വിജയ ചരിത്രം അവർത്തിക്കാൻ ഷാഫി- റാഫി ടീമിന്റെ ചിൽഡ്രൻസ് പാർക്ക്

മലയാള സിനിമയിൽ തന്നെ ഏറ്റവും മികച്ച സംവിധായകൻ-തിരക്കഥകൃത്ത് കൂട്ടുകെട്ടാണ് ഷാഫി-റാഫി എന്നിവരുടേത്. പഴയ കാല സിനിമകൾ പരിശോധിക്കുമ്പോൾ പ്രേക്ഷകരെ ഏറ്റവും കൂടുതൽ ചിരിച്ച ചിത്രങ്ങളിൽ മുൻപന്തിയിൽ തന്നെയുണ്ടാവും ഈ കൂട്ടുകെട്ട്. വൻ മാൻ ഷോ എന്ന ജയറാം ചിത്രത്തിന് വേണ്ടിയാണ് ഇരുവരും ആദ്യമായി ഒന്നിക്കുന്നത്. മായാവി, 2 കൺട്രീസ്, ഷെർലക് ടോംസ് എന്നീ ചിത്രങ്ങൾക്ക് ശേഷം ഈ കൂട്ടകേട്ട് വീണ്ടും ചിൽഡ്രൻസ് പാർക്ക് എന്ന ചിത്രത്തിലൂടെ ഒന്നിക്കുകയാണ്.

ഹാസ്യത്തിന് പ്രാധാന്യം നൽകികൊണ്ട് ഒരു മുഴുനീള എന്റർട്ടയിനർ എന്ന രൂപത്തിലാണ് ചിൽഡ്രൻസ് പാർക്ക് അണിയിച്ചൊരുക്കിയിരിക്കുന്നത്. ക്വീൻ എന്ന ചിത്രത്തിലൂടെ ശ്രദ്ധേയനായ ദ്രുവൻ, തിരക്കഥാകൃത്തും നടനുമായ വിഷ്‌ണു ഉണ്ണികൃഷ്ണൻ, ഷറഫുദീൻ എന്നിവരാണ് നായക വേഷം കൈകാര്യം ചെയ്യുന്നത്. മറുവശത്ത് നായികമാരായി മാനസ, ഗായത്രി സുരേഷ്, സൗമ്യ മേനോൻ എന്നിവരാണ് വേഷമിടുന്നത്. ചിത്രത്തിലെ ഗാനങ്ങളും ട്രെയ്ലറും പ്രേക്ഷകർ ഇരുകൈയും നീട്ടി സ്വീകരിച്ചിരുന്നു. ഷാഫി- റാഫി മാജിക് ചിൽഡ്രൻസ് പാർക്ക് എന്ന ചിത്രത്തിലൂടെ വീണ്ടും ആവർത്തിക്കും എന്ന പ്രതീക്ഷയിലാണ് സിനിമ പ്രേമികൾ. ഈദ് റിലീസായി ചിത്രം അടുത്ത മാസം പ്രദർശനത്തിനെത്തും