ആരാണ് പാർവതി?; സോഷ്യൽ മീഡിയയിൽ വൈറലായി ഷമ്മി തിലകന്റെ വാക്കുകൾ..!

മലയാളത്തിലെ ഇന്നത്തെ ഏറ്റവും മികച്ച നടിമാരിൽ ഒരാളാണ് പാർവതി തിരുവോത്. നടി എന്ന നിലയിൽ മാത്രമല്ല, സാമൂഹിക വിഷയങ്ങളിലും മറ്റും വളരെ ശ്കതമായ പ്രതികരണങ്ങൾ നടത്താറുള്ള പാർവതി, മലയാളത്തിലെ താര സംഘടനയായ അമ്മയുമായി നടത്തിയ വാക് പോരാട്ടങ്ങൾ കൊണ്ടും ശ്രദ്ധ നേടിയിട്ടുണ്ട്. മലയാള സിനിമയിലെ വനിതാ പ്രവർത്തകരുടെ സംഘടനയായ വിമൺ ഇൻ സിനിമ കളക്ടീവ്ന്റെ പ്രധാന അംഗം കൂടിയാണ് പാർവതി. മലയാളത്തിന് പിറമെ തമിഴ്, ഹിന്ദി ഭാഷകളിലും അഭിനയിച്ചിട്ടുള്ള പാർവതി നായികാ പ്രാധാന്യമുള്ള ചിത്രങ്ങളിലാണ് ഏറെ പ്രത്യക്ഷപ്പെടുന്നത്. ഏതായാലും മലയാള സിനിമയിൽ നടക്കുന്ന എല്ലാ വിഷയങ്ങളിലും വ്യക്തവും ശ്കതവുമായ നിലപാട് എടുക്കാറുള്ള പാർവതിയെ കുറിച്ച് പ്രശസ്ത നടനും ഡബ്ബിങ് ആർട്ടിസ്റ്റും അതുപോലെ അന്തരിച്ചു പോയ മഹാനടൻ തിലകന്റെ മകനുമായ ഷമ്മി തിലകൻ ഫേസ്ബുക്കിൽ കുറിച്ച വാക്കുകൾ ഏറെ ശ്രദ്ധ നേടുകയാണ്.

തന്റെ ഫേസ്ബുക് പേജിൽ ഷമ്മി തിലകൻ കുറിച്ച വാക്കുകൾ ഇങ്ങനെ, ചോദ്യം : # ആരാണ്_ പാർവ്വതി ? ഉത്തരം: – അപ്പപ്പൊ കാണുന്നവനെ അപ്പാ എന്ന് വിളിക്കാത്തവൾ !. ഇതിനോടൊപ്പം പാർവതിയുടെ ഒരു ചിത്രവും ഷമ്മി തിലകൻ പങ്കു വെച്ചിട്ടുണ്ട്. വലിയ പ്രതികരണമാണ് ഇപ്പോൾ ഈ പോസ്റ്റിനു സോഷ്യൽ മീഡിയയിൽ നിന്നും ലഭിക്കുന്നത്. തന്റെ അച്ഛൻ തിലകന് എതിരെ നടന്ന നീതികേടിനു എതിരേയും അതുപോലെ മറ്റു പല വിവാദ വിഷയങ്ങളിലും ശ്കതമായ നിലപാട് തുറന്നു പറഞ്ഞു കൊണ്ട് ഉറച്ചു നിന്ന നടനാണ് ഷമ്മി തിലകൻ. ഒട്ടേറെ ചിത്രങ്ങളിൽ വില്ലനും സഹനടനും നായകനും ഹാസ്യ താരവും ആയി അഭിനയിച്ചിട്ടുള്ള ഷമ്മി തിലകൻ രണ്ടു തവണ മികച്ച ഡബ്ബിങ് ആര്ടിസ്റ്റിനുള്ള സംസ്ഥാന പുരസ്‍കാരവും നേടിയിട്ടുണ്ട്.