പ്രശസ്ത സംവിധായകൻ ഹരിഹരൻ ഒരുക്കിയ മയൂഖം എന്ന ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച നടനാണ് സൈജു കുറുപ്പ്. അതിനു ശേഷം വില്ലനായും സഹനടനായും കോമഡി നടനായുമെല്ലാം ഒട്ടേറെ ചിത്രങ്ങളിലൂടെ സൈജു മലയാള സിനിമയിലെ അവിഭാജ്യ ഘടകങ്ങളിൽ ഒന്നായി മാറി. ഒട്ടേറെ ചിത്രങ്ങളിലെ ഗംഭീര പ്രകടനം ഈ നടന് വലിയ പ്രേക്ഷക പ്രശംസ നേടിക്കൊടുത്തിട്ടുണ്ട്. വി കെ പ്രകാശ് സംവിധാനം ചെയ്ത ട്രിവാൻഡ്രം ലോഡ്ജ് എന്ന ചിത്രത്തിലെ വേഷം സൈജു കുറുപ്പിന്റെ കരിയറിലെ വലിയ ബ്രേക്ക് ആയി മാറി. കഴിഞ്ഞ ഡിസംബർ റിലീസ് ആയെത്തിയ ഡ്രൈവിങ് ലൈസൻസ് എന്ന സൂപ്പർ ഹിറ്റ് ചിത്രത്തിലും ഏറ്റവും കൂടുതൽ കയ്യടി നേടിയത് സൈജു കുറുപ്പിന്റെ ജോണി പേരിങ്ങോടൻ എന്ന കഥാപാത്രമായിരുന്നു.
ഇപ്പോഴിതാ തന്റെ അഭിനയ ജീവിതത്തെക്കുറിച്ചു കൂടുതൽ മനസ്സ് തുറക്കുകയാണ് സൈജു കുറുപ്പ്. ആവർത്തന വിരസങ്ങളായ കഥാപാത്രങ്ങൾ ചെയ്യാതെയിരിക്കാൻ ശ്രമിക്കാറുണ്ട് എന്നും അതുപോലെ നായകനായി അഭിനയിക്കുന്ന താരത്തെ വിശ്വസിച്ചാണ് അൻപത് ശതമാനം സിനിമകളും തിരഞ്ഞെടുക്കുന്നതെന്നും സൈജു കുറുപ്പ് പറയുന്നു. താൻ ഹീറോയായി അഭിനയിച്ച സിനിമകളിലെ നായികമാരോടൊക്കെ തനിക്ക് പ്രണയം തോന്നിയിട്ടുണ്ട് എന്നും സൈജു കുറുപ്പ് പറയുന്നു. സൈജു കുറുപ്പിന്റെ നായികയായി മയൂഖത്തിലൂടെ തന്നെയാണ് പ്രശസ്ത നായിക മമത മോഹൻദാസും അരങ്ങേറ്റം കുറിച്ചത്. സിന്ധു മേനോൻ, രമ്യ നമ്പീശൻ, മാനസ, രസ്ന എന്നിവരുടെയെല്ലാം നായകനായി അഭിനയിച്ചിട്ടുണ്ട് സൈജു കുറുപ്പ്. ഒന്നിച്ച് അഭിനയിക്കുന്ന സമയത്തല്ലാതെ നായികമാരോട് കൂടുതൽ സംസാരിക്കാൻ അവസരം ലഭിച്ചിട്ടില്ല എന്നും സൈജു കുറുപ്പ് പറഞ്ഞു. മോഹൻകുമാർ ഫാൻസ്, ഉപചാരപൂർവം ഗുണ്ട ജയൻ, കാൺമാനില്ല എന്നിവയാണ് അദ്ദേഹത്തിന്റെ ഇനി റിലീസ് ചെയ്യാനുള്ള ചിത്രങ്ങൾ.
അധികം വൈകാതെ തന്നെ കേരളം ഒരു വൃദ്ധസദനമാകുമോ? "യുണൈറ്റഡ് കിങ്ഡം ഓഫ് കേരള-UKOK" കണ്ട് ആശങ്ക പ്രകടിപ്പിച്ച്- എം.പി ഡീൻ…
‘കച്ചി സേര’, ‘ആസ കൂട’, ‘സിത്തിര പൂത്തിരി’ എന്നീ ഗാനങ്ങളിലൂടെ ചുരുങ്ങിയ കാലത്തിനുള്ളിൽ സോഷ്യൽ മീഡിയ സെൻസേഷനായി മാറിയ സായ്…
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ദിലീപ് ചിത്രം 'ഭ.ഭ.ബ' യുടെ ഓവർസീസ് വിതരണാവകാശം റെക്കോർഡ് തുകക്ക്…
കേരളത്തിലെ സിനിമാ വിതരണക്കാരുടെ സംഘടനയായ ഫിലിം ഡിസ്ട്രിബ്യൂട്ടേഴ്സ് അസോസിയേഷന്റെ പ്രസിഡന്റായി 3-ാം തവണയും ലിസ്റ്റിൻ സ്റ്റീഫൻ തിരഞ്ഞെടുക്കപ്പെട്ടു. വൈസ് പ്രസിഡന്റായി…
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
This website uses cookies.