മലയാളികളുടെ പ്രിയ തിരക്കഥ രചയിതാവും സംവിധായകനുമായ സച്ചി അകാലത്തിൽ നമ്മളെ വിട്ടു പോയി. പതിമൂന്നു വർഷം നീണ്ട തന്റെ കരിയറിന്റെ ഏറ്റവും ഉയർന്ന നിലയിൽ നിൽക്കുമ്പോഴായിരുന്നു അപ്രതീക്ഷിതമായി സച്ചിയെ മരണം കവർന്നെടുത്തത്. സച്ചി രചിച്ചു സംവിധാനം ചെയ്ത് അവസാന ചിത്രമായ അയ്യപ്പനും കോശിയും റിലീസ് ചെയ്തത് ഈ വർഷം ഫെബ്രുവരിയിലാണ്. ഹവിൽദാർ കോശിയായി പൃഥ്വിരാജ് സുകുമാരനും സബ് ഇൻസ്പെക്ടർ അയ്യപ്പൻ നായരായി ബിജു മേനോനും തകർത്തഭിനയിച്ച ഈ ചിത്രം വമ്പൻ വിജയവും അതുപോലെ നിരൂപക പ്രശംസയുമാണ് നേടിയത്. ഈ ചിത്രത്തിന്റെ തമിഴ്, തെലുങ്കു, ഹിന്ദി റീമേക് അവകാശങ്ങളും വിറ്റു പോയിരുന്നു. തമിഴിൽ ഈ ചിത്രം സംഭവിക്കുകയാണെങ്കിൽ അയ്യപ്പൻ നായരായി പ്രശസ്ത നടൻ പാർഥിപനേയും കോശിയായി കാർത്തിയേയും കാണാനായിരുന്നു സച്ചി ആഗ്രഹിച്ചത്. അയ്യപ്പനും കോശിയും എന്ന ചിത്രം റിലീസ് ചെയ്തതിനു ശേഷം മനോരമക്ക് കൊടുത്ത അഭിമുഖത്തിലാണ് സച്ചി ഈ കാര്യം തുറന്നു പറയുന്നത്.
അതുപോലെ ഹിന്ദിയിൽ ഈ ചിത്രം റീമേക് ചെയ്യാനുള്ള അവകാശം മേടിച്ചതു നടൻ ജോൺ എബ്രഹാമാണ്. അതിൽ നാനാ പടേക്കർ, ജോൺ എബ്രഹാം തുടങ്ങിയവർ ഈ കഥാപാത്രം ചെയ്താൽ നന്നാവുമെന്നും സച്ചി പറഞ്ഞിരുന്നു. സച്ചി പറഞ്ഞ ഈ വാക്കുകൾ നടൻ പാർത്ഥിപൻ ട്വിറ്റെർ വഴി പങ്കു വെക്കുകയും, സച്ചി തന്നെ മനസ്സിൽ കണ്ടതിൽ സന്തോഷം പങ്കു വെക്കുകയും ചെയ്തു. എന്നാൽ അദ്ദേഹത്തിന്റെ പെട്ടെന്നുള്ള മരണത്തിലുള്ള വിഷമവും പ്രകടിപ്പിച്ചു കൊണ്ട് പാർത്ഥിപൻ പറഞ്ഞത് താൻ ഉടനെ തന്നെ ഈ ചിത്രം കാണുമെന്നും സച്ചി ആഗ്രഹിച്ചത് പോലെ നടത്താൻ ശ്രമിക്കുമെന്നുമാണ്. ആടുകളം, ജിഗർത്തണ്ട പോലുള്ള മികച്ച ചിത്രങ്ങൾ നിർമ്മിച്ച എസ് കതിരേശനാണ് ഈ ചിത്രത്തിന്റെ തമിഴ് റീമേക് അവകാശം സ്വന്തമാക്കിയിരിക്കുന്നത്. നടനും സംവിധായകനുമായ ശശി കുമാർ ആയിരിക്കും തമിഴ് റീമേക്കിൽ ഒരു പ്രധാന കഥാപാത്രം ചെയ്യുക എന്ന് സൂചനയുണ്ട്.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.