മാലി ദ്വീപിൽ ജന്മദിനാഘോഷം; വൈറലായി സാനിയ ഇയ്യപ്പന്റെ ഗ്ലാമർ ചിത്രങ്ങൾ..!

പ്രശസ്ത മലയാള യുവ നടി സാനിയ ഇയ്യപ്പന്റെ ഏറ്റവും പുതിയ ഗ്ലാമർ ചിത്രങ്ങൾ ആണ് ഇപ്പോൾ സോഷ്യൽ മീഡിയയിൽ വൈറലാവുന്നത്. തന്റെ ജന്മദിനത്തിൽ സാനിയ തന്നെയാണ് ഈ ചിത്രങ്ങൾ സോഷ്യൽ മീഡിയ അക്കൗണ്ടുകളിലൂടെ പങ്കു വെച്ചത്. ഇത്തവണ മാലിയിൽ ആണ് സാനിയ തന്റെ ജന്മദിനം ആഘോഷിച്ചത്. ദുൽഖർ സൽമാൻ, ഗീതു മോഹൻദാസ്, സ്രിന്റ, സണ്ണി വെയ്ൻ തുടങ്ങി നിരവധി പേർ പത്തൊന്പതാം ജന്മദിനം ആഘോഷിക്കുന്ന സാനിയക്ക് ആശംസകൾ നേർന്ന് കൊണ്ട് മുന്നോട്ട് വന്നിരുന്നു. മാലിയിലെ ബീച്ചിൽ നിന്നുള്ള ദൃശ്യങ്ങൾ ആണ് സാനിയ പങ്കു വെച്ചിരിക്കുന്നത്. ഡി ഫോർ ഡാൻസ് റിയാലിറ്റി ഷോയിൽ മത്സരാർത്ഥിയായി എത്തിയ സാനിയ അതിൽ സെക്കന്റ് റണ്ണർ അപ് ആയാണ് ശ്രദ്ധ നേടിയത്.

പിന്നീട് ബാല്യകാലസഖി എന്ന ചിത്രത്തിൽ ഇഷ തൽവാറിന്റെ ചെറുപ്പ കാലം അവതരിപ്പിച്ച് ശ്രദ്ധ നേടിയ ഈ നടി അപ്പോത്തിരിക്കിരി, വേദം എന്നീ ചിത്രങ്ങളിലും അഭിനയിച്ചെങ്കിലും, നായികയായി അരങ്ങേറ്റം കുറിച്ചത് ഡിജോ ജോസ് ആന്റണി ഒരുക്കിയ ക്വീൻ എന്ന ചിത്രത്തിലൂടെ ആണ്. അതിന് ശേഷം പ്രേതം 2, ലൂസിഫർ, പതിനെട്ടാം പടി, ദി പ്രീസ്റ്റ്, കൃഷ്ണൻകുട്ടി പണി തുടങ്ങി എന്നീ ചിത്രങ്ങളിലെല്ലാം മികച്ച വേഷങ്ങൾ ചെയ്തു കയ്യടി നേടി സാനിയ. സോഷ്യൽ മീഡിയയിൽ ഏറെ സജീവമായ സാനിയ ഇയ്യപ്പൻ തന്റെ വർക് ഔട്ട് വീഡിയോകൾ, ഡാൻസ് വീഡിയോകൾ എന്നിവയും സോഷ്യൽ മീഡിയ, യൂട്യൂബ് ചാനൽ വഴിയൊക്കെ പങ്കു വെക്കാറുണ്ട്. ഒരുപിടി വലിയ ചിത്രങ്ങളുടെ ഭാഗമായി എത്താനുള്ള ഒരുക്കത്തിലാണിപ്പോൾ ഈ യുവ നടി.