ഷെയ്ൻ നിഗം ചിത്രം ഹാൽ ഫസ്റ്റ് ലുക്ക് പോസ്റ്റർ പുറത്ത്

യുവതാരം ഷെയ്ൻ നിഗത്തെ നായകനാക്കി വീര സംവിധാനം ചെയ്യുന്ന ഹാൽ എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്ത്. ഷെയ്ൻ നിഗവും നായികാ വേഷം ചെയ്യുന്ന
വൈദ്യാ സാക്ഷിയുമാണ് ഫസ്റ്റ് ലുക്ക് പോസ്റ്ററിൽ ഉള്ളത്. ജെ.വി. ജെ. പ്രൊഡക്ഷൻസ് നിർമ്മിക്കുന്ന ഈ ചിത്രം ശക്തമായ ഒരു പ്രണയ കഥയാണ് പ്രേക്ഷകരുടെ മുന്നിൽ അവതരിപ്പിക്കുക.

വലിയ മുതൽമുടക്കിലാണ് ഈ ചിത്രം പൂർത്തിയായിരിക്കുന്നത് എന്നാണ് സൂചന. വ്യത്യസ്ഥമായ ഒരു പ്രണയ കഥ പറയുന്ന ചിത്രത്തിൽ ജോണി ആൻ്റണി സുരേഷ് കൃഷ്ണ, ജോയ്മത്യൂ, മധുപാൽ, കെ.യു .മനോജ്, നിഷാന്ത് സാഗർ, നിയാസ് ബക്കർ ദിനേശ് പണിക്കർ, അബിൻ വിനോ, റിയാസ് നെടുമങ്ങാട്, വിനീത് വീപ് കുമാർ, മഞ്ജുഷ കോലോത്ത്, ശ്രീധന്യ എന്നിവരും നിർണായക വേഷങ്ങൾ ചെയ്തിരിക്കുന്നു.

നിഷാദ് കോയ തിരക്കഥ രചിച്ച ഈ ചിത്രത്തിൻ്റെ സംഗീതം -വി. നന്ദഗോപാൽ, ഛായാഗ്രഹണം -രവിചന്ദ്രൻ, എഡിറ്റർ – ആകാശ് ജോസെഫ് വർഗീസ്, കലാസംവിധാനം – പ്രശാന്ത് മാധവ്. കോഴിക്കോട്, മൈസൂർ, ഹൈദ്രാബാദ്, ജയ്പ്പൂർ എന്നിവിടങ്ങളിലായി നൂറു ദിവസം കൊണ്ട് ചിത്രീകരണം പൂർത്തിയാക്കിയ ചിത്രം ജനുവരി മധ്യത്തിൽ പ്രേക്ഷകരുടെ മുന്നിലെത്തുമെന്നാണ് സൂചന.