മലയാളത്തിന്റെ മഹാനടനായ മോഹൻലാൽ ഒരു ഗായകൻ എന്ന നിലയിലും തന്റെ കഴിവ് തെളിയിച്ചിട്ടുള്ള ആളാണ്. ഒരുപക്ഷെ ഏറ്റവും കൂടുതൽ സൂപ്പർ ഹിറ്റ് ഗാനങ്ങൾ ആലപിച്ചിട്ടുള്ള മലയാളത്തിലെ നിലവിലുള്ള ഒരേ ഒരു നായകനും മോഹൻലാൽ മാത്രമായിരിക്കും. താൻ അഭിനയിക്കാത്ത ചിത്രത്തിൽ വരെ പിന്നണി ഗായകനായി ഗാനം ആലപിച്ചു സൂപ്പർ ഹിറ്റാക്കിയ ചരിത്രവും മോഹൻലാലിനുണ്ട്. അവസാനമായി മോഹൻലാൽ ഒരു ചിത്രത്തിൽ പാടിയത് 2012 ഇൽ റിലീസ് ചെയ്ത റൺ ബേബി റൺ ജോഷി ചിത്രത്തിൽ ആണ്. ബ്ലോക്ക്ബസ്റ്റർ ആയി മാറിയ ആ ചിത്രത്തിലെ മോഹൻലാൽ പാടിയ ആറ്റുമണൽ പായയിൽ എന്ന ഗാനം ആ വർഷത്തെ മലയാളത്തിലെ ഏറ്റവും വലിയ ഹിറ്റ് ഗാനം ആയിരുന്നു. ഇപ്പോഴിതാ ആറു വർഷങ്ങൾക്കു ശേഷം മോഹൻലാൽ തന്റെ ഒരു ചിത്രത്തിൽ ഒരു ഗാനം മുഴുവനായി പാടുകയാണ്. നീരാളി എന്ന തന്റെ പുതിയ ചിത്രത്തിലാണ് മോഹൻലാൽ പാടിയിരിക്കുന്നത്.
അജോയ് വർമ്മ സംവിധാനം ചെയ്ത നീരാളിയിൽ പ്രശസ്ത ഗായിക ശ്രേയ ഘോഷലിന് ഒപ്പമാണ് മോഹൻലാൽ പാടിയിരിക്കുന്നത്. സ്റ്റീഫൻ ദേവസ്സിയാണ് ഈ ചിത്രത്തിന് സംഗീത സംവിധാനം നിർവഹിച്ചിരിക്കുന്നത്. ഈ വർഷം മെയ് അല്ലെങ്കിൽ ജൂൺ മാസത്തിൽ നീരാളി പ്രദർശനത്തിന് എത്തും എന്നാണ് റിപ്പോർട്ടുകൾ പറയുന്നത്. ഒരു ത്രില്ലർ ആയി ഒരുക്കിയിരിക്കുന്ന ഈ ചിത്രം നിർമ്മിച്ചത് സന്തോഷ് ടി കുരുവിളയും ഇതിനു തിരക്കഥ ഒരുക്കിയത് നവാഗതനായ സാജു തോമസും ആണ്. 2016 ഇൽ ഗോപി സുന്ദറിന്റെ സംഗീതത്തിൽ പുലി മുരുകൻ എന്ന ചിത്രത്തിൽ മലയാറ്റൂർ മലയും കേറി എന്നൊരു ഗാന ശകലം മോഹൻലാൽ ആലപിച്ചിരുന്നു എങ്കിലും അതൊരു ഫുൾ ലെങ്ത് സോങ് ആയിരുന്നില്ല. മുപ്പത്തിനാല് വർഷങ്ങൾക്കു ശേഷം നദിയ മൊയ്ദു മോഹൻലാലിനൊപ്പം അഭിനയിച്ച ചിത്രം കൂടിയാണ് നീരാളി.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.