മലയാളത്തിലെ സൂപ്പർ ഹിറ്റ് സംവിധായകൻ ഷാജി കൈലാസിന്റെ വമ്പൻ തിരിച്ചു വരവ് കണ്ട വർഷമാണ് 2022 . പൃഥ്വിരാജ് നായകനായ കടുവ എന്ന സൂപ്പർ ഹിറ്റ് ചിത്രത്തിലൂടെ തിരിച്ചു വരവ് നടത്തിയ ഷാജി കൈലാസ്, അതിനു ശേഷം പൃഥ്വിരാജ്- ആസിഫ് അലി ടീമിനെ വെച്ച് കാപ്പ എന്ന ഹിറ്റും സമ്മാനിച്ചു. ഈ പുതിയ വർഷത്തിൽ ആദ്യം എത്തുന്ന ഷാജി കൈലാസ് ചിത്രം മോഹൻലാൽ നായകനായ എലോൺ എന്ന പരീക്ഷണ ചിത്രമാണ്. ഇത് കൂടാതെ ഹണ്ട് എന്ന ക്രൈം ത്രില്ലർ ചിത്രവും അദ്ദേഹം ഒരുക്കുന്നുണ്ട്, ഭാവനയാണ് ഈ ചിത്രത്തിലെ നായികാ വേഷം ചെയ്യുന്നത്. ഇപ്പോഴിതാ രണ്ട് വമ്പൻ ചിത്രങ്ങളുമായി പുതിയ വർഷത്തിലും കളം നിറയാനുള്ള ഒരുക്കത്തിലാണ് ഷാജി കൈലാസ്. അതിലൊന്ന് സുരേഷ് ഗോപി നായകനായ ചിന്താമണി കൊലക്കേസിന്റെ രണ്ടാം ഭാഗമാണ്. എ കെ സാജൻ തിരക്കഥ രചിക്കുന്ന ഈ ചിത്രത്തിലൂടെ അഡ്വക്കേറ്റ് ലാൽ കൃഷ്ണ വിരാഡിയാർ എന്ന മാസ്സ് വക്കീൽ കഥാപാത്രം വീണ്ടുമെത്തും.
ഇത് കൂടാതെ അദ്ദേഹം പ്ലാൻ ചെയ്യുന്നത് കംപ്ലീറ്റ് ആക്ടർ മോഹൻലാൽ നായകനായി എത്തുന്ന ഒരു ബിഗ് ബഡ്ജറ്റ് മാസ്സ് ചിത്രമാണ്. ഈ ചിത്രത്തിന്റെ തിരക്കഥ രചന പുരോഗമിക്കുകയാണ് എന്നും ഈ ചിത്രം നിർമ്മിക്കാൻ പോകുന്നത് ആശീർവാദ് സിനിമാസ് ആണെന്നും അദ്ദേഹം അറിയിച്ചു. ആറാം തമ്പുരാൻ, നരസിംഹം മുതലായ ഇൻഡസ്ട്രി ഹിറ്റുകൾ നമ്മുക്ക് സമ്മാനിച്ച കൂട്ടുകെട്ടാണ് മോഹൻലാൽ- ഷാജി കൈലാസ് ടീം. കടുവ രചിച്ച ജിനു എബ്രഹാം ആയിരിക്കും ഇവരുടെ പുതിയ ചിത്രവും രചിക്കുന്നതെന്ന് സൂചനയുണ്ട്. പൃഥ്വിരാജ് നായകനായ രണ്ട് ചിത്രങ്ങൾ തുടർച്ചയായി ചെയ്തത് കൊണ്ട് ഇനി ഒരു പൃഥ്വിരാജ് ചിത്രം ഒരു വർഷം കഴിഞ്ഞു മാത്രമേ പ്ലാൻ ചെയ്യുന്നുള്ളു എന്നും അദ്ദേഹം പറയുന്നു. മമ്മൂട്ടി നായകനായ ഒരു ചിത്രവും പ്ലാനിലുണ്ടെന്നും വ്യത്യസ്തമായ ഒരു കഥ ലഭിച്ചാൽ അതും ചെയ്യുമെന്നും ഷാജി കൈലാസ് വെളിപ്പെടുത്തി.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.