മലയാളത്തിന്റെ മഹാനടൻ മോഹൻലാൽ ആദ്യമായി സംവിധാനം ചെയ്യാൻ പോകുന്ന ചിത്രമാണ് ബാറോസ്; ദി ഗാർഡിയൻ ഓഫ് ഗാമാസ് ട്രെഷർ. ഒരു ത്രീഡി ഫാന്റസി ചിത്രമായി ഒരുങ്ങാൻ പോകുന്ന ഈ ബിഗ് ബഡ്ജറ്റ് ചിത്രം രചിക്കുന്നത് മൈ ഡിയർ കുട്ടിച്ചാത്തൻ പോലത്തെ വമ്പൻ ത്രീഡി ചിത്രം എണ്പതുകളിൽ ഇന്ത്യയിൽ ആദ്യമായി എത്തിച്ച സംവിധായകൻ ജിജോ പുന്നൂസ് ആണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം ഈ വർഷം ആരംഭിക്കാൻ തീരുമാനിച്ചിരുന്നത് ആണെങ്കിലും കോവിഡ് പ്രതിസന്ധി മൂലം അടുത്ത വർഷത്തേക്ക് നീട്ടി വെക്കുകയായിരുന്നു. ഇപ്പോഴിതാ ഈ ചിത്രത്തിന് വേണ്ടി ക്യാമറ ചലിപ്പിക്കാൻ എത്തുന്നത് സാക്ഷാൽ സന്തോഷ് ശിവൻ ആണെന്ന വാർത്തയാണ് പുറത്തു വന്നിരിക്കുന്നത്. സന്തോഷ് ശിവൻ തന്നെയാണ് ഈ വാർത്ത പുറത്തു വിട്ടത്. മോഹൻലാൽ, ജിജോ എന്നീ ഇതിഹാസങ്ങൾക്കൊപ്പം ബാറോസ് എന്ന ചിത്രത്തിലൂടെ തെന്നിന്ത്യൻ സിനിമയെ ലോക സിനിമയുടെ മുന്നിൽ എത്തിക്കാൻ താനും എത്തുന്നു എന്ന് അദ്ദേഹം തന്റെ ട്വിറ്റർ അക്കൗണ്ടിലൂടെ പുറത്തു വിട്ടു.
മോഹൻലാലിനൊപ്പം ഒട്ടേറെ ചിത്രങ്ങളിൽ ജോലി ചെയ്തിട്ടുള്ള സന്തോഷ് ശിവൻ ഇരുപത്തിയൊന്നു വർഷത്തിന് ശേഷമാണ് ഇപ്പോൾ മോഹൻലാലുമായി വീണ്ടും ഒന്നിക്കാൻ പോകുന്നത്. ഷാജി എൻ കരുണ് ഒരുക്കിയ ദേശീയ പുരസ്കാരം നേടിയ വാനപ്രസ്ഥം എന്ന ചിത്രത്തിലാണ് മോഹൻലാൽ- സന്തോഷ് ശിവൻ ടീം ഇതിനു മുൻപ് ഒന്നിച്ചു ജോലി ചെയ്തത്. മോഹൻലാൽ അഭിനയിച്ച ഇരുവർ, കാലാപാനി, യോദ്ധ, ഇന്ദ്രജാലം, പവിത്രം, നിർണ്ണയം, ഗാന്ധർവം, നമ്പർ 20 മദ്രാസ് മെയിൽ, അപ്പു, അഹം എന്നീ ചിത്രങ്ങളിലും സന്തോഷ് ശിവൻ ക്യാമറാമാൻ ആയി ജോലി ചെയ്തിട്ടുണ്ട്. മോഹൻലാൽ തന്നെ നായകനായി എത്തുന്ന ബാറോസിൽ സ്പാനിഷ് അഭിനേത്രി ആയ പാസ് വേഗ, റാഫേൽ അമാർഗോ എന്നിവരും അഭിനയിക്കും. ഇപ്പോൾ ദൃശ്യം 2 എന്ന ചിത്രം ചെയ്യുകയാണ് മോഹൻലാൽ. അതിനു ശേഷം ബി ഉണ്ണികൃഷ്ണൻ ചിത്രം, റാം എന്ന ചിത്രത്തിന്റെ ബാക്കി ചിത്രീകരണം എന്നിവ പൂർത്തിയാക്കി മോഹൻലാൽ ബാറോസിലേക്കു കടക്കും.
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
This website uses cookies.