അന്നും ഇന്നും എന്നും മോഹൻലാൽ ആരാധകൻ; വിമർശനത്തിന് മാസ്സ് മറുപടിയുമായി സജി ചെറിയാൻ എം എൽ എ..!

കേരളത്തിനകത്തും പുറത്തും ഏറ്റവുമധികം ആരാധകരുള്ള മലയാള സിനിമാ നടനാണ് മോഹൻലാൽ. പൊതുജനങ്ങൾക്കിടയിൽ മാത്രമല്ല, പ്രശസ്ത വ്യക്തിത്വങ്ങൾക്കിടയിലും ഇന്ത്യൻ സിനിമയിലെ തന്നെ സംവിധായകർ , സാങ്കേതിക പ്രവർത്തകർ, നടീനടന്മാർ എന്നിവർക്കിടയിലും ഏറ്റവും കൂടുതൽ ആരാധകർ ഉള്ള താരവും മോഹൻലാൽ തന്നെയാണ്. ഇന്ത്യൻ സിനിമയിലെ ജീവിച്ചിരിക്കുന്ന ഏറ്റവും മികച്ച നടൻ എന്നോ മലയാള സിനിമയുടെ താര ചക്രവർത്തി എന്നോ മാത്രമല്ല ഏറ്റവും പ്രശസ്തനായ മലയാളി എന്നും കൂടിയാണ് മോഹൻലാൽ വിശേഷിപ്പിക്കപ്പെടുന്നത് തന്നെ. പല ദേശീയ മാധ്യമങ്ങളും നടത്തിയ സർവേകളിലും ആ കാര്യം തെളിയിക്കപ്പെട്ടതുമാണ്. ഇപ്പോഴിതാ താൻ അന്നും ഇന്നും ഇനിയെന്നും മോഹൻലാൽ ആരാധകൻ ആയിരിക്കും എന്ന് പറഞ്ഞു കൊണ്ട് മുന്നോട്ടു വന്നിരിക്കുന്നത് ചെങ്ങന്നൂരിന്റെ പുതിയ എം എൽ എ ആയ സജി ചെറിയാൻ ആണ്.

അദ്ദേഹം കഴിഞ്ഞ ദിവസം തന്റെ ഫേസ്ബുക് അക്കൗണ്ടിൽ മോഹൻലാലിനൊപ്പം നിൽക്കുന്ന ഒരു ചിത്രം പോസ്റ്റ് ചെയ്തിരുന്നു. താര രാജാവിനൊപ്പം എന്ന ചെറിയ കുറിപ്പോടു കൂടിയാണ് അദ്ദേഹം ആ ചിത്രം പോസ്റ്റ് ചെയ്തത്. ഒട്ടേറെ പേര് ആ ചിത്രത്തെ നിറഞ്ഞ മനസ്സോടെ ഏറ്റെടുത്തപ്പോൾ ആ പോസ്റ്റിനടിയിൽ ഒരു വിമർശകനും എത്തി. സഖാവേ വേറെ ആരെയും കണ്ടില്ലേ എന്നായിരുന്നു ആ വിമർശകന്റെ കമന്റ്. എന്നാൽ അതിനുള്ള എം എൽ എയുടെ മാസ്സ് റിപ്ലൈ സോഷ്യൽ മീഡിയയിൽ ഇപ്പോൾ വൈറൽ ആയി കഴിഞ്ഞു. താൻ അന്നും ഇന്നും ഇനിയെന്നും ലാലിന്റെ ആരാധകനാണ് എന്നായിരുന്നു സജി ചെറിയാന്റെ റിപ്ലൈ. അതോടു കൂടി എം എൽ എ ക്കും ആരാധകർ കൂടി എന്ന് പറഞ്ഞാൽ മതിയല്ലോ. മലയാളികളുടെ വികാരമാണ് മോഹൻലാൽ എന്ന പകൽ പോലത്തെ സത്യം ഒരിക്കൽ കൂടി വിമർശകരുടെ വായടപ്പിക്കുന്ന കാഴ്ചയാണ് നമ്മുക്ക് ഇതിലൂടെയും കാണാൻ കഴിയുന്നത്.