ഇന്ത്യൻ സിനിമ കണ്ട എക്കാലത്തേയും ഏറ്റവും മികച്ച ഛായാഗ്രാഹകൻ എന്ന ചോദ്യത്തിന് ഒരുത്തരമേ ഉള്ളു, അത് സന്തോഷ് ശിവൻ എന്നാണ്. ഈ പ്രതിഭ നമ്മുക്ക് മുന്നിലെത്തിച്ച വിസ്മയിപ്പിക്കുന്ന ദൃശ്യങ്ങളിലൂടെ സിനിമയെ സ്നേഹിച്ചവർ ഏറെ. ഓരോ ചിത്രത്തിലും സന്തോഷ് ശിവൻ മാജിക് കാണിച്ചു തരുന്ന അദ്ദേഹത്തിന്റെ പല ചിത്രങ്ങളിലേയും ഷോട്ടുകൾ ഇന്നും ഛായാഗ്രാഹകരുടെ പാഠപുസ്തകങ്ങൾ ആണ്. ഇന്ത്യൻ സിനിമയിലെ പ്രഗത്ഭരായ സംവിധായകരുടെ പ്രിയ ക്യാമറാമാൻ ആയ സന്തോഷ് ശിവൻ ഒരു സംവിധായകൻ എന്ന നിലയിലും മനോഹരമായ ചിത്രങ്ങൾ നമ്മുക്ക് സമ്മാനിച്ചിട്ടുണ്ട്. ഇപ്പോഴിതാ ഇത്രയും വർഷത്തെ തന്റെ കരിയറിൽ താൻ ഒപ്പം ജോലി ചെയ്തിട്ടുള്ളവരിൽ ഏറ്റവും മികച്ച നായകന്മാർ ആരെന്നു വെളിപ്പെടുത്തുകയാണ് സന്തോഷ് ശിവൻ.
തന്റെ ഒഫീഷ്യൽ ട്വിറ്റെർ അക്കൗണ്ടിലൂടെ ആണ് സന്തോഷ് ശിവൻ ആ പേരുകൾ കഴിഞ്ഞ ദിവസം ആരാധകരോട് പങ്കു വെച്ചത്. രജനികാന്ത്, മോഹൻലാൽ, ഷാരുഖ് ഖാൻ, അമിതാഭ് ബച്ചൻ, മഹേഷ് ബാബു എന്നിവരാണ് ആ അഞ്ചു നായകന്മാർ എന്നാണ് സന്തോഷ് ശിവൻ പറയുന്നത്. ഓരോ ഭാഷയിലേയും ഏറ്റവും മികച്ചവർ ആയി അദ്ദേഹം കരുതുന്ന, ഒപ്പം ജോലി ചെയ്തിട്ടുള്ള നായകന്മാരുടെ പേരാണ് അദ്ദേഹം പറയുന്നത്. ഇപ്പോൾ രജനികാന്ത് നായകനായ എ ആർ മുരുഗദോസ് ചിത്രമായ ദർബാറിനു വേണ്ടി ക്യാമറ ചലിപ്പിക്കുന്ന അദ്ദേഹം ഒട്ടേറെ മോഹൻലാൽ ചിത്രങ്ങൾക്ക് വേണ്ടിയും ക്യാമറ ചലിപ്പിച്ചിട്ടുണ്ട്.
ഇന്ദ്രജാലം, നമ്പർ 20 മദ്രാസ് മെയിൽ, അപ്പു, അഹം, യോദ്ധ, ഗാന്ധർവം, പവിത്രം, നിർണ്ണയം, കാലാപാനി, ഇരുവർ, വാനപ്രസ്ഥം എന്നീ മോഹൻലാൽ നായകനായ ചിത്രങ്ങൾക്ക് വേണ്ടി ദൃശ്യങ്ങൾ ഒരുക്കിയിട്ടുണ്ട് സന്തോഷ് ശിവൻ. മലയാളത്തിൽ ഉറുമി, ജാക്ക് ആൻഡ് ജിൽ എന്നീ ചിത്രങ്ങൾ സംവിധാനം ചെയ്തിട്ടുമുണ്ട് അദ്ദേഹം. അതിൽ ജാക്ക് ആൻഡ് ജിൽ എന്ന മഞ്ജു വാര്യർ- കാളിദാസ് ജയറാം ചിത്രം ഇപ്പോൾ അതിന്റെ പോസ്റ്റ്-പ്രൊഡക്ഷൻ ജോലികളിൽ ആണ്. സന്തോഷ് ശിവൻ അടുത്തതായി ഒരുക്കാൻ പോകുന്നത് കലിയുഗം എന്ന പേരിൽ ഒരു ബിഗ് ബജറ്റ് ചിത്രം ആണെന്നും അതിൽ മോഹൻലാൽ ഉൾപ്പെടെ ഒരു വലിയ താര നിര അണിനിരക്കുമെന്നും സൂചനകൾ ഉണ്ട്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.