മോഹൻലാൽ നായകനായി എത്തിയ സ്ഫടികം എന്ന ക്ലാസിക് ചിത്രം 28 വർഷങ്ങൾക്കു ശേഷം ഈ കഴിഞ്ഞ വ്യാഴാഴ്ച ആഗോള തലത്തിൽ റീ റിലീസ് ചെയ്തിരുന്നു. ഭദ്രൻ ഒരുക്കിയ ഈ മാസ്സ് ബ്ലോക്ക്ബസ്റ്റർ ചിത്രം 4 കെ അറ്റ്മോസ് ആയി റീമാസ്റ്റർ ചെയ്താണ് റിലീസ് ചെയ്തത്. ഗംഭീര ദൃശ്യ മികവും ശബ്ദ മികവും സമ്മാനിക്കുന്ന ഈ പുതിയ വേർഷനും ഇപ്പോൾ മഹാവിജയത്തിലേക്കാണ് കുതിക്കുന്നത്. ഏകദേശം ഒരു കോടി രൂപ ചെലവിലാണ് ഈ ചിത്രം റീമാസ്റ്റർ ചെയ്തു റീ റിലീസ് ചെയ്തത്. ആദ്യ രണ്ട് ദിനം കൊണ്ട് തന്നെ ആഗോള തലത്തിൽ നിന്ന് രണ്ട് കോടിക്ക് മുകളിൽ ഈ ചിത്രം കളക്ഷൻ നേടിക്കഴിഞ്ഞു. വളരെ വലിയ പ്രേക്ഷക പിന്തുണയാണ് ഇപ്പോൾ ഈ ചിത്രത്തിന് പ്രേക്ഷകരിൽ നിന്നും ലഭിക്കുന്നത്. ആദ്യ ദിവസത്തെ ഫാൻസ് ഷോകളിൽ ഒതുങ്ങുമെന്നു കരുതിയ ചിത്രത്തിന്റെ റൺ ഇപ്പോൾ ഒരു പുത്തൻ ചിത്രത്തെ പോലെയാണ് മുന്നോട്ടു പോകുന്നത്. യുവ പ്രേക്ഷകരോടൊപ്പം കുടുംബ പ്രേക്ഷകരും ഈ മോഹൻലാൽ- ഭദ്രൻ ക്ലാസിക് കാണാൻ തീയേറ്ററുകളിലേക്ക് ഒഴുകുകയാണ്.
ഇപ്പോൾ കേരളത്തിലെ കൂടുതൽ സ്ക്രീനുകളിലേക്ക് സ്ഫടികം ചേർക്കുകയാണ്. മാത്രമല്ല രണ്ടും മൂന്നും ഷോകൾ വെച്ച് ഈ ചിത്രം റിലീസ് ചെയ്ത സ്ക്രീനുകളിൽ ഇപ്പോൾ നാലും അഞ്ചും ഷോകളിലേക്കു എണ്ണം കൂട്ടിയിരിക്കുകയാണ്. നാല് ദിവസത്തെ എഗ്രിമെന്റ് വെച്ചാണ് സ്ഫടികം റീ റിലീസ് ചെയ്തത് എന്നാണ് സൂചന. എന്നാൽ വർധിച്ചു വരുന്ന പ്രേക്ഷക പിന്തുണയുടെ പശ്ചാത്തലത്തിൽ ഈ ചിത്രം തീയേറ്ററുകളിൽ തുടരുന്ന ദിവസങ്ങളുടെ എണ്ണം വർദ്ധിക്കുമെന്നാണ് റിപ്പോർട്ടുകൾ പറയുന്നത്. മോഹൻലാൽ, തിലകൻ തുടങ്ങി ഒട്ടേറെ മഹാപ്രതിഭകളുടെ സംഗമ വേദി കൂടിയാണ് ഈ ചിത്രം എന്നത് കൊണ്ട് തന്നെ, ഇവരുടെ ഒരുമിച്ചുള്ള പ്രകടനം വീണ്ടും തീയേറ്ററുകളിൽ കാണാൻ മലയാള സിനിമ പ്രേമികൾ കൂട്ടത്തോടെ ഒഴുകുകയാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.