നാഗചൈതന്യയും സാമന്തയും വേർപിരിയുന്നു; കുടുംബ കോടതിയെ സമീപിച്ചെന്നു വാർത്തകൾ..!

തെലുങ്കിലെ താര ദമ്പതികൾ ആണ് നാഗ ചൈതന്യയും സാമന്തയും. തെലുങ്കു സൂപ്പർ താരം നാഗാർജുനയുടെ മകനും യുവ താരവുമായ നാഗ ചൈതന്യ ഏതാനും വർഷങ്ങൾക്കു മുൻപാണ് തെന്നിന്ത്യൻ സൂപ്പർ നായിക സാമന്തയെ വിവാഹം കഴിച്ചത്. ഏറെക്കാലം നീണ്ടു നിന്ന പ്രണയത്തിനു ശേഷമായിരുന്നു ഇരുവരും വിവാഹിതരായത്. എന്നാൽ ഇപ്പോഴിതാ ഇരുവരും വിവാഹ ബന്ധം വേർപ്പെടുത്താൻ പോവുകയാണ് എന്ന വാർത്തകളാണ് പുറത്തു വരുന്നത്. ഇരുവരും ഒന്നിച്ച് എടുത്ത തീരുമാനമാണ് ഇതെന്ന് തെലുങ്കു മാധ്യമങ്ങളാണ് റിപ്പോർട്ട് ചെയ്യുന്നത്. ഇവര്‍ കുടുംബ കോടതിയെ സമീപിച്ചെന്നും വിവാഹ മോചനത്തിന് കൗണ്‍സിലിംഗ് ഘട്ടത്തിലാണ് ഇരുവരുമെന്നും സ്ഥിതീകരിക്കാത്ത വിവരങ്ങൾ ലഭിച്ചു എന്ന് തെലുങ്കിലെ സാക്ഷി ന്യൂസ് ആണ് റിപ്പോർട്ട് ചെയ്തത്. ഇവർ രണ്ടു പേരും വിവാഹിതരായത്, നാല് വര്ഷം മുൻപ് 2017 ഒക്ടോബര്‍ ആറിനാണ്.

വിവാഹത്തിന് ശേഷവും സിനിമയിലും വെബ് സീരീസിലുമെല്ലാം സജീവമായിരുന്നു സാമന്ത. നാഗ ചൈതന്യയും ആമിർ ഖാന് ഒപ്പമുള്ള ബോളിവുഡ് ചിത്രത്തിൽ വരെ ഈ കാലയളവിൽ അഭിനയിച്ചു. പ്രൊഫഷണൽ ജീവിതത്തിൽ ഇരുവരും വിജയം കൈവരിച്ചു നിന്നെങ്കിലും ദാമ്പത്യ ജീവിതത്തിൽ ഇരുവർക്കും സ്വര ചേർച്ച ഉണ്ടായിരുന്നില്ല എന്ന വാർത്തകളാണ് പുറത്തു വരുന്നത്. സാമൂഹ്യമാധ്യമങ്ങളില്‍ തന്റെ പേരിലെ അക്കിനേനി എന്ന ഭാഗം സാമന്ത മാറ്റിയതും അഭ്യൂഹങ്ങൾ ശ്കതമാക്കാൻ ഇടയാക്കി. നാഗ ചൈതന്യയുടെ കുടുംബത്തിലെ പേരിന്റെ ഭാഗമാണ് അക്കിനേനി എന്നത്. ഏതായാലും ഇതുവരെ സാമന്തയും നാഗചൈതന്യയും വിവാഹബന്ധം വേര്‍പിരിയുന്നത് സംബന്ധിച്ച് ഔദ്യോഗികമായി ഒരു പ്രതികരണവും മാധ്യമങ്ങൾക്കു നൽകിയിട്ടില്ല. ഈ അടുത്തിടെ റിലീസ് ചെയ്ത ഫാമിലി മാൻ രണ്ടാം സീസണിലെ ഗംഭീര പ്രകടനത്തോടെ വലിയ രീതിയിലാണ് സാമന്ത ഇന്ത്യയിൽ മുഴുവൻ പ്രശസ്തയായതു.

https://www.instagram.com/p/CEWlJ2vBPrf/