ആദ്യമായി കാക്കിയണിഞ്ഞു മാസ് ലുക്കിൽ ഷെയ്ൻ നിഗം; വീഡിയോ കാണാം

മലയാളത്തിന്റെ യുവ താരമായ ഷെയ്ൻ നിഗം തന്റെ കരിയറിൽ ആദ്യമായി ഒരു പോലീസ് കഥാപാത്രം ചെയ്യുകയാണിപ്പോൾ. ഷെയ്‍ന്‍ നിഗം ആദ്യമായി പൊലീസ് വേഷത്തില്‍ അഭിനയിക്കുന്ന ‘വേല’ എന്ന ചിത്രത്തിന്റെ ഷൂട്ടിങ് ഇപ്പോൾ നടന്നു കൊണ്ടിരിക്കുകയാണ്. നവാഗതനായ സഹാസ് സംവിധാനം ചെയ്യുന്ന ഈ ചിത്രത്തിലെ ഷെയ്ൻ നിഗമിന്റെ ചിത്രങ്ങൾ സോഷ്യൽ മീഡിയയിൽ വൈറലാണ്. കാക്കി വേഷത്തിൽ എത്തുന്ന ഷെയ്ൻ നിഗമിന്റെ ഒരു വീഡിയോ ആണ് ആരാധകർ ഏറ്റെടുത്തിരിക്കുന്നത്. ഷെയ്ൻ നിഗം അഭിനയിച്ചു ഇനി റിലീസ് ചെയ്യാനുള്ളത് ടി കെ രാജീവ് കുമാർ ഒരുക്കിയ ബർമുഡ എന്ന ചിത്രമാണ്. അതിന്റെ ടീസർ വലിയ പ്രേക്ഷക ശ്രദ്ധ നേടിയെടുത്തിരുന്നു.

ഓ​ഗസ്റ്റ് 19 നു റിലീസ് ചെയ്യാൻ പോകുന്ന ഈ ചിത്രത്തിൽ കശ്‍മീരി നടി ഷെയ്‍ലീ കൃഷന്‍ ആണ് നായികയായി അഭിനയിച്ചിരിക്കുന്നത്. ഈ ചിത്രത്തിനായി മലയാളത്തിന്റെ മഹാനടൻ മോഹൻലാല്‍ ഒരു ഗാനം പാടിയിട്ടുണ്ടെന്ന പ്രത്യേകതയുമുണ്ട്. നവാഗതനായ കൃഷ്‍ണദാസ് പങ്കി രചന നിര്‍വ്വഹിച്ചിരിക്കുന്ന ചിത്രത്തില്‍ ഇന്ദുഗോപന്‍ എന്നാണ് ഷെയ്ൻ നിഗമവതരിപ്പിക്കുന്ന കഥാപാത്രത്തിന്റെ പേര്. വിനയ് ഫോർട്ടും പ്രധാന വേഷം ചെയ്യുന്ന, കോമഡി ഡ്രാമ വിഭാഗത്തില്‍ പെടുന്ന ഈ ചിത്രത്തിൽ ഹരീഷ് കണാരന്‍, സൈജു കുറുപ്പ്, സുധീര്‍ കരമന, മണിയന്‍പിള്ള രാജു, ഇന്ദ്രന്‍സ്, സാജന്‍ സുദര്‍ശന്‍, ദിനേശ് പണിക്കര്‍, കോട്ടയം നസീര്‍, ശ്രീകാന്ത് മുരളി, നന്ദു, നിരഞ്ജന അനൂപ്, ഗൗരി നന്ദ, നൂറിന്‍ ഷെറീഫ്, ഷൈനി സാറ എന്നിവരും അഭിനയിക്കുന്നു. ഏതായാലും വേല എന്ന ചിത്രത്തിലൂടെ ആദ്യമായി പോലീസ് വേഷം ചെയ്യുന്നതിന്റെ ത്രില്ലിലാണ് ഷെയ്ൻ നിഗം.