സർവ്വോപരി പാലാക്കാരൻ ഒന്നാന്തരം സിനിമ : ലാൽ ജോസ്

അനൂപ് മേനോനെ നായകനാക്കി വേണു ഗോപൻ സംവിധാനം ചെയ്ത സർവ്വോപരി പാലാക്കാരൻ കഴിഞ്ഞ വാരം തിയേറ്ററുകളിൽ എത്തിയിരുന്നു. മഹേഷിന്റെ പ്രതികാരത്തിലൂടെ ശ്രദ്ധേയയായ അപർണ്ണ ബാലമുരളിയാണ് ചിത്രത്തിൽ നായികയായി എത്തിയത്.

സാമൂഹിക വിഷയങ്ങൾ കൈകാര്യം ചെയ്യുന്ന ഈ ചിത്രം സിനിമ മേഖലയിൽ നിന്ന് മികച്ച പ്രതികരണമാണ് നേടുന്നത്.

സർവ്വോപരി പാലാക്കാരനെ പുകഴ്ത്തി സംവിധായകൻ ലാൽ ജോസ് തന്റെ ഫേസ്‌ബുക്കിൽ പോസ്റ്റ് ഇടുകയുണ്ടായി. മലയാളി ആൺ സമൂഹത്തിന്റെ കപട നാട്യങ്ങളെ തുറന്ന് കാണിക്കുന്ന സിനിമയാണ് സർവ്വോപരി പാലക്കാരൻ. എല്ലാവരും കുടുംബ സമേതം ഈ സിനിമ കാണണം. ലാൽ ജോസ് എഴുതുന്നു.

ലാൽ ജോസിന്റെ കുറിപ്പ് വായിക്കാം..

“സർവ്വോപരി പാലാക്കാരൻ കണ്ടു. മലയാളി ആൺ സമൂഹത്തിന്റെ കപട നാട്യങ്ങളെ തുറന്നു കാട്ടുന്ന ഒന്നാന്തരം ഒരു സിനിമ. കുടുംബ സമേതം എല്ലാവരും ഈ സിനിമ കാണണം.. കാരണം, ഇതിൽ ഞാനും നിങ്ങളും ഉണ്ട്.”