സഹനടിയായി ഓഡിഷൻ, വീണ് കിട്ടിയത് നായികാ വേഷം; “യുണൈറ്റഡ് കിംഗ്ഡം ഓഫ് കേരള”യിലൂടെ മലയാളത്തിനൊരു പുതുമുഖ നായിക

രഞ്ജിത്ത് സജീവിനെ നായകനാക്കി അരുൺ വൈഗ ഒരുക്കിയ യുണൈറ്റഡ് കിംഗ്ഡം ഓഫ് കേരളയിലൂടെ മലയാള സിനിമയിലേക്ക് വീണ്ടുമൊരു പുതുമുഖ നായിക. ഇൻസ്റ്റാഗ്രാം ഡാൻസ് വീഡിയോകളിലൂടെ പ്രേക്ഷകർക്ക് പ്രിയങ്കരിയായ സാരംഗി ശ്യാം ആണ് ഈ ചിത്രത്തിലൂടെ നായികയായി അരങ്ങേറ്റം കുറിക്കുന്നത്. ചിത്രത്തിലെ ഒരു ക്യാരക്ടർ റോളിന് വേണ്ടിയാണ് സാരംഗിയേ ഓഡിഷന് വിളിച്ചതെന്ന് സംവിധായകൻ വെളിപ്പെടുത്തി. എന്നാല് ഈ പ്രതിഭയുടെ പ്രകടനം കണ്ടതോടെ, ചിത്രത്തിലെ നായികാ വേഷത്തിലേക്ക് ഈ കുട്ടി മതി എന്ന് ടീം ഒന്നടങ്കം തീരുമാനിക്കുകയായിരുന്നു എന്നാണ് അദ്ദേഹം പറയുന്നത്. നായികാ വേഷം തനിക്ക് വലിയ സർപ്രൈസ് ആയിരുന്നു എന്നും, ആദ്യ ചിത്രം തന്നെ ലീഡ് റോള് ചെയ്ത് കൊണ്ട് അരങ്ങേറ്റം കുറിക്കാൻ സാധിച്ചതിൽ ഏറെ സന്തോഷം ഉണ്ടെന്നും സാരംഗി പറഞ്ഞു.

മെയ് 23 നാണ് ചിത്രം റിലീസ് ചെയ്യുന്നത്. ജോണി ആന്റണി, ഇന്ദ്രൻസ്, മനോജ് കെ ജയൻ, മനോജ് കെ യു, അൽഫോൺസ് പുത്രൻ, ഡോ. റോണി, സംഗീത, മീര വാസുദേവ്, മഞ്ജു പിള്ള തുടങ്ങിയവരും ചിത്രത്തിലെ പ്രധാന വേഷങ്ങളിൽ അഭിനയിക്കുന്നു.

ഫ്രാഗ്രന്റ് നേച്ചർ ഫിലിം ക്രിയേഷൻസ്, പൂയപ്പള്ളി ഫിലിംസ് എന്നിവയുടെ ബാനറിൽ ആൻ സജീവ്, സജീവ് പി കെ, അലക്സാണ്ടർ മാത്യു എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഛായാഗ്രഹണം സിനോജ് പി അയ്യപ്പൻ, സംഗീതം രാജേഷ് മുരുകേശൻ, ഗാനരചന ശബരീഷ് വർമ്മ, സൗണ്ട് മിക്സിംഗ് വിഷ്ണു ഗോവിന്ദ്, കോറിയോഗ്രഫി സുമേഷ് & ജിഷ്ണു, ആക്ഷൻ ഫിനിക്സ് പ്രഭു, മേക്കപ്പ് ഹസൻ വണ്ടൂർ, വസ്ത്രലങ്കാരം മെൽവി ജെ, എഡിറ്റർ അരുൺ വൈഗ, കലാസംവിധാനം സുനിൽ കുമാരൻ, എക്സിക്യൂട്ടീവ് പ്രൊഡ്യൂസർ ഹാരിസ് ദേശം, പ്രൊഡക്ഷൻ കൺട്രോളർ റിന്നി ദിവാകർ.