ഇന്നാണ് ഷാരൂഖ് ഖാൻ ആരാധകരും ബോളിവുഡ് സിനിമ പ്രേമികളും ആവേശത്തോടെ കാത്തിരുന്ന പത്താൻ എന്ന ചിത്രം ആഗോള റിലീസായി എത്തിയത്. ലോകമെമ്പാടും 7700 ഓളം സ്ക്രീനുകളിൽ റിലീസ് ചെയ്ത ഈ ചിത്രം ഇന്ത്യയിൽ മാത്രം ഹിന്ദി, തമിഴ്, തെലുങ്ക് ഭാഷകളിലായി അയ്യായിരത്തോളം സ്ക്രീനുകളിൽ എത്തി. ആദ്യ ഷോ കഴിയുമ്പോൾ അതിഗംഭീര റിപ്പോർട്ടുകളാണ് പത്താൻ നേടിയെടുക്കുന്നത്. അതിനോടൊപ്പം ആരാധകർക്ക് മൂന്നിരട്ടി ആഘോഷമാണ് ഈ ചിത്രം നൽകുന്നതെന്ന് പറയാം. അതിൽ ആദ്യത്തേത് ഈ ചിത്രത്തിന്റെ മികവ് തന്നെയാണ്. ഷാരൂഖ് ഖാന്റെ കരിയറിലെ തന്നെ ഏറ്റവും മികച്ച ആക്ഷൻ ചിത്രമായാണ് പത്താൻ വന്നിരിക്കുന്നത്. ഇതിലെ കിടിലൻ ആക്ഷനും സ്റ്റൈലും കൊണ്ട് ഷാരൂഖ് ഖാൻ വമ്പൻ തിരിച്ചു വരവാണ് നടത്തിയിരിക്കുന്നത്. രണ്ടാമത്തേത് ഇതിനൊപ്പം റിലീസ് ചെയ്ത മറ്റൊരു വമ്പൻ ചിത്രത്തിന്റെ ടീസറാണ്.
സൽമാൻ ഖാൻ നായകനായ, കിസി കി ഭായ് കിസി കി ജാൻ എന്ന ചിത്രത്തിന്റെ ടീസറാണ് ആരാധകരെ ആവേശം കൊള്ളിച്ചു കൊണ്ട് പത്താനൊപ്പം തീയേറ്ററുകളിൽ പ്രദർശിപ്പിച്ചിരിക്കുന്നത്. മൂന്നാമത്തെ കാര്യം, പത്താനിലെ സൽമാൻ ഖാന്റെ അതിഥി വേഷമാണ്. ടൈഗർ എന്ന തന്റെ സൂപ്പർ ഹിറ്റ് സ്പൈ കഥാപാത്രമായാണ് സൽമാൻ ഖാൻ ഇതിൽ അഭിനയിച്ചിരിക്കുന്നത്. ഷാരൂഖ് ഖാൻ, സൽമാൻ ഖാൻ എന്നിവരെ ഒരുമിച്ചു സ്ക്രീനിൽ കാണാൻ കഴിഞ്ഞതിന്റെ ആവേശത്തിലാണ് ആരാധകർ. ഏതായാലും സിദ്ധാർഥ് ആനന്ദ് ഒരുക്കിയ ഈ സ്പൈ ത്രില്ലർ ചിത്രം ബ്ലോക്ക്ബസ്റ്റർ റിപ്പോർട്ടാണ് നേടുന്നത്. യാഷ് രാജ് ഫിലിംസിന്റെ അൻപതാം ചിത്രമായ പത്താനിൽ, ദീപിക പദുക്കോൺ നായികാ വേഷം ചെയ്തപ്പോൾ, ബോളിവുഡ് സൂപ്പർ താരമായ ജോൺ എബ്രഹാമാണ് വില്ലനായി എത്തിയിരിക്കുന്നത്. ഇതിലൂടെ ബോളിവുഡിലെ സ്പൈ യൂണിവേഴ്സിനും തുടക്കം കുറിച്ച് കഴിഞ്ഞു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.