരക്കഥയുടെ അഭാവത്തിൽ ആ ശ്രമങ്ങൾ നടക്കാതെ പോവുകയായിരുന്നു. ഈ അച്ഛനും മകനും ഒന്നിക്കുമ്പോൾ ഉള്ള പ്രേക്ഷക പ്രതീക്ഷകളെ സാധൂകരിക്കുന്ന ഒരു ചിത്രമാവണം അവർക്കു മുന്നിൽ എത്തിക്കേണ്ടത് എന്നതാണ് അത്തരം ഒരു ചിത്രമൊരുക്കാൻ മുന്നോട്ടു വരുന്ന സംവിധായകനും എഴുത്തുകാരനും നിർമ്മാതാവും നേരിടുന്ന ഏറ്റവും വലിയ വെല്ലുവിളി. ആ വെല്ലുവിളി ഏറ്റെടുക്കാൻ ഷെബിൻ ബക്കറിന് കഴിയും എന്ന് തന്നെയാണ് മമ്മൂട്ടി- ദുൽഖർ ആരാധകരും സിനിമാ പ്രേമികളും പ്രതീക്ഷിക്കുന്നത്. മെഗാ സ്റ്റാറിനെയും സ്റ്റൈലിഷ് സ്റ്റാർ ദുൽഖറിനെയും ഒരുമിച്ചു സ്‌ക്രീനിൽ കാണാൻ സാധിക്കുമെന്നും അതിനു ഷെബിൻ ബക്കർ ഒരു കാരണമായി മാറും എന്നും നമ്മുക്ക് പ്രതീക്ഷിക്കാം.